Islles de Nueva Siberia
Les islles de Nueva Siberia (rusu: Новосибирские острова) son un archipiélagu d'islles ártiques, asitiáu al norte de la mariña de Siberia Oriental, ente'l mar de Láptev y el mar de Siberia Oriental.
| Islles de Nueva Siberia | |
|---|---|
| Саҥа Сибиир арыылара (sah) | |
 | |
| Situación | |
 | |
| País |  Rusia |
| República | República de Sajá |
| Tipu | grupu d'islles |
| Asitiáu en | Océanu Glacial Árticu |
| Coordenaes | 75°16′N 145°15′E / 75.27°N 145.25°E |
  Islles de Nueva Siberia Islles de Nueva Siberia (Rusia) | |
| Datos | |
| Altitú media | 426 m |
| Superficie | 29 900 km² |
| Fusu horariu | UTC+11:00 |
 | |
Alministrativamente, pertenecen a la República de Sajá (Yakutia) de la Federación de Rusia.
Xeografía
editarLes islles de Nueva Siberia cubren una área d'aproximao 29.000 km² y estrémense en tres grupos o archipiélagos menores:
- Islles Anzhu, nel centru.
- islles Kotelny/Faddeyevsky, un conxuntu formáu por islla Kotelny (о. Коте́льный) (11.700 km²) ya islla Faddéyevsky (о. Фадде́евский) (5.300 km²), que tán xuníes per mediu de les tierres del Bunge (земля́ Бу́нге) (6.200 km²) (dacuando somorguiáu sol mar).
- islla de Nueva Siberia (о. Но́вая Сиби́рь), de 6.201 km².
- islla Belkovsky (о. Бельковский), de 500 km².
- Islles Lyakhovsky, con 6.100 km², al sur, más cerca de la mariña siberiana, coles siguientes islles:
- islla Gran Lyakhovsky (о. Большо́й Ля́ховский), de 5.157 km².
- islla Pequeña Lyakhovsky (о. Ма́лый Ля́ховский), de 1.325 km².
- islla Stolbovoy (о. Столбово́й) , de 170 km².
- islla Semyonovsky (о. Семёновский). Ta islla ta agora somorguiada.
- Islles De Long, con 228 km², al nordeste de Nueva Siberia, un grupu de pequeñes islles:
- islla Jeannette (о. Жанне́тты; Óstrov Zhanetta), un pequeñu castru de 0,2 km², con un altor máximu de 250 m y el 30% glaciarizado. Foi afayáu'l 16 de mayu de 1881 por William Dunbar a bordu de la Jeanette (76°47′N 158°02′E / 76.783°N 158.033°E).[1]
- islla Henrietta (о. Генрие́тты; Óstrov Guenriyetta), una pequeña islla de 7 km², con un altor máximu de 340 m y el 40% glaciarizado. Foi afayada'l 20 de mayu de 1881 por George Washington DeLong a bordu de la USS Jeanette (77°08′N 156°50′E / 77.133°N 156.833°E).
- islla de Bennett (о. Бе́ннетта) con 75 km², la islla más grande del grupu, y con un altor máximu de 448 m y el 60% glaciarizado. Foi afayada'l 15 de xunetu de 1881 por Aneguin a bordu de la Jeanette. (76°41′21″N 148°56′14″E / 76.68917°N 148.93722°E).
- islla Vilkitski (о. Вильки́цкого; Óstrov Vilkítskogo, n'honor a Borís Vilkitski), una pequeña islla de 2 km², con un altor máximu de solu 70 m, ensin glaciarizar. Foi afayada'l 20 d'agostu de 1913 por Alekséi Nikoláyevich Zhójov a bordu del ruempexelos Taymyr. (73°28′00″N 75°45′00″E / 73.46667°N 75.75000°E)
- islla Zhokhov (о. Жо́хова), una pequeña islla de 40 km², con un altor máximu de 120 m, ensin glaciarizar. Foi afayada'l 27 d'agostu de 1914 por Piotr Alekséyevich Novopáshenny a bordu del ruempexelos Vaygach. (76°08′N 152°45′E / 76.133°N 152.750°E)
La mayor parte del archipiélagu ye llanu y ta formáu por restos de sedimentos. El cume más altu ye'l monte (Malakatyn-Tas en Kotelny) con 374 m.
Clima
editarClima árticu, la nieve cubre les islles nueve meses al añu. La temperatura medio en xineru: −28 °C a −31 °C. La temperatura en xunetu: nes mariñes l'agua ártico caltién la temperatura baxo, la temperatura máximo media ronda los +8 °C a +11 °C y la mínima -3 °C a +1 °C. Nel interior de les islles, les temperatures máximes en xunetu son de +16 °C a +19 °C y la mínima de +3 °C a +6 °C. Precipitación: hasta 132 mm cada añu.
El permafrost atópase presente en toles islles. Como tamién de la vexetación típica de la tundra.
Historia
editarLes primeres noticies sobre la esistencia d'estes islles llegaron al traviés d'un Cosacu, Yakov Permiakov a principios del sieglu XVIII. En 1712, una unidá cosaca empobinada por M. Vaguin algamó la islla Gran Lyákhovsky. A principios del sieglu XIX, les islles fueron esploraes por Yákov Sánnikov, Matvéi Gedenschtrom y otros. Vinieron siendo l'allugamientu d'estaciones permanentes d'investigaciones científiques dende 1930 aproximao. Equí atópase la tundra desértica, cubierta de nieve la mayor parte del añu. Ente'l so fauna atopen especies como'l foín árticu y el renu del norte.
Esistió nes islles una base militar rusa hasta 1993, cuando foi abandonada. N'ochobre de 2013 anuncióse la reapertura de la mesma,[2] cola restauración y modernización de les instalaciones del aeródromu Temp,[3] allugáu na islla Kotelni.
Referencies
editar- ↑ «Scott Polar Research Institute», de la entrada «OSTROVÁ DE-LONGA ('De Long Islands')». Les coordenaes se corrixeron y llograron direutamente con ayuda del «Google Earth».
- ↑ «Rusia va reconstruyir la so base militar nel Árticu» (castellanu). Actualidá RT (16 de setiembre de 2013). Consultáu'l 9 de setiembre de 2013.
- ↑ «La Flota rusa vuelve al Árticu pa quedase». Actualidá RT (14 de setiembre de 2013). Consultáu'l 14 de setiembre de 2013.
Enllaces esternos
editar
Wikimedia Commons acueye conteníu multimedia sobre Islles de Nueva Siberia.
Datos: Q201012- Multimedia: New Siberian Islands
