Hornillos de Eresma

conceyu de la provincia de Valladolid (España)

Hornillos de Eresma ye un conceyu y llocalidá d'España, na provincia de Valladolid, comunidá autónoma de Castiella y Lleón. Tien una superficie de 34,90 km² con una población de 186 habitantes y una densidá de 5,33 hab/km².

Blue globe icon.svgHornillos de Eresma
Iglesia de San Miguel Arcángel, Hornillos de Eresma 02.jpg
Bandera de Hornillos de Eresma.svg Escudo de Hornillos de Eresma.svg
Alministración
PaísFlag of Spain.svg España
AutonomíaFlag of Castile and León.svg Castiella y Lleón
ProvinciaBandera de la provincia de Valladolid.svg provincia de Valladolid
Tipu d'entidá conceyu d'España
Alcaldesa d'Hornillos de Eresma Coral López de la Viuda
Nome oficial Hornillos de Eresma (es)
Códigu postal 47238
Xeografía
Coordenaes 41°22′02″N 4°43′04″O / 41.367222222222°N 4.7177777777778°O / 41.367222222222; -4.7177777777778Coordenaes: 41°22′02″N 4°43′04″O / 41.367222222222°N 4.7177777777778°O / 41.367222222222; -4.7177777777778
Hornillos de Eresma alcuéntrase n'España
Hornillos de Eresma
Hornillos de Eresma
Hornillos de Eresma (España)
Mapa de Hornillos de Eresma.svg
Superficie 35 km²
Altitú 718 m
Demografía
Población 166 hab. (2020)
- 97 homes (2019)

- 68 muyeres (2019)
Porcentaxe 0%
0.01%
0.03% d'España
Castiella y Lleón
provincia de Valladolid
Densidá 4,74 hab/km²
Cambiar los datos en Wikidata

DemografíaEditar

 
Ilesia de San Miguel Arcánxel
Evolución demográfica de Hornillos de Eresma
19911996200120042014
151153186193176
(Fonte: [ensin referencies])

HistoriaEditar

El 19 de xunetu de 1936 fueron deteníos por falanxistes locales l'alcalde, Neófito López Díez, xunto a otros venti persones y zarraes nel conceyu. Na madrugada del 29 d'agostu, l'alcalde y otros 7 fueron sacaos del conceyu por falanxistes de Mojados con direición a Valladolid, pero nun llugar non determináu del "rasu de Portiellu", nel términu municipal de La Pedraja del Portiellu, ente Mojados y Boecillo, fueron asesinaos ensin que los sos cuerpos apaecieren y ensin que'l llugar esactu fuera identificáu. El restu de les persones fueron llevaos a Valladolid a les "cocheres" o lliberaos.

Los asesinaos fueron:

  • Neófito López Díez, de 36 años, natural de Velascálvaro (Valladolid), llabrador, casáu y con un fíu.
  • Blas Martín Martín, de 29 años, natural de Hornillos de Eresma. llabrador. Moteyaos "les Cebolles".
  • Emilio Martín Martín, de 20 años, natural de Hornillos de Eresma, llabrador. Hermanu del anterior, dambos fueron llevaos ataos a les coles de los caballos dende'l llugar de la detención, onde taben segando, hasta'l conceyu.
  • Mariano Amador Barbao Flaire. de 20 años, natural de Hornillos de Eresma, resinero.
  • Pedro Barbao Flaire, de 27 años, natural de Hornillos de Eresma, resinero.
  • Un mozu de 18 años años de nome Llanu, que la so familia viniera de Cantabria.
  • 2 hermanos que vivíen na Casa de La Navilla, pela rodiada del pueblu.

Estos siete últimos yeren homes que trabayaben pa Neófito López Díez.

Dellos de los encarcelaos fueron:

  • Cándido Guijar Gómez, de 22 años, natural de Hornillos de Eresma.
  • Xusto Villarreal Pérez, de 35 años, natural de Hornillos de Eresma.[1]
  • Ángel Gómez Aranda, de 45 años, natural de Hornillos de Eresma.
  • Segundu Gómez Jiménez, de 19 años, natural de Hornillos de Eresma.[1]
  • Onésimo Zamarrón Haro.[1]
  • Leoncio Tijero Gutiérrez, de 59 años, natural de Tordesillas, Capataz de Montes. Separáu con calter definitivu del serviciu'l 17 d'avientu de 1936.[2]
  • Mauro García Lumbreras.
  • Antolina Villarreal García, de 41 años, natural de Hornillos de Eresma. Prima de Justo Villarreal, foi torturada con aceite de ricino y pasiada nun pollín pol pueblu.
  • Un tal Ambrosio.
  • Andrés, d'El Burgo de Osma, panaderu.

Ver tamiénEditar

ReferenciesEditar

  1. 1,0 1,1 1,2 Apaez como deteníu'l 31 d'agostu de 1936 en "El Norte de Castilla".
  2. B.O.E. núm. 59, 17/12/1935, Añu I.

Enllaces esternosEditar