Ilesia de Santiago d'Arlós
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El templu románicu de Santiago d'Arlós, nel conceyu de Llanera (Principáu d'Asturies, España) datable nel sieglu XIII, alcuéntrase nuna contorna natural de gran guapura y escasa alteración. Ye un edificiu de gran cencellez estructural y volumétrica qu'emplega materiales probes para la so construcción, daqué típicu del románicu rural asturianu. Tien una sola nave con cabecera recta de tradición prerrománica y cuenta con escelentes muestres de decoración escultórica na portada, arcu de trunfu y ábside.
| Ilesia de Santiago d'Arlós | |
|---|---|
| Bien d'Interés Cultural | |
| ilesia y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llanera |
| Coordenaes | 43°28′56″N 5°54′17″W / 43.4823°N 5.9046°O |
  Ilesia de Santiago d'Arlós Ilesia de Santiago d'Arlós (Asturies) | |
| Historia y usu | |
| Orixe del nome |
Santiago el Mayor (es)  |
| Patrimoniu | |
| BIC | RI-51-0011517[1] |
 | |
Resume históricu-artísticu
editarL'edificiu alzase nun paraxe de gran guapura, dientro d'una contorna perfectamente integrada nel paisaxe que nun sufrió grandes alteraciones a lo llargo del tiempu y conserva entá'l so mediu ambiente caracterizáu pol so acentuáu espíritu rural, calteniéndose la escelente calidá del allugamientu, a la que s'alude como una de les característiques del románicu asturianu.
El templu asítiase nun de los ramales del Camín de Santiago que cruciaba dende Avilés pa contra Les Regueres.
Ye un edificiu de gran cencellez estructural y volumétrica qu'emplega materiales probes para la so construcción, característiques que la venceyen a la corriente del románicu rural. Tien una sola nave con cabecera recta de tradición prerrománica. La obra caltién una unidá formal y cronolóxica na llectura de los sos elementos principales, portada, arcu de trunfu y ábside, magar esisten otros elementos añadíos darréu como la espadaña, el coru, les sacristíes, etc.
La ilesia foi donada pol obispu d'Uviéu Martín II al monesteriu de San Vicente d'Uviéu'l día 13 d'abril del añu 1151, lo que llevó a diversos autores a confirmar esta fecha como la de la so construcción, dientro de la fase del románicu plenu. Sicasí, la profesora Alvarez Martínez clasificalo como obra arcaizante perteneciente a la decimotercer centuria, con influencia del estilu uvieín y parentescu nos detalles iconográficos representaos nes ilesies de Serín (Xixón) y Valliniello (Avilés).
Destaquen los capiteles y la decoración nes rosques de los arcos de la portada, del arcu de trunfu y de la ventana absidial, por tar executaos con gran maestría y rellaciónense col taller uvieín. Nellos descríbense, caballeros con ferres, páxaros encaraos, lleones y abondosa decoración fitomórfica, asina como círculos, semicírculos y dientes de sierra, creando un espaciu decorativu recargáu. Conserva parte de los canecillos orixinales asitiaos na cabecera.
Pela cueta los de la nave sumieron de resultes de les reformes llevaes a cabu na segunda metá del sieglu XIX, nes que se rebaxó l'altor de los murios llaterales.
Nos Llibros de Fábrica recueyen arreglos, reformes y agregos llevaos a cabu dende entamos del sieglu XVIII hasta principios del XX. Destaca l'anotación efectuada en 1882 na que se solicita al Ministeriu de Gracia y Xusticia permiso pa la construcción d'una nueva ilesia. En 1887 efectúense reformes, quiciabes les más significatives dende la so construcción, especialmente na nave y qu'apaecen anotaes sol epígrafe: Reedificación y enanche de la ilesia. En 1895 siguen les obres col embaldosado de la ilesia. En 1902 añádese una sacristía nel muriu sur de la cabecera. Les últimes obres efectuaronse en 1999 para solucionar problemes de mugores, dixebrando los nichos del campusantu adosaos al muro norte; tamién se abrió'l muriu oeste del cabildru que tapaba la portada; anovóse la carga esterior y retocóse la cubierta.
Galería
editar
Bibliografía
editar- El conteníu d'esti artículu amiesta material de la declaración de Bien d'Interés Cultural publicáu nel BOPA nu 156 el 7 de xunetu de 2006, que s'alcuentra nel dominiu públicu arriendes a lo dispuesto nel artículu 13 de la Llei de Propiedá Inteleutual española.
Referencies
editar- ↑ «base de datos de monumentos de Wiki Loves Monuments» (13 payares 2017).
Enllaces esternos
editar
Wikimedia Commons acueye conteníu multimedia sobre Ilesia de Santiago d'Arlós.
Datos: Q5992019- Multimedia: Iglesia de Santiago (Arlós)
