John Ericson
Joseph Meibes, conocíu artísticamente como John Ericson (25 de setiembre de 1926, Düsseldorf – 3 de mayu de 2020, Santa Fe), ye un actor xermanu-estauxunidense. N'ocasiones tamién apaeció acreditáu como John Erickson.
John Ericson | |
|---|---|
 | |
| Vida | |
| Nacimientu | Düsseldorf, 25 de setiembre de 1926[1] |
| Nacionalidá |
 Estaos Xuníos  República de Weimar |
| Llingua materna | inglés |
| Muerte | Santa Fe[2], 3 de mayu de 2020[3] (93 años) |
| Causa de la muerte | neumonía[4] |
| Fíos/es | 2 |
| Estudios | |
| Estudios | American Academy of Dramatic Arts |
| Llingües falaes |
inglés alemán |
| Oficiu | actor, actor de televisión, actor de cine, actor de teatru |
| Premios | |
| Xéneru artísticu | western |
| IMDb | nm0259152 |
 | |
Trayeutoria artística
editarEricson estudió na American Academy of Dramatic Arts, na ciudá de Nueva York. Tuvo na mesma clase que futures conocíes estrelles del mundu del espectáculu, como Grace Kelly, Jack Palance, Don Murray o Don Rickles. En teatru interpretó'l papel principal na obra Stalag 17 de Donald Bevan y Edmund Trzcinski en Broadway (1951).
Na década de 1950 intervién en películes de la MGM, rodando con dellos direutores importantes, como Fred Zinnemann, Charles Vidor, Richard Thorpe, [[John Sturges]] o Samuel Fuller; en Forty Guns, western de Fuller, interpretó al hermanu de Barbara Stanwyck. La so carrera prosiguió, principalmente en televisión, per espaciu de tres décades; Apaez nel papel principal en "The Peter Bartley Story" del espaciu dramáticu de la CBS The Millionaire. L'actor infantil Johnny Washbrook interpreta'l mesmu papel nun flashback o vuelta al pasáu, nel que Ericson ye un mozu. Intervién xunto a Dorothy Malone nel episodiu del 1 de xineru de 1956, tituláu "Mutiny", de Appointment with Adventure de la CBS. Protagoniza en 1958 la serie del oeste de la NBC The Restless Gun, xunto a John Payne y en 1961 el drama criminal de la ABC Target: The Corruptors!.
Ente 1965 y 1966, Ericson foi'l compañeru de repartu d'Anne Francis na serie de detectives de la ABC Una roxa esplosiva (Honey West), que-y valió a Francis un Globu d'Oru y una nominación al Emmy. Ericson yá coincidiera con Francis en Bad Day at Black Rock (Bad Day at Black Rock), na qu'interpretaben a dos hermanos. Na década de 1960 intervién tamién en películes producíes n'Europa, de xéneros como peplo, western y euru-spy; ente estes figura Los siete de Pancho Villa, rodada n'Almería, España.
Nos 70 puede vése-y en producciones Disney, como Bedknobs and Broomsticks, na qu'interpreta al Coronel Heller, quien desembarca en Gran Bretaña pa prepaprar una invasión nazi; trabaya tamién na mesma dómina en dalguna filmografía tan exótica como la filipina, nun siendo l'únicu actor americanu en faelo.
Ente les sos últimes apaiciones na pantalla figuren papeles como estrella convidada en series como The A-Team o Escribióse un crímen. El so filmografía inclúi cerca d'un centenar de producciones pa cine y televisión hasta finales de los 80, actuando dacuando dende entós.
L'actor tien una estrella nel Paséu de la Fama de Hollywood (Hollywood Walk of Fame), asitiada nel 1501 de Vini Street.
Filmografía parcial
editar- Crash (2008) (serie de televisión)
- The Far Side of Jericho (2006)
- Primary Target (1990)
- Hospital xeneral (General Hospital, 1987) (serie de televisión)
- Escribióse un crímen (Murder She Wrote, 1986) (serie de televisión)
- La última misión (1984)
- The A-Team (The A-Team, 1983) (serie de televisión)
- La casa de la muerte (1978)
- La muyer policía (1977) (serie de televisión)
- Hustler Squad (1976) de César gayardu
- S.W.A.T. (S.W.A.T., 1975) (serie de televisión)
- Kumander agimat (1975)
- Hawkins (1974) (serie de televisión)
- Bedknobs and Broomsticks (Bedknobs and Broomsticks, 1971) de Robert Stevenson
- Marcus Welby (1970) (serie de televisión)
- The Bamboo Saucer (1968) de Frank Telford
- The Destructors (1968)
- Los siete de Pancho Villa (1967) de José María Elorrieta
- Bonanza (1967) (serie de televisión)
- Axente 003: Operación Atlántida (1965) de Domenico Paolella
- Una roxa esplosiva (Honey West, 1965-1966) de James H. Brown, John Florea, Murray Golden, Paul Wendkos y Thomas Carr (serie de televisión)[5]
- The Fugitive (1965)
- 7 Faces of Dr. Lao (7 Faces of Dr. Lao, 1964) de George Pal
- Duelu de reis (1963) de Primu Zeglio
- So diez banderes (1960) de Duilio Coletti
- Kansas busca a un asesín (1960) d'Herbert J. Leder
- Adventures in Paradise (1959) (serie de televisión)
- Caravana (1958) (serie de televisión)
- La hora de la verdá (1958) de Harry Keller
- Oregon Passage (1957)
- Cuarenta pistoles (Forty Guns, 1957) de Samuel Fuller
- Zane Grey (1956-1959) (serie de televisión)
- Climax! (1956-1957) (serie de televisión)
- The Cruel Tower (1956)
- Cavalcade of America (1955-1957) (serie de televisión)
- The Return of Jack Slade (1955)
- Bad Day at Black Rock (Bad Day at Black Rock, 1955) de John Sturges
- Fueu verde (1954) d'Andrew Marton
- Rapsodia (Rhapsody, 1954) de Charles Vidor
- El príncipe estudiante (1954) de Richard Thorpe
- Teresa (1951) de Fred Zinnemann
Referencies
editar- ↑ «When Hollywood was "Golden"».
- ↑ «Fallece John Ericson, de la serie 'Bonanza'» (castellanu). El Norte (4 mayu 2020). Consultáu'l 5 mayu 2020.
- ↑ «Fallece John Ericson, de la serie 'Bonanza'» (4 mayu 2020). Consultáu'l 5 mayu 2020.
- ↑ «Fallece a los 93 años John Ericson, de la serie “Bonanza”». Consultáu'l 5 mayu 2020.
- ↑ https://www.filmaffinity.com/es/search.php?stype=cast&stext=John+Ericson
Enllaces esternos
editar- http://www.ibdb.com/person.asp?ID=39676 Ficha n'Internet Broadway Database
- https://www.imdb.com/name/nm0259152/ Ficha n'Internet Movie Database
Datos: Q919876
Multimedia: John Ericson
