Keralite

Keralite
Tipu	etnia
Llingua	Idioma malabar
Relixón	Hinduismu, islam, cristianismu, Xainismu y budismu

Keralite (Malayali, Travancorean) ye'l nome pa los casi 30 millones d'habitantes del estáu de Keralá, a lo llargo de la mariña meridional de la India. Falen malayalam, llingua drávida rellacionada estrechamente col tamil. La metá son hinduistes, y la otra metá estrémense casi por igual ente musulmanes y cristianos.

Como importante centru comercial dende tiempos remotos, la rexón foi influyida tamién por cultures tan diverses como les de la Roma Antigua y China. Cada grupu que llegaba dexaba una buelga definida na población indíxena.

Una lleenda popular atribúi a un rei llocal, Agastya, el desenvolvimientu de la rexón y la invención de delles ciencies y teunoloxíes; anguaño dellos investigadores interpreten qu'Agastya ye una corrupción del llatín Augustu. Ye sabío qu'hebo equí una importante colonia de mercaderes y soldaos romanos, y Kerala xactábase antaño de tener l'únicu templu romanu nel Asia meridional.

Los malayali tán tamién ente los pueblos más educaos de la India, y l'Estáu caltién nel país un altu nivel d'alfabetización. Coles mesmes, el desemplegu ye altu, debíu en parte al gran númberu de graduaos universitarios que nun pueden atopar trabayu na que ye una de les rexones más densamente poblaes de la India. Mientres munchos malayali emigraron, otros atoparon consuelu nel marxismu y n'otres filosofíes polítiques asemeyaes.

Keralite

Referencies

Enllaces esternos