Intelixencia Militar

Intelixencia Militar
	Espionax y inteligencia (es)

La intelixencia militar ye la xera, desendolcada davezu por unidaes específiques dientro de les Fuercies Armaes de recoyer información del enemigu actual o potencial col envís de permitir planificar d'un mou adecuáu les posibles operaciones. Venceyada tradicionalmente al espionax, la intelixencia inclúi la recoyeta d'información de la capacidá teunolóxica, l'orde de batalla, armes, equipu, entrenamientu, bases militares, comunicaciones y la deteición de radares. La coleición d'intelixencia ye vital pa furnir información esauta y reciente col envís de que'l comandante faiga un usu intelixente de los sos recursos. Magar que la xera ye de calter militar, nuna estaya superior, inclúise nella información diplomática, política, económica y demográfica en tiempu de paz.

La formación de departamentos profesionales d'intelixencia militar prodúxose a lo llargo'l sieglu XIX; el progresu de la teunoloxía nel sieglu XX sumaría a les xeres tradicionales d'espionax un pergrande arsenal re recursos téunicos, dende les imáxenes, la interceición de comunicaciones col criptoanális, l'anális de patrones comunicativos, la deteición de radares, y otres funciones como la intelixencia humana, los operativos clandestinos, la desinformación, la deceición y la contraintelixencia.

Los departamentos d'intelixencia emplegáronse muncho pa vixilar dientro'l propiu Estáu; nos Estaos Xuníos, el FBI desendolca funciones d'intelixencia interior, y numberosos estaos copiaron la so estructura con finalidaes bien estremaes.

Ver tamién

Referencies

Enllaces esternos

Proyeutu Aurora Australis: Intelixencia d'Urxencia Pa la Era de la Información Revista Virtual qu'axunta ensayos actuales y esclusivos d'Intelixencia d'Estáu, política estratéxica, económica y competitiva. Collaboren espertos de toa América.