Wikipedia

Krista Allen

actriz estauxunidense

Krista Allen (5 d'abril de 1971, Ventura (es) Traducir) ye una actriz y modelu estauxunidense. Ye conocida pol so rol como Billie Reed en Days of our Lives de 1996 a 1999, como Jenna Avid en Baywatch Hawaii de 2000 a 2001, y como Bridget en What About Brian de 2006 a 2007. Les sos apaiciones notables en películes inclúin Liar Liar, Anger Management y Confessions of a Dangerous Mind con George Clooney, del que foi pareya dacuando; tamién participó na serie de películes de conteníu eróticu Emmanuelle in space.

Krista Allen
Vida
Nacimientu Ventura (es) Traducir, 5 d'abril de 1971 (53 años)
Nacionalidá Bandera de Estaos Xuníos d'América Estaos Xuníos
Llingua materna inglés
Familia
Casada con Mams Taylor (2010 – 2012)
Estudios
Estudios Universidá de Texas n'Austin
Llingües falaes inglés
Oficiu actriz, actriz de televisión, modelu, actriz de cine, modelu erótica
IMDb nm0020739
Cambiar los datos en Wikidata

Biografía

editar

Allen nació en Ventura, California, ye la fía de Dalton Earl Allen Sr. y de Katherine Mary Raposa. Creció en Houston y depués vivió n'Austin, onde asistió al Austin Community College y darréu graduóse na Universidá de Texas. Consideró ser profesora pero decidió treslladase a California y empezar una carrera nel campu de la interpretación.[1]

Carrera

editar

Allen apaeció en programes de televisión como Days of our Lives (como Billie Reed 1996-1999) y Baywatch Hawaii como Jenna Avid, ente 2000 y 2001. Allen tamién apaeció en Confessions of a Dangerous Mind, Anger Management, Project Greenlight y na película de terror Feast, amás d'en delles series de televisión, como Embruxaes, The X-Files, Friends, Mutant X o Smallville. Foi protagonista de la serie de películes erótiques Emmanuelle in Space en 1994.

En 2005, foi una de les estrelles d'Unscripted en HBO. Considerada una sex symbol, Allen apaeció na revista Maxim y foi nomada la #70 na llista Maxim "Hot 100 de 2005" list.[2] Tamién tuvo un papel recurrente na serie d'ABC What About Brian como Bridget,[3] En 2007, Allen apaeció nun programa de tele-realidá denomáu Fast Cars and Superstars: The Gillette Young Guns Celebrity Race, que presentaba a una docena de celebridaes nuna competencia de carreres.[4] Allen tien una llinia de camisetes llamada SuperEXellent.[4]

Les sos nueves películes fueron Destín final 4 col papel de madre sobreprotectora, Black Widow de 2010 y les comedies Amazing Racer y Little Women Big Cars, dambes de 2012.

Allen apaeció na segunda temporada de Denise Richards: It's Complicated, que s'estrenó'l 7 de xunu de 2009. Allen tamién apaeció nun episodiu de Love Bites de la NBC en 2011.

Allen tien un blogue llamáu Boom Boom Veggie con Katrina McCaffery.

Vida personal

editar

Allen tuvo casada con Justin Moritt ente 1996 y 1999; d'esta rellación tuvo un fíu llamáu Jacob Morrit que nació'l 12 de xunetu de 1997.[5] Allen foi pareya de George Clooney dende 2002 hasta 2004.[6]

Anguaño sal col actor Nathan Fillion, protagonista de la serie de la ABC Castle.

Filmografía

editar
  • Rolling Thunder (1996)
  • The Haunted Sea (1997)
  • Liar Liar (1997)
  • Sunset Strip (2000)
  • Face Value (2001)
  • Totally Blonde (2001)
  • Confessions of a Dangerous Mind (2002)
  • Paycheck (2003)
  • Anger Management (2003)
  • Shut Up and Kiss Me (2004)
  • Feast (2005)
  • Culiebres a bordu (2006)
  • All Along (2007)
  • Meet Market (2007)
  • Tony 'n' Tina's Wedding (2007)
  • Strange Wilderness (2008)
  • The Third Nail (2008)
  • Destín final 4 (2009)
  • Black Widow (2010)
  • Amazing Racer (2012)
  • Little Women, Big Cars (2012)

Apaiciones notables en Televisión

editar
  • Emmanuelle: First Contact (1994)
  • Emmanuelle: A World of Desire (1994)
  • Emmanuelle 3: A Lesson in Love (1994)
  • Emmanuelle 4: Concealed Fantasy (1994)
  • Emmanuelle 5: A Time to Dream (1994)
  • Emmanuelle 6: One Final Fling (1994)
  • Emmanuelle 7: The Meaning of Love (1994)
  • Emmanuelle, Queen of the Galaxy (1994)
  • Emmanuelle Vs Dracula (1995)
  • Married with Children (1 episodiu, 1996)
  • High Tide (3 episodios, 1995-1996)
  • Days of our Lives (41 episodios, 1996-1999)
  • Pacific Blue (2 episodios, 1996-1999)
  • The X-Files (1 episodiu, séptima temporada capítulu 13, 2000)
  • CSI (3 episodios, 2000-2001)
  • Baywatch (27 episodios, 2000-2001)
  • Spin City (1 episodiu 2001)
  • Embruxaes (3 episodios 2002)Oráculu
  • Friends (1 episodiu, 2002)
  • Mutant X (1 episodiu, 2002)
  • Smallville (1 episodiu, 2002)
  • Andromeda (1 episodiu, 2003)
  • Frasier (1 episodiu, 2003)
  • Two and a Half Men (1 episodiu, 2003)
  • Monk (1 episodiu, 2005)
  • Freddie (1 episodiu, 2006)
  • What About Brian (11 episodios, 2006-2007)
  • Fast Cars and Superstars: The Gillette Young Guns Celebrity Race' (2007-2008)
  • Dirty Sexy Money (2008-2009)
  • The Philantropist (2009)
  • Jesse Stone: Non Remorse (2010)
  • Life Unexpected (2010)
  • The Protector (2011)
  • Love Bites (2011)
  • Significant Mother (2015) - Lydia Marlowe.

Referencies

editar
  1. ↑ «2003 Interview with Krista Allen» (inglés). Maxim. Archiváu dende l'orixinal, el 2008-06-18. Consultáu'l 16 de setiembre de 2008.
  2. ↑ Maxim. «The Girls of Maxim:Krista Allen» (inglés).
  3. ↑ AOL TV. «What About Brian? Characters» (inglés). Archiváu dende l'orixinal, el 2019-05-17.
  4. ↑ 4,0 4,1 Poptower. «Krista Allen» (inglés).
  5. ↑ NNDB. «Krista Allen» (inglés).
  6. ↑ People. «Biografía de George Clooney» (inglés).

Enllaces esternos

editar
Sacáu de «https://ast.wikipedia.org/w/index.php?title=Krista_Allen&oldid=4257503»