Ilesia Románica de Samartín de Tours de Samartín
La ilesia de Samartín de Tours ye una ermita de la parroquia de Samartín, a poca distancia de la llocalidá de Sotrondio, nel conceyu asturianu de Samartín del Rei Aurelio (España).[1]
| Ilesia Románica de Samartín de Tours de Samartín | |
|---|---|
 |
La ilesia actual ta construída enriba d'un antiguu templu prerrománicu del que queden dellos resclavos. Dende la construcción orixinal sufrió delles reformes. L'esterior de la ilesia ye de color blancu, esceuto les puertes y ventanes que tan construíos en cantería. No alto de la portada hai una espadaña con dos güeyos.
Sepultura del rei Aurelio
editarHai alderique entre los historiadores sobro'l paraderu de los restos mortales del rei Aurelio, señalando algunos que s'enterró na ilesia de Samartín de Samartín del rei Aurelio, la Primera Crónica Xeneral, escrita nel reináu Alfonsu X el Sabiu, señaló que el calabre del rei Aurelio fuera sepultáu nel conceyu de Cangues d'Onís.[2] Sicasí, l'historiador Esteban de Garibay señaló na so obra que'l rei Aurelio taba sepultáu, xunto col so padre, Fruela de Cantabria, na ilesia desapaecida anguaño de San Miguel de Yanguas, conceyu de la provincia de Soria.[3]
Nel muru izquierdu de la nave central de la ilesia de Samartín hai un sepulcru con una inscripción onde s'indica qu'ehí s'alcuentren los restos del rei Aurelio d'Asturies, anque nun ye descartable que se treslladaren tres la so muerte, y esti sepulcru contenga anguaño los restos d'otros patronos del templu.[4] El dato que pue reforzar la hipótesis ye que, probablemente, el rei Aurelio construyó'l so palaciu na zona onde ta la capiella actual, un llugar denomáu La Baraosa, amás del orixe preorrománicu del templu.
Referencies
editar- ↑ http://www.vivirasturias.com/asturias/san-martin-del-rey-aurelio/iglesia-de-san-martin-de-tours/es
- ↑ Del Arco y Garay, Ricardo (1954). «X», Instituto Jerónimo Zurita. Consejo Superior de Investigaciones Científicas: Sepulcros de la Casa Real de Castilla, páx. 132.
- ↑ Compendio historial de la provincia de La Rioja, de sus santos y milagrosos santuarios. Mateo de Anguiano. Páxines 582-586
- ↑ http://www.vivirasturias.com/asturias/san-martin-del-rey-aurelio/iglesia-de-san-martin-de-tours/es
Bibliografía
editar- Del Arco y Garay, Ricardo (1954). Instituto Jerónimo Zurita. Consejo Superior de Investigaciones Científicas.: Sepulcros de la Casa Real de Castilla, 1ª.
Datos: Q25579230
