La Felguera (Llangréu)
- Pa otros llugares con esti nome, ver La Felguera.
La Felguera[2] ye una parroquia del conceyu asturianu de Llangréu y ún de los seis nucleos nos que se divide la ciudá de Llangréu. Asitiada na zona central del conceyu, llenda col conceyu de Siero al norte, cola parroquia de Tiuya al este, col conceyu de Samartín del Rei Aurelio al sureste, cola parroquia de Sama al sur, cola de Lada al oeste y suroeste y cola de Barros al noreste. La so parte urbana conforma'l distritu de La Felguera, ún de los seis qu'integren la ciudá de Llangréu, capital del conceyu.
 La Felguera | |
|---|---|
 | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Llangréu |
| Tipu d'entidá | parroquia d'Asturies |
| Códigu postal |
33930 |
| Xeografía | |
| Coordenaes | 43°18′34″N 5°41′32″W / 43.30935°N 5.69214°O |
  La Felguera La Felguera (Asturies) | |
| Superficie | 10.12 km² |
| Altitú | 203 m y 205 m[1] |
| Llenda con | Barros, Tiuya, Sama, Hevia, Valdesoto y San Andrés de Llinares |
| Demografía | |
| Población | 609 hab. (2020) |
| Porcentaxe |
1.59% de Llangréu 100% de provincia d'Asturies 0.06% de Principáu d'Asturies 0% de España |
| Densidá | 60,18 hab/km² |
| Más información | |
| Estaya horaria | UTC+01:00 |
 | |
Aparte d'ella, nos sos 10,12 km² d'estensión, viven 741 persones (INE, 2009), que se reparten ente los llugares de L'Andaruxu, La Talaya, Campanal, El Campu la Carrera, La Capilla, Castandiello, Cutulapiedra, La Formiguera, La Granda, La Güeria, Les Lláscares, La Nava, Paxumal, Reguerines, El Regueru Llerín, Respinéu, El Respiñu, La Rexella, Riparape, Los Torgaos, La Venta l'Aire y La Teyera, más el distritu urbanu de La Felguera, que tien 20.000 persones.
Magar que l'INE nun publica datos separtaos de población de los distritos llangreanos, persábese que'l de La Felguera ye'l más pobláu. Ye, amás, el más comercial y el que más xente axunta, na zona de La Pomar, nos fines de selmana. Nel so territoriu asitiase, amás, el parque industrial Valnalón, qu'ocupa'l terrenu nel que taba la factoría siderurxica de Duro Felguera. Nelli s'alluga el Muséu de la Siderurxa.
El so patrimoniu arquiteutónicu ye abundante, y el más d'él ta venceyáu a la historia industrial de la parroquia, que fizo qu'a mediaos del sieglu XIX lo que yeren trés nucleos de población dixebraos de la parroquia de Turiellos (Vega, La Ponte y La Pomar) foran xuntándose, a la solombra les nueves industrias que s'asentaron nel llugar dempués de que, hacia 1840, entamara la gueta de carbón nesa zona del valle del Nalón. Ente los que se citen embaxu rescampla el refrixerador troncocónicu de l'antigua fábrica de Duro Felguera, que nun se valtó y ye güei la imaxe de marca del Muséu de la Siderurxa.
Edificios d'interés editar
- Edificiu La Salle
- Ilesia San Pedro
- Capiella del Llungueru
- Muséu de la Siderurxa
- Antigües instalaciones de la Fábrica
- Barriu d'Urquijo
- Cases de la cai Conde Sizzo
- Conxuntu artísticu del parque Dolores F. Duro
- Xalé d'inxenieros
Semeyes editar
-
Parque Vieyu de La Felguera
-
Ilesia San Pedro
Enllaces esternos editar
- (castellán) Villa de La Felguera (páxina personal)
Referencies editar
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Llangréu». BOPA.
.svg){kind=small}
|
Parroquies de Llangréu | 
|
|---|---|---|
| Barros | Ciañu | Lada | La Felguera | Riañu | Sama | Tiuya | La Venta | ||
Datos: Q1018102
Multimedia: La Felguera (Langreo)
