Kely Méndez Riestra

Kely Méndez Riestra (11 d'abril de 1960, Uviéu – 9 d'avientu de 2013, Uviéu) foi una pintora y grabadora asturiana, con un estilu que se pue definir como espresionismu astractu.

Kely Méndez Riestra
Vida
Nacimientu	Uviéu, 11 d'abril de 1960
Nacionalidá	España
Muerte	Uviéu, 9 d'avientu de 2013 (53 años)
Estudios
Llingües falaes	castellanu
Oficiu	pintora, grabadora

Biogafía

Kely cursó estudios de Filosofía y Lletres na Universidá d'Uviéu, entamando nel mundu de la pintura xunto a César Pola, Alejandro Mieres y Humberto García del Villar, ampliando más sero la so formación con cursos específicos de grabáu.

La so primer esposición individual tuvo llugar en Llangréu, en 1985, y en 1986,n'Uviéu. Depués d'un paréntesis de diez años, volvió a presentase de nuevo ante'l públicu na galería Benedet de la capital asturiana, en 1996, con un ensamu d'obres que baxo'l títulu Nel camino, mostraben un planeamientu nuevu na manera de concebir el llinguaxe espresivu, qu'en nada recordaba la pintura cola que se diera a conocer. El protagonismu espresivo teníalu la materia, mientres el xestu y el signu se manifestaben con gran economía de medios.

Nesta mesma llinia de trabayu, presentó al añu siguiente Un hombre desmemoriado, na galería L.A. de Xixón, si bien se facía patente una depuración formal qu'estremaba el sentíu constructivu.

Nel añu 2000 espuso na galería Vértice, d'Uviéu, tornando a la so pasión orixinal, a la pintura n'estáu puru. Con tres colores básicos: negru, blancu y colloráu, resalta la enerxía que'l espresionismu astractu llogró introducir na pintura contemporánea, combinando la rotundidá de la aición como toma de postura, non mediatizada pola razón.

Kely fizo esposiciones en munches galeríes españoles y n'otres ciudaes europees, como París, Bruxeles o Lisboa y participa habitualmente na feria ARCO.

Enllaces esternos

• Kely Méndez Riestra | Páxina Oficial

• Datos: Q13147309