Islles Gotō
Les islles Gotō (五島列島, Gotō rettō?), lliteralmente «archipiélagu de les cinco islles», son un grupu d'islles de Xapón alcontraes nel mar de la China Oriental, al oeste de la islla de Kyushu.[1][2] Alministrativamente, les islles pertenecen a la prefeutura de Nagasaki.
| Islles Gotō | |
|---|---|
| 五島列島 (<abbr title="Llingua non definida na plantía {{obtener idioma}}.">ja-hani) | |
 | |
| Situación | |
 | |
| País |  Xapón |
| Prefeutura | prefeutura de Nagasaki |
| Tipu | archipiélagu |
| Asitiáu en | Mar de la China Oriental |
| Coordenaes | 32°54′N 129°03′E / 32.9°N 129.05°E |
  Islles Gotō Islles Gotō (Xapón) | |
| Datos | |
| Puntu más altu |
Mount Tete (en)  |
| Superficie | 690 km² |
| Población | 76 311 (2005) |
| Fusu horariu | UTC+09:00 |
 | |
Xeografía
editarEl grupu d'islles toma 85 km d'estremu a estremu y el so centru ta alcontráu en 32°45′03″N 128°27′30″E. Al norte alcuéntrase la islla de Tsushima nel estrechu de Corea, y al este allúgase Kyushu y el restu de la prefeutura de Nagasaki. Les islles alluganse a 100 km del puertu de Nagasaki. La corriente Tsushima (una caña de la corriente de Kuroshio) pasa alredor de les islles.
La islla meridional de Fukuejima mide aproximao 25 km de norte a sur y 25 km d'este a oeste; la islla de Nakadōrijima, mide aproximao 40 km de norte a sur y 20 km d'este a oeste nel so puntu más anchu. Sicasí, gran parte de Nakadōrijima ye bien estrecha, con menos de 6 km. Les islles tán cubiertes de cultivos y habiten venados.
Políticamente, dende la fusión de 2004, establecióse la ciudá de Gotō y abarca Fukuejima, Hisakajima, Narushima y otros siete islles habitaes. Tamién, productu de la fusión de 2004, el pueblu de Shinkamigoto ocupa Nakadōrijima y Wakamatsujima.
Demografía
editarLa mayoría de los habitantes baxen de católicos que caltuvieron les sos práutiques relixoses de callao por cuenta de la prohibición con pena de muerte qu'esistió contra'l catolicismu por 250 años en Xapón. Estos católicos tapaos son conocíos col nome de Kakure Kirishitan.[3] Les islles tienen numberoses ilesies católiques, siendo la más antigua y la más importante la Ilesia Dozaki, construyida en 1868 y alcontráu a 6 km al norte del puertu de Fukue.
Referencies
editar- ↑ «Gotō Islands | Goto Archipelago, Ryukyu Islands, Okinawa | Britannica» (inglés). Consultáu'l 2023-11-17.
- ↑ Wang, Pinxian; Li, Qianyu; Li, Chun-Feng (2014-06-07). Geology of the China Seas (n'inglés), páx. 500-501. ISBN 978-0-444-59394-8.
- ↑ «Kakure Kirishitan». Archiváu dende l'orixinal, el 2005-04-06.
Datos: Q1333790
Multimedia: Gotō Islands
