Fray Juan Gil de Zamora, tamién conocíu como Frai Egidio (Zamora, España, 1241 aprox. - 1318 aprox.), foi unu de los principales intelectuales de la Edá Media n'España.

Juan Gil de Zamora
Vida
Nacimientu Zamora1241 (greg.)[1]
Nacionalidá España
Muerte 1318 (greg.)[2] (76/77 años)
Estudios
Llingües falaes llatín
Llatín medieval[3]
Oficiu biógrafu, musicólogunaturalista
Creencies
Relixón Ilesia Católica
Orde relixosa Orde Franciscana
Cambiar los datos en Wikidata

Biografía editar

Nun sabemos con certidume la so fecha de nacencia, pero si que nació na ciudá de Zamora (España), anque se diz que podría ser en redol al añu 1241. Ingresó na orde franciscana a finales de la década de 1260. Participó nel establecimientu de los flaires franciscanos na ciudá de Zamora. Inclusive se diz que tuvo presente nel afayu de los restos de San Ildefonso el 26 de mayu de 1260.

En 1266 sábese que yera diáconu nel Conventu de San Francisco'l Grande de Madrid. En 1272 o 1273 foi unviáu a París, que naquel momentu vía como San Bonaventura lluchaba contra'l averroísmo na Universidá de París. Ellí tuvo cuatro años y en 1276 llogró'l grau de maestru en teoloxía. Podría tar tamién en Toulouse como profesor. Dempués tornó a Castiella ocupando importantes cargos na corte d'Alfonsu X (1252-1284) como scriptor, secretariu regio y preceptor del infante don Sancho, futuru Sancho IV el Bravo (12841295). En Zamora algamaría cargos de relevancia ya importancia como llector del estudiu de los franciscanos de Zamora. Aportó a Vicariu Provincial de la provincia de Santiago escontra 1295. Tamién foi custos custodium d'esta provincia. Acabó siendo Ministru de la Provincia de Santiago ente 1300 y 1318, en que la so calidá allegó a dellos capítulos xenerales de la orde, como'l d'Asís (en 1304) o Barcelona (1313). Tuvo en bona sintonía colos monarques Fernandu III, Alfonsu X o Sancho IV y créese morrió n'edá avanzada, en redol a 1318.

Foi un gran eruditu, representante del Humanismu del sieglu XIII na corte del rei Alfonsu X, el Sabiu, pa quien trabayó como collaborador na so estensa obra tanto llaica como relixosa; nesti últimu aspeutu'l so llabor centróse casi puramente na vida y milagros de la Virxe y dellos santos, y ye bien posible que por orde real compilase tradiciones marianes que depués sirvieron al Rei Sabiu pa ellaborar Les Cantigues de Santa María. Consagráu a María ta'l Liber Mariae, donce acueye ensame de milagros atribuyíos a la so intervención. Amás escribió panexíricos de San Pablo, Santiago y Santu Tomás, según les vides de San Apeles, santu ferreru, y San Borondón, monxu aventureru y viaxeru del sieglu VI. Tola so obra haxográfica forma parte d'otra de calter enciclopédicu más estensa titulada De viribus

Obres editar

Ente les sos obres principales tán:

  • De Preconiis civitatis Numantine, historia o excelencies de la ciudá de Zamora. Con esta obra considérase-y el primer historiador de Zamora.
  • De Preconiis Hispanie, historia y excelencia d'España. Esisten dos ediciones: Manuel de Castro y Castro (Madrid: O. de Madrid. Fac. de Fil. y Lletres, 1955) y De preconiis Hispanie, o Educación del príncipe traducción y estudiu de José-Luis Martín y Jenaro Mariñes (Salamanca: Gráfiques Varona, 1997).
  • Liber illustrium personarum, biografía d'un personaxe.
  • Historia naturalis, canonica et civilis, Armarium Scripturarum, Archivum o Mare Magnum; Magna Enciclopedia.
  • Liber de Iesu et Mariae. lleendes marianes en versu que fueron inspiración en parte pa les Cantigues d'Alfonsu X El Sabiu.
  • Officium Almifluae Virginis, un Oficiu de la Virxe.
  • Ars dictandi, tratáu retóricu.
  • Epithalamium dictaminis in illo tempore
  • Prosologion seu Tractatus de dulibus Biblie.
  • Summa Quaestionum.
  • Los egidios, obra que nun se caltién.

Bibliografía editar

  • FLORIÁN FERRERO FERRERO Y CONCHA VENTURA CRESPO: "Zamoranos Pernomaos". Edita La Opinión El Correo de Zamora. 1997. Páxines 33 a 40.
  • JUAN GIL DE ZAMORA (1994) Allabancies y historia de Zamora. Zamora: Edición del Conceyu de Zamora.
  • Manuel C. Díaz y Díaz. Index scriptorum Latinorum Medii Aevi Hispanorum. [Salmanticae] Universidá de Salamanca, 1958-59.

Ver tamién editar

Referencies editar

  1. URL de la referencia: http://institucional.us.es/revistas/historia/33/05%20dacosta.pdf.
  2. Afirmao en: Gemeinsame Normdatei. Data de consulta: 11 marzu 2015. Llingua de la obra o nome: alemán. Autor: Biblioteca Nacional d'Alemaña.
  3. ID Corpus Corporum de autor: Iohannes_Aegidii_Zamorensis_OFM. Afirmao en: Corpus Corporum. Data de consulta: 30 payares 2020.

Enllaces esternos editar