Julio Galán Martín

Julio Galán Martín
Vida
Nacimientu	Uviéu, 1946
Nacionalidá	España
Muerte	Uviéu, 28 de payares de 2003 (56/57 años)
Estudios
Llingües falaes	castellanu
Oficiu	escenógrafu

Julio Galán Martín (1946, Uviéu – 28 de payares de 2003, Uviéu) foi un escenógrafu y interiorista español.

Nació nel senu d'una familia d'artistes: el so padre y el so güelu, Julio Galán Gómez y Julio Galán Carvajal fueron dos de los más destacaos arquiteutos d'Uviéu del sieglu XX; amás, yera sobrín del escritor José Luis Martín Vigil, y sobrín nietu de la pintora María Galán.^[1]

Tuvo'l so primer contautu col teatru na so tierra, y a finales de los años 1970 viaxó a Madrid pa prosiguir cola so carrera, compatibilizando los sos trabayos d'escenografía y vestuariu pa teatru y ópera col diseñu d'interiores. Consiguió la reconocencia a nivel nacional en 1980, cuando collaboró con Emilio Sagi nel montaxe de la ópera La Traviata, de Giuseppe Verdi, espectáculu que-yos mereció'l nomatu de tándem Sagi-Galán, y foi aplaudida en numberosos teatros españoles ya internacionales, pos trabayó n'escenarios de Washington, Los Angeles, Tokiu, Venecia, Xinebra, Buenos Aires o Boloña, ente otros.^[2]

Ente los sos montaxes destaquen Lucía de Lammermoor, Tosca o la so visión de La Bohéme, y encargóse del montaxe y escenografía de la gala de los Premios Goya en 1995.

Referencies

↑ Biografía de Julio Galán Martín Archiváu el 17 de payares de 2015 na Wayback Machine., consultáu'l 28 de xineru de 2009.
↑ ESCUDERO, Felipe (2003). «Julio Galán Martín: escenógrafu asturianu d'algame internacional». El Mundo. 5 d'avientu.. https://www.elmundo.es/papel/2003/12/05/opinion/1535442.html.

[1] Biografía de Julio Galán Martín Archiváu el 17 de payares de 2015 na Wayback Machine., consultáu'l 28 de xineru de 2009.

[2] ESCUDERO, Felipe (2003). «Julio Galán Martín: escenógrafu asturianu d'algame internacional». El Mundo. 5 d'avientu.. https://www.elmundo.es/papel/2003/12/05/opinion/1535442.html.

[1]

[2]