Wikipedia

Inna Afinogenova

periodista rusa

Inna Afinogenova (rusu: Инна Афиногенова; 14 de xineru de 1989, República de Daguestán) ye una periodista rusa, qu'hasta mayu de 2022 trabayaba como subdireutora del sitiu web de RT n'Español y pa la canal en YouTube, denomáu "Ahí les va" .[2][3][4][5]

Inna Afinogenova
Vida
Nacimientu República de Daguestán[1], 14 de xineru de 1989 (35 años)
Nacionalidá Bandera de Rusia Rusia
Estudios
Estudios Universidá Estatal de Moscú
Llingües falaes rusu
castellanu
Oficiu periodista
Emplegadores RT  abril 2022)
Público  (24 xunu 2022 –
Caras y Caretas (es) Traducir  (30 xunu 2022 –
Canal RED (es) Traducir  (6 marzu 2023 –
Cambiar los datos en Wikidata

Vida y carrera

editar

Afinogenova nació'l 14 de xineru de 1989, na República de Daguestán al sur de Rusia y graduóse en periodismu na Universidá Estatal M.V. Lomonósov de Moscú.[6][7] El periodismu y l'idioma español son los sos mayores intereses. Deprendió español dende bien moza y recibió clases d'una profesora arxentina dende los 12 a los 18 años.[8] Nuna entrevista col periodista arxentín Beto Casella dixo sobro la so profesora arxentinaː «Ella inculcóme l'amor a esi país. Y depués tuvi la oportunidá de dir a Arxentina en 2008. Fui delles vegaes, y pasé llargos tiempos en Buenos Aires».[9]

Inna trabayó en dellos medios de comunicación (dende la radio n'Arxentina, hasta la televisión) y trabayaba na canal de televisión rusa RT n'español, ocupando dellos puestos nesta canal hasta convertise na subdireutora del sitiu web.[10][11]

Trabayó nel espaciu informativu de conteníu audiovisual n'español llamáu "Ahí les va" , na plataforma de vídeos YouTube.[12][13]

El 1 de marzu de 2022, Google bloquió l'accesu a les canales de YouTube de les axencies de noticies ruses Russia Today y Sputnik en tola Xunión Europea, incluyíu l'espaciu informativu "Ahí les va", d'Afinogenova, en cumplimientu de les sanciones impuestes pola Xunión Europea a Rusia pola invasión d'Ucraína.[14] Enantes, Afinogenova xenerara ciertu discutiniu yá que el 1 d'avientu de 2021, nel so programa "Ahí les va", comentó: «Va Llegar xineru, dempués febreru y marzu, va acabar 2022 y seguro que nos medios (occidentales) van siguir lleendo que la invasión ye inminente».[15] Esti y otros discutinios anteriores foron les que desencadenaron qu'esta canal d'información fuera desaniciada de la rede y n'otros llugares, yá que la UE y EE.XX. «consideren que'l so mensaxe en favor de les tesis ruses ye inasumible en tiempos de guerra».[16]

El 3 de mayu de 2022, espublizó un videu en YouTube nel qu'esplicaba qu'abandonara Rusia y la canal RT n'español por cuenta de que nun ta acordies con esta guerra y con cualesquier otra guerraː[17]

Nun voi a tar d'alcuerdu con una guerra que afeuta a la población civil del mio país, pero tampoco con una qu'afeute a la de países tan llonxanos y desconocíos como Irak, Afganistán, Libia, Yeme, Sudán o Palestina. Y dame lo mesmo que'l que llance les bombes seya EEXX., Francia, Israel, Ucraína sobre la propia Ucraína -que ye lo que tuvo faciendo mentanto años- o Rusia.

Arriendes criticó la guerra, al considerala un grave fallu estratéxicu, porque supunxo un gran reforzamientu de la OTAN «Naide que ta escontra de la OTAN sofita esta guerra, porque nada reforzó tanto a esa organización como la decisión tomada pol gobiernu rusu, una organización que taba en plena decadencia, paecía dafechu anacrónica».[17][18]

Referencies

editar
  1. ↑ URL de la referencia: https://actualidad.rt.com/equipo/view/388475-inna-afinogenova. Direición web d'archivu: https://web.archive.org/web/20220428042905/https://actualidad.rt.com/equipo/view/388475-inna-afinogenova. Data d'archivu: 28 abril 2022.
  2. ↑ «Inna Afinogenova» (castellanu). RT en Español. Archiváu dende l'orixinal, el 2022-04-28. Consultáu'l 2021-05-01.
  3. ↑ «Inna, la “emperatriz” que se punxo la vacuna rusa» (castellanu). Últimas Noticias (2020-11-14). Consultáu'l 2021-05-01.
  4. ↑ «Inna Afinogenova» (castellanu). Businesstudio (2021-04-19). Consultáu'l 2021-05-17.
  5. ↑ Afinogenova, Inna. «¡Reprobada n'uribismu! La maestra de bachilleratu qu'abordó lo que munchos callen en Colombia» (castellanu). Consultáu'l 2021-05-17.
  6. ↑ «Pa la subdirectora del portal de RT n'español, "la campaña de desinformación escontra la vacuna ye grave"». www.telam.com.ar. Consultáu'l 2021-05-01.
  7. ↑ «Инна Афиногенова, 32 года, Москва, Россия» (rusu). Поиск людей BigBookName.com. Consultáu'l 2021-05-22.
  8. ↑ Inna Afinogenova: periodismu rusu con acentu español
  9. ↑ ElPais. «Inna Afinogenova, la periodista rusa censurada pola invasión a Ucraína» (spanish). Diario EL PAIS Uruguay. Consultáu'l 2022-04-02.
  10. ↑ «Inna Afinogenova, Periodista de RT» (castellanu). RadioCut. Consultáu'l 2021-05-01.
  11. ↑ «RT en Cuba, otra valiosa fortaleza informativa». RT en Cuba, otra valiosa fortaleza informativa. Consultáu'l 2021-05-01.
  12. ↑ Las2orillas (2020-11-05). «La reconocida periodista que probó con éxitu a la vacuna rusa» (castellanu). Las2orillas. Consultáu'l 2021-05-01.
  13. ↑ «Inna Afinogenova: “Hai un temor por parte de dellos medios tradicionales a perder el monopoliu de la información”» (local). www.elsaltodiario.com. Consultáu'l 2021-05-01.
  14. ↑ «Google bloquia n'Europa les canales de RT y Sputnik en YouTube» (castellanu). www.telesurtv.net. Archiváu dende l'orixinal, el 2022-06-28. Consultáu'l 2022-03-04.
  15. ↑ «RT, la maquinaria de desinformación del Kremlin prohibida por Europa» (castellanu). www.infobae.com. Consultáu'l 2022-03-26.
  16. ↑ Sastre, Daniel G. (2022-03-13). «Russia Today (RT): auge y caída de la Fox de Putin» (castellanu). elperiodico. Consultáu'l 2022-04-02.
  17. ↑ 17,0 17,1 Sastre, Daniel G. (2022-05-04). «Inna Afinogenova, estrella de Russia Today n'español, dexa la cadena porque ta escontra la guerra» (castellanu). elperiodico. Consultáu'l 2022-05-04.
  18. ↑ «Inna Afinogenova: la periodista que renunció a RT por tar escontra de la guerra n'Ucraína» (castellanu). El Diario | eldiario.com (2022-05-04). Consultáu'l 2022-06-01.

Enllaces esternos

editar
Sacáu de «https://ast.wikipedia.org/w/index.php?title=Inna_Afinogenova&oldid=4293446»