Islles Paracel
Les Islles Paracel o Islles Xisha (en chinu: 西沙群島/ en pinyin: Xīshā Qúndǎo; vietnamita: Quần đảo Hoàng Sa/ 群島黃沙) son un grupu d'islles y petones nel Mar de China Meridional. Son parte de les Islles del Mar de la China Meridional, aproximao a un terciu de la distancia dende Vietnam central al norte de Filipines. La so soberanía disputenla Vietnam y China.[1]
| Islles Paracel | |
|---|---|
 | |
| Situación | |
| País |  República Popular China |
| Provincies | Hainan |
| Ciudá-prefeutura | Sansha |
| Distritu | Distrito de Xisha (es)  |
| Tipu | archipiélagu |
| Parte de | Islles del Mar de China Meridional |
| Asitiáu en | mar de la China Meridional |
| Coordenaes | 16°39′17″N 112°44′50″E / 16.65461°N 112.74719°E |
| Datos | |
| Altitú media | 14 m |
| Superficie | 7,8 km² |
| Fusu horariu | UTC+08:00 |
 | |
Xeografía
editar- Nome: Nel sieglu XVI los portugueses bautizaron l'archipiélagu como Ilhas do Pracel.
- Llocalización xeográfica: 16°30′N 112°00′E / 16.500°N 112.000°E 16°30′N 112°00′E / 16.500°N 112.000°E / 16°30′N 112°00′E / 16.500°N 112.000°E, 16°30′N 112°00′E / 16.500°N 112.000°E
- Mariña: 518 km
- Clima: tropical
- Estremos xeográficos:
- puntu más baxu: Mar del Sur de China 0 m
- puntu más altu: puntu ensin nome n'Islla Rocky 14 m
- Recursos naturales: tán arrodiaes de zones de pesca y de potenciales reserves de petroleu y gas natural.
- Peligros naturales: tifones
Conflictu ente China y Vietnam
editarAntes de 1932, les Islles Paracel apaecíen nos mapes de China de la Dinastía Qing y la República de China, amás d'en mapes vietnamites de la Dinastía Nguyen. Esi añu la Indochina francesa se anexona les islles, estableciendo una estación meteorolóxica na Islla Pattle. En 1939 Xapón invade y ocupa les islles. Tres la derrota de Xapón na Segunda Guerra Mundial, la Declaración d'El Cairu y la Declaración de Potsdam conceden el control de les islles a la República de China. Tres la retirada francesa en 1956, Vietnam del Sur sustitúi a Francia como reclamante de la soberanía nes islles. En 1974 tropes de la República Popular de China ocupen les Islles Paracel ganando a una guarnición sudvietnamita na batalla de Hoang Sa. Les islles son reclamaes pola República de China (Taiwán) y pola República Socialista de Vietnam. Xunto a les Spratly, China considera les Islles Paracel como parte de la Provincia de Hainan. En 1997, China anunció que pensaba abrir les islles al turismu, construyendo de siguío dos talos puertos na Islla Woody y na Islla Duncan, amás d'un aeropuertu.[cita [ensin referencies]
En mayu de 2014 producióse un españíu de violencia antichina en Vietnam — hubo dellos muertos y centenares de mancaos provocáu pola instalación pola empresa estatal china CNOOC d'una plataforma petrolera nes agües de les islles oxeto de disputa ente los dos países. Les autoridaes chines respondieron reafitando la so soberanía y asegurando que «la plataforma va siguir funcionando». El diariu semioficial chinu Global Times llegó a amenaciar col usu de la fuercia pa poner fin a lo que calificaba de «provocación de Vietnam» yá que «si China nun amuesa la so potencia, la so determinación en defender la integridá territorial va ser a la fin subestimada». Pela so parte el primer ministru vietnamita Nguyen Tan Dung y el presidente de la República Truong Tan Sang animaron a los sos compatriotes a allegar pacíficamente a les manifestaciones en defensa «de la sagrada soberanía del país» que se convocaren pa los díes siguientes. En previsión de que se produxeren nuevos incidentes violentos delles empreses multinacionales cerraron temporalmente les sos instalaciones.[1]
Referencies
editar- ↑ 1,0 1,1 Isidre Amorós, "China advierte a Vietnam que 'no cederá ni un centímetro de terreno'", La Vanguardia, 17 de mayu de 2014.
Enllaces esternos
editar
Wikimedia Commons acueye conteníu multimedia sobre Islles Paracel.
Datos: Q274388- Multimedia: Paracel Islands
