Abrir el menú principal

Les Islles de Andamán y Nicobar (tamil: அந்தமான் நிகோபார் தீவுகள், hindi: अंडमान और निकोबार द्वीप) formen parte de los territorios de la India. Tán alcontraes nel océanu Índicu, en partir sur del 10° N, tando les Andamán al norte y Nicobar al sur. La capital del territoriu ye Port Blair.

Islles Andamán y Nicobar
Wandoor Beach Andaman 4160169.JPG
Seal of Andaman and Nicobar Islands.svg
Alministración
PaísBandera de India India
ISO 3166-2 IN-AN
Capital Port Blair
Llingües oficiales Hindi, Idioma tamil y Llingües nicobareses
Xeografía
Coordenaes 11°41′N 92°46′E / 11.68°N 92.77°E / 11.68; 92.77Coordenaes: 11°41′N 92°46′E / 11.68°N 92.77°E / 11.68; 92.77
AndamanenLocatie.PNG
Superficie [convert: unknown unit] km²
Demografía
Población 356 152 hab. (2005)
Densidá Error d'espresión: Operador < inesperáu hab/km²
Más información
www.and.nic.in/
Cambiar los datos en Wikidata

Índiz

NomeEditar

El nome de Andaman vien de Handuman que ye la pallabra pal hindú Hánuman en malayu. Nicobar en malayu significa tierra de les persones desnudes.

HistoriaEditar

 
Mapa de Andamán y Nicobar con detalle de la zona de Port Blair.

Estes islles fueron descrites pol viaxeru venecianu Marco Polo a finales del sieglu XIII. D'elles diz:

Nun tienen rei nin señor de nenguna clase y son como besties selvaxes... Tanto los homes como les muyeres van dafechu desnudos... nun tienen cases... nin llei nin orde... son xente bien cruel y cómense con gustu crudos a los homes, a tolos que pueden coyer, con tal nun sían de la so tribu.

Les islles fueron tomaes polos Maratha nel sieglu XVII y el llexendariu almirante Kanhoji Angre -consideráu corsariu poles metrópolis coloniales- quien atacó les rutes marítimes coloniales dende una base nestes islles. El Reinu Xuníu ocupó les islles hasta que fueron tomaes polos xaponeses mientres la Segunda Guerra Mundial.

Les islles fueron puestes darréu so l'autoridá del Arzi Hukumate Azad Hind (gobiernu provisional pa una India llibre) de Netaji (o Subhash Chandra Bose). Netaji visitó les islles mientres la guerra, renombrándolas como "Shaheed" (mártir) y "Swaraj" (autogobiernu). El xeneral Loganathan, del Exércitu Nacional Indiu foi nomáu gobernador de les Islles de Andamán y Nicobar.

Cola independencia de la India en 1947, pasaron a ser unu de los 6 territorios del país.

Los británicos usaron les islles como prisión pa miembros del "Movimientu pa la Independencia de la India". Esta forma d'encarcelamientu foi llamada Kalapani y la prisión de Port Blair foi considerada como la "Siberia de la India británica"

El 26 d'avientu de 2004 les mariñes de les Islles de Andamán y Nicobar fueron afaraes por un tsunami de 10 metros de resultes del Terremotu del océanu Índicu de 2004. Siquier 7.000 persones morrieron mientres el desastre nes islles. Ente que la mayoría de les víctimes fueron colonos, la mayor parte de la población aborixe sobrevivió gracies a tradiciones orales pasaes de xeneración en xeneración que los advertieron d'abandonar les mariñes y abelugase nos montes cuando se producíen terremotos.[ensin referencies]

Ver tamiénEditar

Enllaces esternosEditar