La Principal de la Bisbal
La Principal de la Bisbal ye una cobla de sardanes fundada en 1888 polos miembros de la Cobla Vella de la población de La Bisbal d'Empordà.[1] Nel añu 1932 foi escoyida cobla oficial de la Xeneralidá de Cataluña, títulu que-y foi restituyíu en 1978 pol presidente Josep Tarradellas. En 2014 recibió'l Premiu Nacional de Cultura.[2]
Contestu históricu editar
La nacencia de La Principal de la Bisbal coincide cola dómina en que la sardana empieza a espandise per Cataluña. Faía apenes trece años de la muerte de Pep Ventura, cuatro de l'apaición en Torroella de Montgrí de Els Montgrins y faltaben dos pa la nacencia de La Principal de Peralada. La sardana entamara un procesu d'evolución y espansión que-y dexó estendese dende les tierres de Girona escontra'l restu de Cataluña.[3]
Nacencia editar
La Principal de la Bisbal fundóse el 22 de marzu de 1988 frutu de la competencia ente les cobles Vella y Nova de la Bisbal y l'interés de la primera n'entamar una nueva orquesta pa encarar el progresu esperimentáu pola música polo xeneral y, especialmente, na meyora de les orquestes ampurdaneses. Esti progresu basau nel pasu de les cobles de trés quartans a la cobla moderna, formada primero por diez instrumentistes y, pocu dempués, por once. Les de trés quartans nomábense asina porque taben formaes solo por trés músicos: unu tocaba'l flabiol y el tamboril, otru la tarota y el postreru la cornamusa.
Los músicos que formaron parte de la primer etapa de la Principal de la Bisbal surdieron de la escuela del compositor y musicólogu Joan Carreras i Dagàs. Ello ye que nun s'entendería la so nacencia ensin tener presente'l trabayu de los años anteriores de Carreras y de la so Escuela de Música na Bisbal. Carreras, que yera de Girona y tuviera trabayando en Barcelona y en Francia, de xuru foi a la Bisbal pola so amistá con Joaquim Galí, bisbalense apotecario, y Melcior de Ferrer, un compositor bien conocíu na dómina.
Joaquim Galí yera tamién el vicepresidente de la sociedá constructora del Tren Pequeñu (Palamós-Girona). Ensin esti tren, la cobla nun pudiera tomar el vuelu que tuvo porque nun podría movese con una cierta rapidez y comodidá a munchos de los llugares onde la contrataben. Esto esplica tamién que nengún de los músicos que la fundaron naciera na Bisbal, a pesar de que la mayoría acabaron viviendo ellí, tamién influyendo que más d'unu d'ellos acabara estudiando na Escuela de Música de Carreras i Dagàs. Este ye'l casu de Robert Mercader i Sureda, flabiolario fíu de Celrà y primer direutor de La Principal hasta 1891, cuando se reformó la plantía. Mercader provenía de la Vella y morrió en Buenos Aires en 1937.
En 1902, la Principal participó nel concursu de coblas de Barcelona y ganó'l primer premiu, ex-aequo cola Principal de Peralada.
Rellumanza editar
La mayoría d'edá de la cobla La Principal de La Bisbal, o l'entamu de la so gran puxanza, produzse cola llegada, a empiezos del sieglu XX, de dellos componentes de la cobla de Palau-sator: los Saló y los sos familiares cercanos, los Barnosell.
En 1935 foi nomáu direutor Conrad Saló i Ramell, el centenariu de la so nacencia celebróse apocayá. Exerció'l cargu hasta 1990 y foi consideráu'l direutor de cobla más capacitáu y rigorosu.
La baxa de Ferran Rigau en 1950 favoreció qu'a la cobla incorporárase Ricard Viladesau, de la cual formaría parte hasta 1970. Viladesau foi'l solista indiscutido de la tenora, nun momentu onde tamién coincidió con "Moreno" (Josep Puig) al fiscornio y Àngel Pont n'el tible. Cuando la Bisbal tenía formación d'orquesta, en Viladesau tocaba'l saxófono, la viola y el violín, y naquel momentu yera consideráu'l meyor tenor de Cataluña, l'únicu capaz d'interpretar determinaes obligaes, como la so propia composición Sa Roncadora.
En 1988, na conmemoración del centenariu de la cobla, la entidá recibió munchos homenaxes, destacando los actos del centenariu na Bisbal y los conciertos nel Gran Teatru del Llicéu (29 d'ochobre), nel Palaciu de la Música Catalana, na Abadía de Montserrat y nel Palaciu de la Xeneralidá de Cataluña, onde-y foi apurrida la prestixosa Creu de Sant Jordi.[4]
Músicos más relevantes editar
Les figures más relevantes de la hestoria de la cobla formaron parte nun momentu u otru de la so trayeutoria artística. Cabo mentar los tenores Josep Gispert, Albert Martí, Ramon Rosell, Josep Coll, Ferran Rigau i Ricard Viladesau; los tibles Enric Barnosell, Àngel Pont y Joan Parara; los trompetistas Pere Pruñunosa, Francesc Capellas y Joan Sadurní; los fiscorniarios Tomàs Garcia, Lliberat Juanals, Josep Puig "Moreno" y Josep Riumalló; los contrabajistas Fèlix Forcayu, Emili Salón i Josep Vallespí, ente otros.
#Dellos direutores de La Principal de La Bisbal fueron los maestros Robert Mercader, Josep Canet, Josep Maria Soler, Josep Saló, Genís Canet, Conrad Saló, Josep Cassú, Josep Maria Surrell y el fíu de Josep Cassú, Francesc Cassú.[5]
Referencies editar
- ↑ Gran Enciclopedia Catalana (ed.
- ↑ «El Sónar, Pepa Plana, Joan Massagué, Jaume Vallcorba i Pagès Jordà, Premis Nacionals de Cultura». El Sónar, Pepa Plana, Joan Massagué, Jaume Vallcorba i Pagès Jordà, Premis Nacionals de Cultura. http://www.ara.cat/cultura/Massague-Vallcorba-Premis-Nacionals-Cultura_0_1121288074.html.
- ↑ «La Principal de Peralada» (catalán). Consultáu'l 2 de febreru de 2017.
- ↑ «Cobla Principal de La Bisbal. Concert tradicional de Fires de Sant Narcís» (catalán) (29 d'ochobre de 2016). Consultáu'l 2 de febreru de 2017.
- ↑ «Directors».
Bibliografía editar
- La Principal de la Bisbal: Cobla de la Generalitat de Catalunya. Pòrtic. La Principal de la Bisbal: Cobla de la Generalitat de Catalunya. Pòrtic. ISBN 9788486812065.
Enllaces esternos editar
Datos: Q11914380
Multimedia: Cobla La Principal de la Bisbal
