Joaquín Rubio Camín

Joaquín Rubio Camín (11 de setiembre de 1929Xixón – 28 d'avientu de 2007Xixón)[2] foi un escultor, pintor, diseñador y fotógrafu asturianu.

Joaquín Rubio Camín
Vida
Nacimientu Xixón11 de setiembre de 1929[1]
Nacionalidá España
Muerte Xixón28 d'avientu de 2007[1] (78 años)
Estudios
Llingües falaes castellanu
Oficiu pintor, escultorfotógrafu
Cambiar los datos en Wikidata

Nos años cincuenta entamó la so carrera artística como pintor, algamando el Premiu Nacional de Pintura en 1955. Más sero, a partir de los años sesenta, volcóse na que sería la so actividá más reconocida, la escultura, dientro de la que fizó obres como l'Obeliscu de la Avenida de la Constitución y Xenesis nel paséu de Begoña, en Xixón, o el monolitu en memoria de los diecisiete executaos del Hospital Psiquiátricu de Valdediós na Guerra Civil.

En Londres conocería al escultor vascu Jorge Oteiza del que se declararía almirador.

En 2001 foi gallardoniáu cola Medaya de Plata del Principáu d'Asturies. Tamién se dedicó a la fotografía, y foi miembru del grupu fotográficu La Palangana, xunta fotógrafos como Leonardo Cantero, Francisco Ontañón, Ramón Masats o Gabriel Cualladó. Dende l'añu 1975 estableció la so residencia en Valdediós, Villaviciosa, onde trabayó hasta la so muerte.

Referencies editar

  1. 1,0 1,1 Afirmao en: Diccionario biográfico español. Identificador DBE: 31064/joaquin-rubio-camin. Apaez como: Rubio Camín, Joaquín. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
  2. [1]Muere Rubio Camín, La Voz de Asturias, 29.12.2007

Enllaces esternos editar