Islles Aran

Les islles Aran (n'irlandés: Oileáin Árann; n'inglés: Aran Islands) son un grupu de tres islles asitiaes na desaguada de la badea de Galway, pertenecientes a la República d'Irlanda. La mayor de les islles llámase Inishmore (gaélicu irlandés: Árainn o Inis Mór), la mediana llámase Inishmaan (Inis Meáin) y la menor, asitiada al este, Inisheer (Inis Oírr, o Inis Oirtheach).

Islles Aran
Alministración
País	República d'Irlanda
Provincies	Connacht
Condaos	[[Condáu de Galway|{{{2}}}
Tipu d'entidá	grupu d'islles
Nome llocal	Aran Islands (en)
Xeografía
Coordenaes	53°07′N 9°42′W
Superficie	51 km²
Demografía
Más información
Estaya horaria	UTC±00:00

Población

Inis Mór ye la mayor de les islles, con una población de 831 habitantes. El puertu, Kilronan (Cill Rónáin), ye'l pueblu principal de la islla, nel que viven 270 persones. A pesar de nun ser la menor en tamañu, Inis Meáin, ye la islla menos poblada (187 persones) y tamién la menos turística. Inis Oírr ye la islla más pequeña, con una población de 262 habitantes según los datos del censu de 2002.

El documental Los homes d'Aran  1934) narra la vida cotidiana de los habitantes de les islles Aran. La grabación cunta la llucha diaria pola sobrevivencia, l'enfrentamientu ente l'home y la naturaleza, la durez del trabayu na mar y ta dirixida por Robert Flaherty.

Llugares d'interés

• Kilmurvy: Una de les sableres principales de les islles, asitiada nes cercaníes del pueblu homónimu.
• Teampall Chiaráin: Ruines d'una ilesia del sieglu XII dedicada a San Claran.
• Dún Duchathair: Construcción de la Edá del Fierro.
• Dún Eochla: Fuerte circular de la Edá del Bronce.
• Dún Aonghasa: Fuerte de la edá del fierro o bronce.
• Dún Eoghanachta: Fuerte circular de piedra del sieglu I e.C.
• Na Seacht dTeampaill: Ruines del cortil monásticu dedicáu a San Brecan, dataes ente los sieglos IX y XV. Son conocíes como "les siete ilesies".

Enllaces esternos

• Wikimedia Commons tien conteníu multimedia tocante a Islles Aran.

• Datos: Q212893
• Multimedia: Aran Islands