José Manuel Félix Magdalena
José Manuel Félix Magdalena (14 d'ochobre de 1941, Mieres) ye un pintor y escultor asturianu.
José Manuel Félix Magdalena | |
|---|---|
| Vida | |
| Nacimientu | Mieres, 14 d'ochobre de 1941 (83 años) |
| Nacionalidá |
 España |
| Estudios | |
| Llingües falaes | castellanu |
| Oficiu | escultor, pintor |
| felixmagdalena.com | |
 | |
Esti artículu necesita wikificase. |
Biografía
editar
Criáu ente los mineros de les esplotaciones hulleres, nun ambiente bien poco aparente pa desenvolver moliciones artístiques. La contemplación d'estampes en publicaciones espertólu dende bien temprana edá l'interés poles obres d'arte y foi mientres enforma tiempu casi la única vía que tuvo de conocencia y aproximamientu a la pintura y l'escultura.
Con facilidá pal dibuxu y habilidá manual faltó-y la oportuna orientación y una direición que-y pudiera encauzar direutamente escontra una futura profesionalidá artística. Primeramente los sos padres quieren que se preparar con un oficiu y si fuera posible carrera p'asitiase na industria. Estudia na Escuela d'Aprendices de la Fábrica de Mieres d'onde sale como oficial torneru siendo asitiáu como tal nos talleres de mines d'esta Sociedá. Titúlase tamién como Inxenieru Téunicu de Mines na Escuela de Mines de Mieres y darréu llicénciase en Historia del Arte na Universidá d'Uviéu.
Con bastantes dificultaes y laboriosidad pudo desenvolver simultáneamente col trabayu na empresa la so innata vocación artística y crear una obra plástica importante. Esencialmente autodidacta, fixo estudios, por llibre, na Escuela Cimera de Belles Artes de San Jorge, que nun concluyó y práutiques de dibuxu nel Círculu de Belles Artes de Madrid. Disciplináu y rigorosu formóse sólidamente n'anatomía artística, perspeutiva y composición según na conocencia de procedimientos téunicos y materiales. Los sos gustos preferentes, anque non esclusivos, caltuviéronse dende siempres dientro d'una estética de base realista y les sos obres respuenden polo xeneral a esti planteamientu. Tantu en pintura como n'escultura siguió de primeres un estilu figurativu naturalista, de realismu social en dalguna midida. De manera un tanto insólita y aparentemente anacrónica, anque consciente y bien encontada decantóse escontra una especie de clasicismu sui generis más o menos academicista. Cultiva les téuniques artístiques tradicionales utilizando tamién los nuevos materiales.
La temática de les sos obres tien como filo conductor principal la representación idealizada de la figura humana en movimientu y el repertoriu de la so producción va de la semeya realista a la bien estudiada recreación compositiva d'asuntos de la mitoloxía clásica, pasando por otros motivos derivaos del laboreo nes mines de carbón asturianu, el bodegón y el paisaxe.
Dio clases de dibuxu y collaboráu con dellos artículos sobre arte (“Pintores de Mieres”, “Escultura pública en Mieres”, “el Camín de Santiago en Mieres”, etc.) en publicaciones locales. Nel añu 1992 publicó'l llibru de gran formatu “Siguiendo les Estrelles per caminos d'Europa escontra Santiago” ISBN 84-604-3653-5, de conteníu artístico con más de cientu venti dibuxos en color orixinales propios.
Tien obres en llugares y centros públicos anque se caltién en coleiciones particulares la mayor parte de la so producción qu'en poques ocasiones espunxo individualmente.
Esposiciones
editar
- Exposición “Fíu de Mieres”, nos años 1967, 1969, 1975 y 1995
- Esposición provincial de dibuxos convocada pol Real Institutu d'Estudios Asturianos, n'Uviéu nel añu 1965
- Certame provincial d'arte del productor n'Uviéu nel añu 1967 onde llogró'l tercer premiu de pintura *Certame
provincial d'arte del productor n'Uviéu nel añu 1968 onde llogró'l primer premiu de pintura *Certame nacional d'arte del productor en Barcelona nel añu 1969
- Esposición “125 aniversariu de la Escuela de Mines de Mieres” nel añu 1980
- Esposición individual de dibuxos na Facultá de Xeografía y Hestoria, “Campus del Milán” Uviéu nel añu 1993
- Esposición individual de dibuxos nel Real Institutu d'Estudios Asturianos nel añu 1993.
Obres públiques
editar- Estatua en bronce “L'escanciador de sidra”, na plaza de San Juan de Mieres, del añu 1988
- Estatua en bronce “El relevu”, na plaza del barriu San Francisco de Turón, del añu 1979
- Estatua en bronce Mineru de Cangas", xunto al Conceyu de Cangas, del añu 1984
- Estatua en bronce retrato del traumatólogu Dr. D. Vicente Vallina, delantre del Conceyu en Sotrondio, del añu 1998
- Monolitu en piedra de Colmenar y bronce nel Batán, Mieres, homenaxe a los mineros finaos n'accidente, del añu 1995
- “Cabeza de Goya” en bronce, na plaza del mesmu nome en Mieres, del añu 1984
- Monumentu en piedra y bronce homenaxe al Alcalde Dr. Vital Alvarez Buylla, delantre de la ilesia de la Peña en Mieres, del añu 1985
- Cabeza en bronce del Dr. D Vital Alvarez Buylla nel Hospital que lleva'l so nome, en Mieres, del añu 1986
- Cabeza monumental en mármol artificial de Manuel Llaneza, carismáticu líder sindical mineru asturianu, na piscina cubierta de Mieres, del añu 1988
- Cabeza en bronce de Salustiano Fernández, nel área de recréu de Rozamayor en Mieres, del añu 1984
- Placa conmemorativa, n'aceru, asitiada na fachada de la casa de la Música en Mieres, del añu 2006
- Cuadru “Mineros” na Escuela d'Inxeniería Téunica de Mieres del añu 1970
- Semeya al oleu del escritor Victor Alperi na Casa de la Cultura de Mieres.
Obra privada
editarPintures
editar
- Semeya al oleu de D. Nicasio Gutierrez
- Retrato al oleu de D Félix Alvarez Buylla
- Retrato al oleu de D. Joaquín Ordiales
- Retrato al oleu de D. Marín Fernández
- Retrato al oleu de Dña. Soledad Martínez
- Retrato al oleu de D. Alfredo Fernández
- Retrato al oleu del güelu Estanislao
- Semeya al oleu de la güela Emilia *Retrato al
oleu del padre *Retrato al oleu de la madre *Cuadro al oleu Mineru antigua”
- Semeya al oleu de D. Manuel Calvo *Cuadro al
oleu “Reinerio el cazador”
- Cuadru al oleu “el Gaiteru de Xixón”
- Cuadro al oleu “Manolín la pescadora”
- Semeya al oleu de Dña. Luisa Llaca
- Cuadro al oleu “la Primavera”
- Cuadro al oleu Pareya de mineros”
- Coleición de cientu venticinco cuadros con dibuxos al pastel, sobre'l Camín de Santiago.
Escultures
editar- Retrato de D. Luis Solera
- Retrato de D. José Manuel F. Felgueroso
- Placa conmemorativa, en bronce, nel Círculu de Benavente
- Bustu retrato del ciruxanu Dr. D. José Cardeñoso
- Retrato de D. Benjamín Alvarez “Benxa”
- Maqueta pa proyeutu d'un monumentu a los mineros
- Semeya de D. José Luis Fernández
- Bustu retrato en bronce de D. Emilio Gallego *Estauínes
de Mitoloxía (“Heracles y el lleón de Nemea”, “Heracles y el toru de Creta”, “Heracles y la venada de Cerinia”, “Teseo y el Minotauru”, ”Icaro”, etc.)
- Relieves tallaos en diverses maderes: “Troyas Polemos”, “El Parnasu”, “Dionisíacas”, “Gigantomaquia”, “Centauromaquia”, “Ortus Veneris”, “Perseo y Andrómeda” , etc.
Referencies
editar- Gran Enciclopedia Asturiana, editada por Silverio Cañada, Xixón, 1970, ISBN 84-7286-130-9
- Asturies. Arte por conceyos, Arturo Cabal, editáu por Cajastur, Uviéu, 2001
- Diariu La Nueva España: entrevista por J. Cuervo 4-12-1984, entrevista por L. Gancedo 20-9-1992, entrevista por P. Castañal 27-9-1998, otros artículos Diariu La Voz de Asturias: Entrevista por A. Bouza “homes d'Asturies” 24- 2- 1980, otros artículos Otros artículos nos periódicos sumíos, diarios Rexón d'Uviéu, Voluntá de Xixón y selmanariu Contorna de Mieres
- Revista Minería y Siderurxa de los Inxenieros Téunicos de Mines 1980, 1985 y 1993
- Revista Hulla y diversos boletinos informativos de HUNOSA, dellos númberos
- Boletín de l'Asociación asturlleonesa del Camín de Santiago, Nᵘ 6, avientu de 1995.
Referencies
editarEnllaces esternos
editar
Wikimedia Commons acueye conteníu multimedia sobre José Manuel Félix Magdalena.
Datos: Q5942087- Multimedia: José Manuel Félix Magdalena
