Janet Gaynor (Laura Gainor, 6 d'ochobre de 1906Filadelfia – 14 de setiembre de 1984Palm Springs) foi una actriz d'Estaos Xuníos ganadora del premiu Óscar.

Janet Gaynor
Vida
Nacimientu Filadelfia6 d'ochobre de 1906[1]
Nacionalidá Bandera de Estaos Xuníos d'América Estaos Xuníos
Muerte Palm Springs[2]14 de setiembre de 1984[1] (77 años)
Sepultura Hollywood Forever Cemetery (es) Traducir
Causa de la muerte neumonía
Familia
Casada con Adrian (1939 – m. 1959)
Paul Gregory (1964 – 1984)
Fíos/es 1
Estudios
Estudios San Francisco Polytechnic High School (en) Traducir
Llingües falaes inglés[3]
Oficiu actriz de teatru, actriz de cine, actriz de televisión, actrizpintora
Premios
Nominaciones
IMDb nm0310980
Cambiar los datos en Wikidata

Considerada la socesora de Lillian Gish, Janet Gaynor foi una de les mayores estrelles del cine ente finales de la dómina muda y el principiu del cine sonoru. Actriz d'aspeutu fráxil, desempeñó de cutiu papeles de moza inocente y dulce, lo que taba lloñe de la realidá, na que se manifestó como una aviespada muyer de negocios.

Debutó nel cine mudu nos años 20 interviniendo en producciones de Hal Roach. Algamó gran popularidá a finales del deceniu gracies a películes como The Johnstown Flood (1926), un títulu empobináu por Irving Cummings, El séptimu cielu (1927) de Frank Borzage, Sunrise: A Song of Two Humans (1927) de F. W. Murnau, o Street Angel (1928), otra película empobinada por Borzage.

Gracies a estos trés últimes interpretaciones, Janet foi premiada na primer ceremonia de los Premiu Óscar col premiu a la meyor actriz. Les otres candidates yeren Louise Dresser por A ship is coming in y Gloria Swanson por La fráxil voluntá.

Foi la primer actriz en ser gallardoniada col Oscar a la meyor actriz en 1927-28, pola so interpretación de El séptimu cielu, Street Angel y Sunrise: A Song of Two Humans. Volvió ser nomada en 1937 pol so papel na película Nació una estrella.

Tocantes a la so vida sentimental, Janet Gaynor casóse en trés causes. La primer vegada en 1929, con Jesse Lydell Peck, de quien se divorció en 1933. La segunda col conocíu diseñador de vestuariu Gilbert Adrian, con quien tuvo casada ente 1939 y 1959, añu de la muerte de Adrian. La so tercer boda foi col productor Paul Gregory, con quien se casó en 1964.

Precisamente con Gregory diba nel taxi que llevaba a la pareya, a la so amiga l'actriz Mary Martin, madre del actor Larry Hagman y al representante d'esta, Ben Washer, cuando sufrieron un fatal accidente qu'acabó cola vida de Washer y dexó gravemente mancada a Janet.

Yera 1982, dos años dempués, el 14 de setiembre de 1984, morría a la edá de 77 años.

Filmografía (parcial) editar

Referencies editar

  1. 1,0 1,1 Biblioteca Nacional d'Alemaña. «Janet Gaynor» (alemán). Gemeinsame Normdatei. Consultáu'l 14 agostu 2015.
  2. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  3. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  4. Afirmao en: Internet Movie Database. Identificador IMDb: ev0000003/1929. Llingua de la obra o nome: inglés.

Enllaces esternos editar