Hypositta corallirostris
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Hypositta corallirostris  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Vangidae | |
| Xéneru: |
Hypositta Newton A, 1881 | |
| Especie: |
H. corallirostris (Newton A, 1863) | |
| Consultes | ||
| [editar datos en Wikidata] | ||
Hypositta corallirostris[2] ye una especie d'ave paseriforme de la familia Vangidae endémica de Madagascar. Los sos hábitats naturales son les selves de tierres baxes y montes húmedos.
Descripción
editar.jpg)
El vanga trepador ye un páxaru pequeñu que mide ente 13 y 14 cm.[3] El plumaxe del machu ye de color azul buxu uniforme, salvo'l lorum y la base del picu que son negros, en contraste col so picu que ye coloráu intensu. Sicasí la fema tien les partes inferiores y la cabeza de tonos pardu oliváceos, y les sos partes cimeros son más abuxaes que les de los machos. Los güeyos de dambos son pardos escuros, y les sos pates abuxaes tienen deos llargos con llargues uñes curvadas qu'usen pa garrase a los tueros de los árboles.
Taxonomía
editarLa especie describióse por Alfred Newton en 1863 como Hypherpes corallirostris,[4] y en 1881 foi treslladada al so actual xéneru, Hypositta, tamién creáu por Newton porque Hypherpes fuera asignáu con anterioridá pa clasificar escarabayos. Hypositta ye un xéneru monotípicu clasificáu dientro de la familia Vangidae.
En 1996 añadióse una supuesta nueva especie al xéneru, Hypositta perdita, pero estudio xenéticos realizaos en 2013 demostraron que los exemplares colos que fuera definida yeren en realidá xuveniles de silvícola sirontsirona (Oxylabes madagascariensis) con un morfo de color raru,[5] colo que Hypositta corallirostris volvió quedar como únicu integrante del xéneru.
Distribución y hábitat
editarAlcuéntrase namái nos montes tropicales del este de Madagascar.
Referencies
editar- ↑ BirdLife International (2012). «'Hypositta corallirostris'» (inglés). Llista Roxa d'especies amenazaes de la UICN 2013.1. Consultáu'l 21 d'ochobre de 2013.
- ↑ Bernis, F; De Juana, E; Del Hoyo, J; Fernández-Cruz, M; Ferrer, X; Sáez-Royuela, R; Sargatal, J. «Nombres en castellano de las aves del mundo recomendados por la Sociedad Española de Ornitología (Decimocuarta parte: Orden Passeriformes, Familias Malaconotidae a Passeridae)». Ardeola. Handbook of the Birds of the World (Madrid: SEO/BirdLife) 57 (1): páxs. 199-205. ISSN 0570-7358. https://www.seo.org/wp-content/uploads/tmp/docs/vol_57_1.pdf. Consultáu el .
- ↑ Langrand O. (1995) Guide des Oiseaux de Madagascar. Delachaux & Niestlé, Lausanne. París, p. 415 ISBN 2603009990
- ↑ Proceedings of the Zoological Society of London. 1863. Pt1 p.85
- ↑ Fjeldså, Mayr, Jønsson & Irestedt 2013. On the true identity of Bluntschli's Vanga Hypositta perdita Peters, 1996, a presumed extinct species of Vangidae]. Bull. BOC 133 (1): 72–75,
Enllaces esternos
editar| Wikispecies tien un artículu sobre Hypositta corallirostris. |
Wikimedia Commons acueye conteníu multimedia sobre Hypositta corallirostris.
Datos: Q1591339- Multimedia: Hypositta corallirostris
Especies: Hypositta corallirostris
