Juan Antonio Cebrián

Juan Antonio Cebrián
Vida
Nacimientu	Albacete, 30 de payares de 1965
Nacionalidá	España
Muerte	Madrid, 20 d'ochobre de 2007 (41 años)
Causa de la muerte	infartu de miocardiu
Estudios
Llingües falaes	castellanu
Oficiu	periodista

Juan Antonio Cebrián Zúñiga (30 de payares de 1965, Albacete – 20 d'ochobre de 2007, Madrid) foi un periodista, escritor y llocutor de radio español. La so obra lliteraria y los programes de radio realizaos, especialmente Turno de Noche y La Rosa de los Vientos, foron la so principal fonte d'éxitu y reconocencia.

Biografía editar

Yera conocíu sobre too polos sos programes de radio, como La red, Azul y verde y Turno de Noche. Na so última etapa 1997-2007 dirixó y presentó'l programa de radio La Rosa de los Vientos, na emisora española Onda Cero. Contó con dos máster en comunicación y realización de programes. Foi fundador y direutor de la revista La Rosa de los Vientos y participó en publicaciones como Arqueología, Muy Interesante, Enigmas del hombre y del universo y Más Allá de la Ciencia. Colaboró col magazine dominical del diariu El Mundo y cola revista Historia de Iberia Vieja. Amás, foi direutor de la coleición lliteraria "Breve historia" d'ediciones Nowtilus.

La tarde del sábadu 20 d'ochobre de 2007, Juan Antonio Cebrián finó d'un ataque al corazón repentín a la edá de 41 años. Poco depués, Onda Cero emitió'l comunicáu de la so muerte a la hora qu'hubiere entamar el programa de La Rosa de los Vientos.^[1] Na madrugada del domingu al llunes, los sos collacios realizaron un programa especial de La Rosa de los Vientos como homenax a Juan Antonio, onde intervinieron varios colaboradores y oyentes. El 23 d'ochobre foi enterráu nel cementeriu de Pozuelo de Alarcón (Madrid).^[2] El 29 de payares oficióse una misa pol alma de Juan Antonio na Ilesia de San Manuel y San Benito de Madrid, au acudieron familiares, amigos, collacios y siguidores del fináu.^[3]

En xineru de 2008 propúnxose la candidatura de Juan Antonio Cebrián a la Medaya d'Oru de Castiella-La Mancha al méritu cultural.^[4]

El 23 d'avientu de 2008 el conceyu d'Albacete decidió otorgar en sesión plenaria'l nome d'una nueva cai a Juan A. Cebrián. Esta cai ta asitiada na parte nueva de la ciudá xunto a El Corte Inglés.^[5]

Obra lliteraria editar

Nos últimos años de la so vida, Juan Antonio Cebrián escribió un gran númberu de llibros, dalgunos d'ellos convirtiéronse en éxitos notables de ventes a nivel nacional,^[6]^[7] publicándose varies ediciones. Les sos principales obres son:^[8]^[9]

Pasajes de la Historia. Ediciones Corona Borealis, 2001. ISBN 84-95645-03-3
La aventura de los godos. La Esfera de los Libros, 2002. ISBN 84-9734-027-2
La cruzada del sur. La Esfera de los Libros, 2003. ISBN 84-9734-094-9
Pasajes de la Historia II - Tiempo de héroes. Ediciones Corona Borealis, 2003. ISBN 84-95645-17-3
Pasajes del Terror - Psicokillers, asesinos sin alma. Ediciones Nowtilus, 2003. ISBN 84-9763-019-X
La aventura de los romanos en Hispania. La Esfera de los Libros, 2004. ISBN 84-9734-170-8
Mis favoritos. La Esfera de los Libros, 2005. ISBN 84-9734-284-4
Enemigos íntimos de la historia. La Esfera de los Libros, 2005. ISBN 84-9734-295-X
La aventura de los conquistadores. La Esfera de los Libros, 2005. ISBN 84-9734-484-7
Enigma - De las Pirámides de Egipto al asesinato de Kennedy. Temas de Hoy, 2005. ISBN 84-8460-451-9
El mariscal de las tinieblas - La verdadera historia de Barba Azul. Temas de Hoy, 2005. ISBN 84-8460-497-7
Los Borgia - Historia de una ambición. Temas de Hoy, 2006. ISBN 84-8460-596-5
El misterio de Tutankamón - Y otros personajes favoritos de la historia. La Esfera de los Libros, 2007. ISBN 84-9734-622-X
Pasajes de la Historia - De la batalla de las Termópilas al Barón Rojo (10º aniversario de La Rosa de los Vientos). Temas de Hoy, 2007. ISBN 84-8460-648-1

Premios editar

A lo llargo de la so trayeutoria profesional, Juan Antonio Cebrián foi distinguíu con varios premios:^[9]

Meyor Llocutor, concedíu pola Asociación de Corresponsales Diplomáticos (1994).
Meyor programa, por Turno de noche, concedíu pol Carnaval del Toro en Ciudad Rodrigo (1995).
Meyor programa radiofónicu, por Turno de noche, concedíu pol selmanariu Águeda (1996).
Gajo de oro, concedíu pola confederación de cooperatives agrícoles (1998).
Meyor divulgación, concedíu pol Fondou Mundial de Proteición a la Naturaleza WWF/Adena (1998).
Insignia d'oru, concedida pol conceyu de Quintanar del Rey (Cuenca) (2002).
Reló d'Arena al "meyor programa radiofónicu de misteriu, enigmes o historia" (2007).^[10]

Con too, según les sos propies pallabres, ún de los logros que más-y enarguyecíen yera la llealtá profesada polos sos llectores y oyentes a lo llargo los años.^[7]

Homenaxes editar

Una viesca llamada Cebrián editar

Placa conmemorativa.

D'ente los diversos homenaxes n'honor al presentador fináu destaca la creación d'una viesca col so nome, dende una iniciativa surdida nun foru del programa.^[11] Lo qu'escomenzó como una coleuta de fondos pal unvéu d'un ramu flores a Onda Cero^[12] acabó, gracies a la numberosa participación de los oyentes, na puesta en marcha del proyeutu Viesca Cebrián. Cuidóse qu'una viesca yera lo que más simbolizaba'l trabayu que realizare Cebrián dende facía yá más de diez años sobre l'ecoloxismu. Cola collaboración de la organización ecoloxista ADENA,^[13]el día 1 de marzu de 2008 apenzóse a plantar la viesca en Riba de Saelices,^[14] zona especialmente afeutada nel devastador fueu sofríu na provincia de Guadalajara, nel que morrieron once persones.^[15]

Medaya al méritu cultural editar

Tres la so muerte, Juan Antonio foi propuestu a la Medaya d'oru de Castiella-La Mancha al méritu cultural. Por embargu, el premiu nun-y foi concedíu.^[16]

Asociación Cultural Juan Antonio Cebrián editar

Nel branu de 2008 naz l'Asociación Cultural Juan Antonio Cebrián (ACJAC), con trés oxetivos claros:

Conservar y esparder la figura y la herencia cultural de Juan Antonio Cebrián.
Fomentar actividaes culturales en xeneral.
Fomentar la comunicación, l'intercambéu d'idees y la cooperación ente asociaos y ciudadanos en xeneral.

Testu estrayíu de la web de l'Asociación: L'Asociación naz coles ganes de xuntar les nuestres manes nun nuevu proyeutu y d'alcontramos nún de los munchos rumbos que marca la nuestra querida Rosa de los Vientos. Esta vegada los vientos alisios soplen nesta direición con forma y fondu d'Asociación Cultural porque la inmensa cultura qu'inculcó Juan Antonio en tolo sos programes, actos y obres siempre será la proa y la bandera que marque esi rumbu.

Bibliografía editar

Casasola, Silvia; Rueda, Fernando (2009). "Fuercia y Honor", Juan Antonio Cebrián y los pasajes de su historia. Temas de Hoy, páx. 340 p.. ISBN 848460750.

Referencies editar

Enllaces esternos editar

[1] Comunicado oficial d'Onda Cero dando anuncia de la muerte de Juan Antonio Cebrián

[2] Juan Antonio Cebrián enterráu en Pozuelo de Alarcón}

[3] Misa pola alma de Juan Antonio Cebrián

[4] Candidatura de Juan Antonio Cebrián a la Medaya d'Oru de Castiella-La Mancha al méritu cultural

[5] Anuncia nel periódicu "La Verdad" del 19 d'avientu de 2008 Accedida'l 16 de xineru de 2009.

[6] Juan Antonio Cebrián, buque insignia de La Esfera de los Libros

[Ficha_esfera-7] 7,0 ^7,1 Ficha de Juan Antonio Cebrián en La Esfera de los Libros

[8] Llibros de Juan Antonio Cebrián según l'Axencia Española del ISBN

[Currículum-9] 9,0 ^9,1 Currículum de Juan Antonio Cebrián na so páxina oficial

[10] Videu d'entrega del premiu Reloj de Arena 2007 por La Rosa de los Vientos

[11] Programa nᵘ 48 de la 10ª temporada de La Rosa de los Vientos.

[12] Ramu de flores nel foru rosavientos.es

[13] Naz una viesca n'homenax al periodista Juan Antonio Cebrián, WWF España

[14] Una viesca llamada Cebrián, páxina oficial del presentador

[15] Anuncia d'El País de 18 de xunetu de 2005

[16] ttp://www.rosaventeros.es/?p=43

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]