Javier Rodríguez
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Javier Rodríguez (1972, Uviéu) ye un dibuxante de cómic y músicu asturianu.
Javier Rodríguez | |
|---|---|
 | |
| Vida | |
| Nacimientu | Uviéu, 1972[1] (51/52 años) |
| Nacionalidá |
 España |
| Estudios | |
| Llingües falaes | castellanu |
| Oficiu | dibuxante, colorista, dibuxante d'historieta, escritor, ilustrador |
| javiersite.com | |
 | |
Formóse como dibuxante na Escuela d'Artes y Oficios d'Uviéu y la so carrera entamóla participando en concursos y publicando en revistes de tirada reducida, pa, posteriormente, autoedítase Love Gun, nel añu 1996, obra qu'apaecería nuna segunda etapa en collaboración con Ígor Medio. L'encargu del Ayuntamientu de Xixón pa facer un cómic que tocare'l tema de les drogues ente la mocedá, que guionizaría Boni Pérez, terminaría con una buena escandalera siendo calificáu por munchos como provocador. El trabayu titulábase Los Potaje, y vería la lluz nuna edición doble, en castellanu y n'asturianu. Magar lo anterior el trabayu acabaría ganando l'accésit nos premios Reina Sofía de la Fundación Contra la Drogadicción.
Como profesional entamaría a asoleyar los sos trabayos na revista El Víbora, na que taría varios años, faciendo delles historietes curties, portaes y les series Paraíso Punk Rock Bar (1997 - 1999), Tenebro y Comprobando la Realidad.
Cola editorial Glénat asoleyó los álbumes Wake Up y Miedo (con guión de David Muñoz y Antonio Trashorras). Igualmente, con ediciones El Jueves collaboró na revista infantil-xuvenil Mister K dende'l primer númberu hasta la so desapaición faciendo la serie Crononautas.
Javier trabayó como diseñador y dibuxante n'estremaos proyeutos de cine, publicidá, música (con portaes pa grupos como Manta Ray, Felpeyu o Australian Blonde) y nel suplementu del diariu El País, Tentaciones (posteriormente EP3). Sería l'encargáu de dibuxar el cartel del Salón del Cómic de Barcelona del añu 2006.
Tamién fizo trabayos como colorista pa les editoriales DC Comics y Marvel Comics, en títulos como Bat Girl Year One, Breach, Doc Strange. Anguaño (2008) trabaya pa la editorial Les humanoïdes Associés cola serie Lolita HR, d'estética manga.
Javier Rodríguez tamién tocó la guitarra en dellos grupos musicales como Kactus Jack o Laherzio.
Referencies
editar- ↑ Afirmao en: Lambiek Comiclopedia. Identificador Lambiek Comiclopedia: r/rodriguez_javier. Apaez como: Javier Rodríguez. Data de consulta: 9 ochobre 2017. Editorial: Lambiek. Llingua de la obra o nome: inglés. Data d'espublización: 1r payares 1999.
Enllaces esternos
editar
Datos: Q13147290
