Krazy Kat ye una tira de prensa creada por George Herriman que s'asoleyó nos periódicos estauxunidenses ente 1913 y 1944. Publicóse por primer vez nel New York Evening Journal de William Randolph Hearst. Ambientada nun escenariu idealizáu del llar de vacaciones de Herrmiman en Coconino County, Arizona, Krazy Kat ye una mezclienda de surrealismu, gayola inocente y llinguaxe poéticu que fizo d'estes historietes se convirtieren nunes de les favorites de los aficionaos a lo llargo d'ochenta años.

Krazy Kat
Tira diaria
Datos
Llingua de la obra inglés
Personaxes
Llugar de la narración condáu de Coconino
Cambiar los datos en Wikidata
Páxina en color d'una aventura de Krazy Kat y Ignatz

L'argumentu céntrase nes rellaciones ente tres personaxes: Krazy, un inocente gatu de sexu indetermináu, el so antagonista y amor non correspondíu, Ignatz Mouse, y Officer Bull Pupp, un bulldog policía, enemigu d'Ignatz y enamoráu en secreto de Krazy Kat. Toles histories son autoconclusives. Una buena riestra de les tires siguen un mesmu esquema: Ignatz tira-y un lladrillu a Krazy Kat, por razones desconocíes, lo qu'él/ella interpreta como una preba d'amor; darréu apaez Offisser Pupp, alministrador de la llei y l'orden en Coconino County, y con una misión personal que ye pone-y pilancos a los planes d'Ignatz y termina siempre por metelu na cárcel. Sobre esti esquema tan simple faise toa una riestra de variaciones.

Magar la simplicidá de les payasaes del argumentu xeneral, yera la carauterización detallada de los personaxes, amestao cola creatividá verbal y visual de Herriman, lo que fizo de Krazy Kat unu de los primeros cómics afalagáu xeneralmente por intelectuales y consideráu como arte seriu. Gilbert Seldes, críticu d'arte de muncha sonadía d'esi tiempu, escribió un llargu panexíricu de la tira en 1924, calificándolu como "el más prestosu y fantásticu y satisfactoriu trabayu d'arte producíu n'América güei." El famosu poeta E. E. Cummings, otru admirador de Herriman, escribió la introducción de la primera coleición de les tires en formatu de llibru. En tiempos más cercanos, dellos dibuxantes modernos citaron a Krazy Kat como la so mayor influencia.

Personaxes editar

Krazy Kat editar

Inxenuu y curiosu, el personaxe principal de la tira caleya d'un llau a otru per Coconino County ensin nengún procuru. Los diálogos de Krazy empleguen un argot ("A fowl konspirissy - is it pussible?") que fonéticamente asemeya una mezclienda d'inglés, francés, español, yidish y otros dialéctos y expresiones inventaes. Frecuentemente canten o bailen expresando la so gayola, Krazy ta desesperadamente enamorada d'Ignatz y cree que los lladrillos que-y tira'l mur son una manera de devolve-y esi amor. Ella nun ye consciente de la rencorosa rivalidá ente Ingatz y el Officer Pupp y confunde los frecuentes encarcelamientos del perru al mur con un inocente xuegu de policíes y lladrones. Naquelles ocasiones nes qu'Ignatz ye cazáu anantes de llanzar el so lladrillu, a Krazy escápase-y un sospiru y entrúgase ónde se metió'l so amáu mur.

Ignatz editar

A Ignatz nada-y presta más que llanza-y lladrillos a la cabeza de Krazy Kat. Pa protexer los sos planes del policía Officer Pupp, Ignatz escuende los sos lladrillos, mazcarítase, o alístase d'ayudante en Coconino County. Faciendo más llevadera la xera d'Ignatz, ta la buena voluntá de Krazy Kat, naguando por recibir un afectuosu regalu en forma de golpe na cabeza.

 
Ignatz y Officer Pupp

Officer Pupp editar

"Miembru de la Llei y Brazu del Orden", Officer Bull Pupp (tamién llamáu "Offissa" y "Offisa") siempre intenta (y n'ocasiones consigue) impedir les intentiones d'Ignatz de tira-y un lladrillu a Krazy Kat.

Historia editar

Krazy Kat evolucionó dende una tira de Herriman, The Dingbat Family, qu'entamó en 1910, y que posteriormente sería rebautizada como "The Family Upstairs", un nome más afayadizu pal cómic de los Dingbats que traten d'evitar les bromes de la familia misteriosa que vive nel apartamenteu d'enriba. Herriman quier completar les aventures de los Dingbats y nel tiempu que-y sobraba de la so xornada llaboral amestó, na parte inferior de la tira, una riestra de viñetes de pequeñu tamañu que narraben les peripecies d'un gatu y un mur.

A pesar de que la serie yera poco apreciada pol gran públicu, Krazy Kat algamó un buen garapiellu de seguidores ente los intelectuales, pero foi necesariu tol sofitu del so editor, Willam Randolph Hearst, pa que la serie consiguiera la so independencia.

El 17 d'agostu de 1910 dase-y por primer vez al gatu'l nome de "Krazy Kat". En 1911, esta primitiva tira de Krazy Kat sustituye durante unes selmanes a The Family Upstairs, pa volver depués al so papel subsidiariu. Pasando a convertise nuna tira regular a partir del 28 d'ochobre de 1913, y la so publicación espárdese a otres cabeceres, a través de King Features Syndicate. El 23 d'abril de 1916, Herriman convierte Krazy Kat nuna sunday strip (esto ye, una tira dominical de páxina completa), a lo primero en blanco y negro y depués en color. Herriman continuó dibuxando la historieta hasta la so muerte, en 1944.

Adautaciones a cine y televisión editar

En 1916 ficiéronse varios curtios, d'unos tres minutos de duración, con estos personaxes. Nos tiempos del cine mudu recurrióse a los bocadiellos pa mostrar los diálogos de los personaxes.

En 1963 fízose una serie de televisión de varios episodios, na que se describía al personaxe de Krazy Kat como inequívocamente femenín, evitando asina culaquier posible interpretación homosexual.

Ediciones n'inglés editar

Eclipse Comics entamó a asoleyar la obra completa, en collaboración con Turtle Island, pero la desaparición de la editorial dejxó la edición inconclusa.

  • Krazy & Ignatz (tires de 1916)
  • The Other Side of the Shore From Here (tires de 1917)
  • The Limbo of Useless Unconsciousness (tires de 1918)
  • Howling Along the Halls of Night (tires de 1919)
  • Pilgrims on the Road to Nowhere (tires de 1920)
  • Sure As Moons is Cheese (tires de 1921)
  • A Katnip Kantata in the Key of K (tires de 1922)
  • Inna Yott On the Muddy Germanium (tires de 1923)
  • Shed a Soft Mongolian Tear (tires de 1924)
  • Honeysuckil Love is Doubly Swit tires de 1916) 1925 strip, unpublished
  • At Moonrise by the Old Smoke Tree tires de 1916) 1937 color strips, unpublished
  • My Sodium Poppa 1938 color strips, tires de 1916) unpublished

Fantagraphics Books ta publicando anguaño reediciones de Krazy Kat en volúmenes diseñaos por Chris Ware.

  • Krazy & Ignatz in "There Is A Heppy Lend Furfur A-Waay": The Komplete Kat Komics 1925 - 1926 ISBN 1560973862
  • Krazy & Ignatz in "Love Letters In Ancient Brick": The Komplete Kat Komics 1927 - 1928 ISBN 1560975075
  • Krazy & Ignatz in "A Mice, A Brick, A Lovely Night": The Komplete Kat Komics 1929 - 1930 ISBN 1560975296
  • Krazy & Ignatz in "A Kat Alilt with Song": The Komplete Kat Komics 1931 - 1932 ISBN 1560975946
  • Krazy & Ignatz in "Necromancy by the Blue Bean Bush": The Komplete Kat Komics 1933 - 1934 ISBN 1560976209
  • Krazy & Ignatz in "A Wild Warmth of Chromatic Gravy": The Komplete Kat Komics 1935 - 1936 ISBN 156097690X (primer volume en color)
  • El plan editorial incluye concluir la edición de toles tires de la serie, hasta 1944, y republicar depués los tomos del periodu 1916-1924, anteriormente soleyaos por Eclipse.

Referencies editar

Enllaces esternos editar