João Manuel Gonçalves Lourenço

João Manuel Gonçalves Lourenço (5 de marzu de 1954Llobín) ye un políticu angoleñu, actual Presidente d'Angola dende'l 26 de setiembre de 2017 [4]. Foi escoyíu Presidente de la República'l 23 d'agostu de 2017. Enantes foi Ministru de Defensa ente 2014 y 2017.

João Manuel Gonçalves Lourenço
4. Presidente d'Angola

26 setiembre 2017 -
José Eduardo dos Santos
Minister of National Defence (en) Traducir

22 abril 2014 - 26 setiembre 2017
Governor of Moxico (en) Traducir


Governor of Benguela (en) Traducir


Miembro de la Asamblea Nacional de Angola (es) Traducir


Eleiciones: 2nd National Assembly (en) Traducir
Vida
Nacimientu Llobín5 de marzu de 1954[1] (70 años)
Nacionalidá Bandera d'Angola Angola
Familia
Casáu con Ana Dias Lourenço
Estudios
Estudios Academia Lenin
Llingües falaes portugués
Oficiu políticumilitar
Premios
Graduación coronel xeneral
Creencies
Partíu políticu Movimientu Popular de Lliberación d'Angola
Cambiar los datos en Wikidata

Trayeutoria editar

Participó na guerra d'independencia contra les fuercies coloniales portugueses, que terminó en 1975. Depués estudió historia na Xunión Soviética ente 1978 y 1982 na Academia Lenin. Depués ocupó dellos cargos nel Movimientu Popular de Lliberación d'Angola (MPLA, un partíu primeramente inspiráu pol marxismo-leninismu). La so carrera militar llevólu a sirvir como comisionáu provincial y depués como líder políticu nacional de les FAPLA (Fuercies Armaes Populares de Lliberación d'Angola).

Foi secretariu xeneral del MPLA de 1998 a 2003. Cuando'l presidente José Eduardo dos Santos dixo a la fin de la guerra civil d'Angola en 2002 que pensaba en dexar el poder, Lourenço yá se perfilaba p'asocede-y. Pero dos Santos yera un estratega, y la so declaración namás que la fizo pa identificar a los ambiciosos. João Lourenço foi despidíu de la secretaría xeneral del partíu gobernante. Lourenço nun yera la eleición principal del xefe d'Estáu p'asocede-y. Dos Santos primero favoreció al so fíu, José Filomeno de Sousa dos Santos, pero los cuadros históricos del MPLA yeren contrarios a esta opción dinástica. Dos Santos trató entós d'imponer a un home que-y debía tou, Manuel Domingos Vicente, el ex-presidente de la petrolera Sonangol, que nun pasara pol exércitu nin pol partíu, y atopábase descalificáu por casos de corrupción. Ente 2003 y 2014, João Lourenço convirtióse en primer vicepresidente de l'Asamblea Nacional. N'abril de 2014, tomó una posición importante nel gobiernu al ser nomáu Ministru de Defensa. N'agostu de 2016, tamién se convirtió en vicepresidente del MPLA.[5]

A finales d'avientu de 2016, el MPLA, encabezáu por dos Santos, escoyó a João Lourenço como candidatu presidencial pa les eleiciones llexislatives del mes d'agostu de 2017. La so eleición foi consensuada dientro del partíu, siendo consideráu un moderáu. Según l'ex primer ministru Marcolino Moco, "Lourenço yera d'una ala prudente nel momentu de la cayida del Muriu de Berlín". Delles vegaes presente en Portugal mientres los festivales del periódicu Avante! y nos congresos del Partíu Comunista Portugués, João Lourenço foi miembru de la delegación del MPLA nel momentu de la so adhesión a la Internacional Socialista.[6]

En febreru de 2017, dos Santos declaró oficialmente que nun yera candidatu a la presidencia pa les eleiciones d'agostu de 2017 y que João Lourenço yera'l candidatu del MPLA.[7] Tres la victoria del MPLA nes eleiciones xenerales, foi escoyíu Presidente de la República y asumió les sos funciones el 26 de setiembre de 2017.[8]

Referencies editar

  1. Afirmao en: Enciclopedia Brockhaus. Identificador de Brockhaus Enzyklopädie en línea: lourenco-joao. Apaez como: João Lourenço. Llingua de la obra o nome: alemán.
  2. URL de la referencia: https://www.alamy.com/180505-windhoek-may-5-2018-xinhua-namibian-president-hage-geingob-r-confers-the-order-of-the-most-ancient-welwitschia-mirabilis-to-angolan-president-joao-lourenco-l-at-the-commemoration-of-cassinga-day-in-namibias-capital-windhoek-on-may-4-2018-cassinga-day-which-falls-on-may-4-is-a-national-public-holiday-in-namibia-marking-the-cassinga-massacre-which-took-place-40-years-ago-when-the-south-african-defence-force-attacked-a-base-of-then-nambian-pro-independence-movement-swapo-south-west-african-peoples-organization-near-the-village-of-cassinga-in-southern-angola-xinhua-image183490632.html.
  3. URL de la referencia: http://www.ordens.presidencia.pt/?idc=154.
  4. https://elpais.com/internacional/2017/09/26/actualidad/1506435804_969013.html
  5. Steven Mufson (21 de mayu de 2017). «After 37 years, Angola will get a new president. Can Joao Lourenco reduce widespread corruption?». The Washington Post. Consultáu'l 18 de xunetu de 2017.Steven Mufson (21 de mayu de 2017). After 37 years, Angola will get a new president. Can Joao Lourenco reduce widespread corruption?. The Washington Post. https://www.washingtonpost.com/news/worldviews/wp/2017/05/21/after-37-years-angola-will-get-a-new-president-can-joao-lourenco-reduce-widespread-corruption/. Consultáu'l 18 de xunetu de 2017. 
  6. «Angola's new 'president in waiting'». Deutsche Welle. 3 de febreru de 2017. Consultáu'l 18 de xunetu de 2017. Angola's new 'president in waiting'. Deutsche Welle. 3 de febreru de 2017. http://www.dw.com/en/angolas-new-president-in-waiting/a-36705629. Consultáu'l 18 de xunetu de 2017. 
  7. https://elpais.com/internacional/2017/08/23/actualidad/1503485720_354445.html
  8. «Angola: Presidente nomeia João Lourenço para ministro da Defesa Nacional» (portugués). Agência Angola Press (22 d'abril de 2014).

Enllaces esternos editar


Predecesor:
José Eduardo dos Santos
 
Presidente d'Angola

2017 -
Socesor:
Nel cargu