J0917+46 ye'l nome embrivíu de SDSS J091709.55+463821.8, sistema estelar asitiáu na llende ente les constelaciones de Llobu cerval y sietestrellu. Alcuéntrase a unos 7400 años lluz de distancia del Sistema Solar.

Ficha d'oxetu celesteJ0917+46
estrella binaria
Datos d'observación
Ascensión reuta (α) 139,28980911629 °[1]
Declinación (δ) 46,639350000711 °[1]
Distancia a la Tierra 1,956 kpc
Magnitú aparente (V) 18,9806 (Banda G (es) Traducir)
Constelación Sietestrellu
Velocidá radial 165 km/s[3] y 165 km/s[3]
Parallax 1,0664 mas[1]
Tipu espectral DA[3]
Otros nomes
Cambiar los datos en Wikidata

Coordenaes: Sky map 9h 17m 9.554s, 46° 38 21.66

La componente visible del sistema ye una nana blanca que la so masa, de 0,17 mases solares, ye la más baxa conocida pa una nana blanca, aproximao 1/3 de la masa habitual pa esti tipu d'estrelles. A pesar d'ello, ye bien grande en términos de tamañu físicu, con un diámetru equivalente al 8% del diámetru solar, unos nueve vegaes más grande qu'una nana blanca típica.

Nenguna estrella ye abondo antigua pa convertise, por sigo mesma, nuna nana blanca tan pocu masiva; polo tanto dende un principiu predíxose la esistencia d'una compañera non visible responsable de la perda de masa estelar. La busca subsecuente per aciu velocidaes radiales, confirmó la predicción. Al nun ser visible la compañera refugóse qu'ésta fora una estrella de la secuencia principal; la compañera invisible probablemente ye otra nana blanca, qu'aspiró una gran parte del material de la estrella visible.

Cuando se formó'l sistema binariu, ésti taba compuestu por una estrella d'unos dos mases solares y otra estrella daqué menos masiva que'l Sol. La estrella más masiva foi la primera n'evolucionar, dando llugar a una nana blanca d'aproximao 0,5 mases solares. Diez mil millones años más tarde, el so acompañante tresformóse de la mesma n'otra nana blanca. En cada pasu, les capes esternes de la estrella n'evolución envolubraron a la compañera, causando un resfregón qu'averó les dos estrelles ente sigo. Agora completen una órbita cada 7,6 hores a una distancia de namái 0,007 UA. Nun futuru dambes estrelles van fundise, magar esto nun va asoceder enantes de 10.000 millones d'años.

Referencies editar

  1. 1,0 1,1 1,2 1,3 Afirmao en: Gaia DR2. Llingua de la obra o nome: inglés. Data d'espublización: 25 abril 2018.
  2. Patrick Dufour (2014). «Precise atmospheric parameters for the shortest-period binary white dwarfs: gravitational waves, metals, and pulsations» (n'inglés). The Astrophysical Journal:  páxs. 35. doi:10.1088/0004-637X/794/1/35. 
  3. 3,0 3,1 3,2 Michael J. Kurtz (10 agostu 2006). «Hypervelocity Stars. I. The Spectroscopic Survey» (n'inglés). The Astrophysical Journal (1):  páxs. 303–311. doi:10.1086/505165. 

Coordenaes:   9h 17m 9.554s, 46° 38 21.66