Islla Wallis
La islla Wallis (francés: île Wallis), tamién conocida como ʻUvea, ye una islla nel océanu Pacíficu que pertenez a la coleutividá francesa d'ultramar (coleutividá d'outre-mer o COM) de Wallis y Futuna. Tien una superficie de 96 km² en total, incluyendo les islles axacentes.
| Islla Wallis | |
|---|---|
| Wallis (fr) | |
.jpg) | |
| Situación | |
| País |  Francia |
| Coleutividá |  Wallis y Futuna |
| Tipu | islla |
| Parte de |
Wallis Islands (en)  |
| Asitiáu en | Océanu Pacíficu |
| Coordenaes | 13°18′S 176°12′W / 13.3°S 176.2°O |
  Islla Wallis Islla Wallis (Océanu Pacíficu) | |
| Datos | |
| Altitú media | 106 m |
| Superficie | 77,9 km²[1] |
| Noamáu por | Samuel Wallis |
| Fusu horariu | UTC+12:00 |
| Llonxitú | 15,2 km |
 | |
Historia
editarLos primeros signos de presencia humana nestes islles son artefactos carauterísticos de la cultura lapita, que daten aprosimao d'ente 850 y 800 e.C.
Les islles sirvieron como escales naturales pal tráficu d'embarcaciones, principalmente ente Fixi y Samoa. Mientres les invasiones tonganes de los sieglos XV y XVI, les islles defendiéronse con distintos niveles de resistencia, pero tamién aceptaron distintos graos d'asimilación.
Futuna caltuvo más de les sos carauterístiques culturales anteriores a Tonga, mientres que Wallis esperimentó mayores cambeos fundamentales na so sociedá, idioma y cultura. Los habitantes orixinales construyeron fuertes y otres estructures identificables nes islles (munches de les cuales tán en ruines), dalgunos d'ellos tán parcialmente intactes.
La historia oral y la evidencia arqueolóxica suxeren que los invasores tonganos volvieron ocupar y modificaron dalgunes d'estes estructures. La historia oral tamién caltién una memoria cultural de les rellaciones ente Samoa y Futuna que son tan antigües que se describen nes histories d'orixe de los isleños.
.svg)
Formó parte del imperiu marítimu de Tonga mientres tol periodu ente los sieglos XIII y XVI. Nesa dómina, la influencia de los Tui Tonga menguara tanto que Uvea convirtióse importante en sí mesma.
Dellos de los títulos actuales d'altu rangu de Tonga, al igual que Halaevalu, aniciáronse de la so descendencia d'Uvea.
Una gran canoa llexendaria, el Lomipeau, foi construyida na islla como una donación a la Tui Tonga. La gran fortaleza Talietumu, cerca de Lotoalahi, en Mua, foi l'últimu partaz de los habitantes de Tonga hasta que fueron derrotaos. Les ruines del llugar siguen siendo una atracción turística.
La islla pasó a llamase Wallis dempués de qu'un navegante de Cornualles, el capitán Samuel Wallis, afayárola mientres navegaba nel HMS Dauphin, el 16 d'agostu de 1767, arriendes del so descubrimientu de Tahití. En 1886, convirtióse nun protectoráu francés.
Xeografía
editarLa islla principal tien una superficie de 77,5 km² y una circunferencia de cerca de 50 km. El so puntu más altu ye'l Monte Lulu Fakahega (131 metros). Tamién hai un puñáu de grandes llagos, un signu del orixe volcánicu de les islles; los círculos de dalgunos d'ellos son casi perfectos y rectos, con parés verticales, como'l llagu Lalolalo.[2]
Uvea o Wallis alcuéntrase a 240 km al nordeste de les islles de Futuna y Alofi. Xuntu con unes 15 islles más pequeñes que l'arrodien, na so gran barrera de petones que forma l'archipiélagu de Wallis, d'unos 96 km². Wallis tien un suelu volcánicu fértil y agua abondo como pa dexar que l'agricultura de subsistencia espollete.[3]
Demografía
editarLa población de la islla en 2003 foi de 10.071 (el 67 % de la población del territoriu). La mayoría de los habitantes falen uveano (o wallisiano) como la so llingua materna. Casi toos son cristianos católicos, y hai numberosos edificios relixosos na islla.
Alministración
editarLa islla ye unu de los trés reinos tradicionales de Wallis y Futuna; les otres dos son Alo y Sigave, nes isles Hoorn (Isles Futuna). La so capital, Matāutu, asitiada na mariña oriental, ye tamién la capital de too el territoriu de Wallis y Futuna. En Wallis, el rei d'Uvea (llamáu lavelua) ye la cabeza de la xerarquía llocal. Ta asistíu por un primer ministru (kivalu) y cinco ministros. A propuesta de la población, 3 xefes de distritu (faipule) tienen autoridá sobro los líderes de 21 aldegues reconocíos pola población. Los líderes d'aldega son aclamaos o retiraos mientres les xuntes xenerales del pueblu (fono), celebraes los domingu usando una caxa común (fale fono).
El reinu estremase en trés distritos que se numberen de norte a sur:
| Distritu (significáu) | Capital | Área (km²) | Población censu 2003 | Villes |
|---|---|---|---|---|
| Hihifo (occidente) | Vaitupu | 23,4 | 2 422 | 5 |
| Hahake (este) | Matu-Utu | 27,8 | 3 950 | 6 |
| Mu'a (primero) | Mala'efo'ou (1) | 26,3 | 3 699 | 12 |
| 'Uvea (Wallis) | Matu-Utu | 77,5 | 10 071 | 23 |
(1) Antes llamáu Mua.
Ver tamién
editarReferencies
editarEnllaces esternos
editar
Wikimedia Commons acueye conteníu multimedia sobre Islla Wallis.- Cia.gov Imáxenes de satéllite de les islles Wallis y Futuna, (n'inglés)
