José Antonio Nava Iglesias

José Antonio Nava Iglesias
Vida
Nacimientu	Uviéu, 1951 (72/73 años)
Nacionalidá	España
Estudios
Llingües falaes	castellanu
Oficiu	escultor
Trabayos destacaos	Monumento a Ramón Pérez de Ayala (es) ; Monumento a los Hacendistas asturianos (es) ; Homenaje a Simón Bolívar (es)

José Antonio Nava Iglesias ye un escultor español nacíu n'Uviéu en 1951.^[1]

José Antonio Nava Iglesias estudió na Escuela d'Artes Aplicaes d'Uviéu ente 1968 y 1972, completando los sos estudios na de Belles Artes de Bilbao, de 1972 a 1973, na Escuela Cimera de Belles Artes de San Fernando de Madrid ente 1975 y 1979.^[1]^[2] La mayor parte de la so obra ta n'Asturies, una y bones l'autor ta fondamente xuníu a la so tierra natal.^[1]

La so carrera como docente na Escuela d'Artes y Oficios d'Uviéu, qu'empecipia a partir de 1981, según el so calter perfeccionista ya individualista llevó-y a realizar bien poques esposiciones y escases apaiciones en galeríes d'arte o museos.^[1]

Magar ello ye bien destaca la so participación nes escultures urbanes de la mesma ciudá d'Uviéu, onde realizó diverses obres de notable interés, utilizando diversos materiales (bronce, la piedra) y llinguaxes (l'astracción y la figuración más clásica). Tamién se sintió atraíu pol estudiu del espaciu, lo cual queda reflexáu n'obres como'l "Monumentu a Ramón Pérez de Ayala" o les sos soluciones clásiques, como nel "Monumentu a Rafael del Riego". Puede reparase un cambéu nel so propiu llinguaxe na obra "La Dama del balcón", onde esperimenta con una figuración llibre del cuerpu femenín.^[1]

Actividá artística editar

Esposiciones individuales editar

1979. Galería Tassili, Uviéu.^[1]^[2]
1982. Muséu de Belles Artes d'Asturies. Uviéu.^[2]

Esposiciones coleutives editar

1973. Galería Tassili, Uviéu.^[1]
1975. “Arte n'Asturies”, Avilés. Bancu de Fomentu, Uviéu.^[1]
Ensin fecha: I Concursu d'Escultura “Corte Inglés”, Bilbao; I Concursu “Castellblanch”, Valladolid; II Bienal d'Escultura, Zaragoza; Concursu d'Autopistes del Mediterraneu, Barcelona.^[1]

Obres públiques n'Uviéu editar

"Monumentu a Ramón Pérez de Ayala", 1980, Paseo Antonio García Oliveros, Uviéu.^[1]^[2]
"Monumentu a los Hacendistas asturianos", 1980, Calle Alférez Provisional, Uviéu.^[1]^[2]
"Homenaxe a Simón Bolívar", 1983, Campillín, Uviéu.^[1]^[2]
"Monumentu a Rafael del Riego", 1993, Plaza de Rafael del Riego, Uviéu, a pidimientu de los Conceyos d'Uviéu y Tinéu y del RIDEA, asitiáu na plaza dedicada al xeneral cuartanu.^[1]^[2]
"La Dama del balcón", 2003, Parque del Oeste, Uviéu.^[1]^[2]