Hospital de Órbigo

Hospital de Órbigo
Alministración
País	España
Autonomía	Castiella y Lleón
Provincia	provincia de Lleón
Tipu d'entidá	conceyu d'España
Alcalde de Hospital de Órbigo (es)	Enrique Busto Marcos
Nome oficial	Hospital de Órbigo (es)
Códigu postal	24286
Xeografía
Coordenaes	42°27′40″N 5°53′03″W / 42.461111111111°N 5.8841666666667°O
	Hospital de Órbigo Hospital de Órbigo (España)
Superficie	4.58 km²
Altitú	818 m
Llenda con	Santa Marina del Rey (es) , Bustillo del Páramo (es) , Villarejo de Órbigo (es) y Villares d'Órbigu
Demografía
Población	961 hab. (2023); - 498 homes (2019); - 500 muyeres (2019)
Porcentaxe	0% de provincia de Lleón
Densidá	209,83 hab/km²
Más información
Estaya horaria	UTC+01:00
	hospitaldeorbigo.com

Hospital de Órbigo ye un conceyu y llocalidá asitiada na provincia de Lleón, comunidá autónoma de Castiella y Lleón, España. La so población yera de 995 habitantes en 2015 y la superficie del conceyu ye de 4,58 km². Allúgase nuna altitú de 823 m. y les sos coordenaes xeográfiques son: llatitú N 42º 27' 46"; llonxitú W 5º 52' 56".

Nel conceyu atópase la llocalidá de Puente de Órbigo.

Historia

Na Edá Media esistía un pequeñu pobláu na vera izquierda del ríu Órbigu que se foi formando alredor de la ilesia de Santa María. Llámase Ponte del Órbigu. A finales del sieglu XVI entamóse otru pobláu xunto al antiguu hospital de pelegrinos, na vera drecha del ríu. L'hospital foi fundáu pola orde de Caballeros de San Xuan de Xerusalén. Esti pobláu tomó'l nome d'Hospital d'Órbigu.

Hospital d'Órbigu foi testigu y protagonista a lo llargo de la historia de dellos fechos importantes: ellí llibróse una batalla nel añu 456 ente los partidarios de Teodorico y los de Requiario. Créese que Almanzor pasó por esta llocalidá y travesó la vieya ponte cuando tresportaba les campanes requisaes en Santiago de Compostela, de camín escontra Córdoba. Nel sieglu XIX, los habitantes d'Hospital destruyeron los dos estremos de la ponte pa torgar el pasu a les tropes de Napoleón.

Esti pueblu tien gran tradición en productos agrarios. Nel añu 1890 don Francisco y don Pedro Blanco de Sierra Pambley fundaron la Escuela d'Ampliación d'Instrucción Primaria y d'Agricultura. Gran parte de los habitantes trabayen en fábriques de piensos y lleche. El sector de servicios ta progresando, asina como'l sector de turismu.

Camín de Santiago

Vista d'Hospital d'Órbigu cola ponte del Pasu Honrosu en primer términu.

Hospital d'Órbigu ye un pasu obligáu nel Camín lleonés. Los pelegrinos vienen dende'l pasu anterior que ye San Martín del Camín, traviesen la ponte del Pasu Honrosu y siguen rectu, atopando a la so drecha la ilesia de San Xuan de los antiguos hospitalarios. Na plaza atopen les ruines del antiguu hospital y nel centru hai un cruceru de piedra, símbolu que puede vese a lo llargo de tol Camín de Santiago. El pelegrín sigue la so marcha hasta cruciar la carretera y llega a una bifurcación. Dende ellí va atopar la carretera escontra Estorga que ye'l siguiente puntu importante de la pelegrinación.

Monumentos y llugares d'interés

Ponte del Pasu honrosu:

Ye una ponte medieval del sieglu XIII, construyíu sobre'l ríu Órbigu. Paez demasiao grande para lo que ye'l ríu pero enantes de la construcción del banzáu de Barrios de Lluna, esti ríu llevaba un gran caudal. Tien 19 arcos y ta bien conserváu. Fixéronse restauraciones en distintes dómines. Ye monumentu nacional dende 1939.

Ta enclaváu na antigua calzada romana que diba dende Lleón (Legio Séptima Gemina) hasta Estorga, que yera en tiempos de los romanos la capital de la provincia Asturica Augusta.

El so nome provién d'un famosu tornéu que tuvo llugar nel Añu xacobéu de 1434. Dende 1997, el primer fin de selmana de xunu, Hospital d'Órbigu celebra les sos xustes medievales del pasu honrosu, n'alcordanza d'aquella fazaña y como atraición turística declarada Fiesta d'interés turísticu rexonal.

Demografía

El conceyu amosó, na última década, un lentu pero sosteníu enclín al amenorgamientu de la so población. Nel añu 2015, según l'INE, los habitantes d'Hospital d'Órbigu llegaben a los 995 (491 homes y 504 muyeres).

Gráfica d'evolución de Hospital de Órbigo ente 1877 y 2015

Población de drechu según los censos de población del INE.^[3] Población según la rellación d'unidaes poblacionales del INE.

Comunicaciones

Xustes Medievales del Pasu Honrosu

Carretera

Atópase xusto nel estratéxicu encruz de la carretera LE-420, (que xune La Bañeza (Lleón) cola autopista A-66 que se dirixe a la cordelera cantábrica), y la N-120 que la xunen cola capital provincial, Lleón y con Estorga.

Ferrocarril

Pol conceyu trescurre'l ferrocarril Lleón - Monforte de Lemos.

Gastronomía

La trucha del ríu Órbigu ye la estrella de la gastronomía na ribera.

Referencies

↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
↑ URL de la referencia: https://www.aemet.es/es/eltiempo/prediccion/municipios/hospital-de-orbigo-id24082.
↑ INE. «Alteraciones de los municipios nos Censos de Población dende 1842». Consultáu'l 15 de mayo de 2016.

Enllaces esternos

Web del conceyu d'Hospital d'Órbigu

[4aa567f4760d292d0ff63887ec8a7625a1eb7407-1] Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.

[708b4638f09769634a7e5c5f8a38d40f16cc7e03-2] URL de la referencia: https://www.aemet.es/es/eltiempo/prediccion/municipios/hospital-de-orbigo-id24082.

[3] INE. «Alteraciones de los municipios nos Censos de Población dende 1842». Consultáu'l 15 de mayo de 2016.

[1]

[2]

[3]