La pega sobre'l cadafalsu

pintura de Pieter Bruegel the Elder

La pega sobre'l cadafalsu (en neerlandés, Ekster op de Galg) ye una obra del pintor flamencu Pieter Brueghel el Vieyu. Ye un pequeñu oleu sobre tabla, práuticamente cuadrada, pos mide 45,9 cm x 34 cm. Exhíbese anguaño nel Muséu estatal de Hesse (Hessisches Landesmuseum) de Darmstadt, Alemaña. Data del añu 1568.

Obra artísticaLa pega sobre'l cadafalsu
Landschap met dansende boeren en een ekster op een galg / De ekster op de galg , De dans onder de galg
Die Elster auf dem Galgen.jpg
Tipos pintura
Artista Pieter Brueghel el Viejo (es) Traducir
Añu 1568 (Gregorianu)
Xéneru arte de xéneru
Material pintura al oleu
Dimensiones 46 (Alçada) × 51 (Amplada) cm
Coleición Error de Lua: expandTemplate: template "Valor item subordinat" does not exist.
Catalogación
Códigu muséu  GK 165
Catálogu :(77)
Cambiar los datos en Wikidata

El cuadru presenta un claru na viesca onde hai trés llabradores baillando música de gaites, al pie de una forca sobre'l que ta posada una pega. El cadafalsu írguese nel centru del cuadru, estremándolu en dos partes, una composición manierista col llau derechu más «abiertu» y l'esquierdu más «zarráu», cola pega cerca del centru esautu del cuadru.[1] El cadafalsu paez formar un oxetu imposible», paecíu a un triángulu de Penrose, coles bases de los postes plantaos de manera aparente unu xuntu al otru, pero col llau derechu del miembru de la cruz reculando escontra'l fondu, y un allumáu contradictoriu.

Otra pega finca sobre una roca na base del cadafalsu, cerca del craniu d'un animal. Les úniques persones ocupen la parte izquierda del primer planu: un home defeca nes solombres a la izquierda, ente qu'otros miren a los trés danzarinos. A la derecha írguese una cruz con un molín d'agua detrás. El fondu ábrese a una vista d'un valle fluvial, con una ciudá a la izquierda y un castiellu sobre un puexu predresu percima, y una torre n'otru afloramientu predresu a la derecha, y llombes alloñaes y el cielu per detrás. Tres los danzarinos álcense dos árboles entrellaciaos, un motivu usáu por Brueghel nun dibuxu anterior d'osos xugando nun monte. La impresión de fondura llógrase pola progresión de los tonos castaños qu'apoderen el primer planu, al traviés de tonos medios verdosos na media distancia, hasta los azules y grises claros del fondu.

La pintura de Brueghel creóse l'añu posterior a la llegada del Duque d'Alba, a los Países Baxos españoles, unviáu pol rei español Felipe II p'aparar la rebelión holandesa. El cadafalsu puede representar l'amenaza d'execución d'aquellos que predicaben la nueva doctrina protestante, y la pintura puede aludir a dellos proverbios flamencos. Hai una alusión direuta a los proverbios neerlandeses de baillar o cagar sobre'l cadafalsu, lo que significa una burlla al estáu.[2] Tamién alude a la creyencia de que les pegues son sabicheres, y qu'ello lleva al aforcamientu.[2] Y que la manera en que la forca destaca sobre praos amenos.[3]

Nun se sabe por qué o pa quién pintó'l cuadru. La so fecha de 1568 fai d'esti cuadru unu de los postreros de Brueghel antes de finar en 1569; ello ye que quiciabes seya la so obra final.[2] Brueghel pidió a la so esposa que quemara dalgunos de los cuadros a la so muerte, pero díxo-y que caltuviera La pega sobre'l cadafalsu pa ella mesma.[3]

Ver tamiénEditar

ReferenciesEditar

  1. Early Netherlandish painting, Vol. 4 de Collections of the National Gallery of Art Systematic Catalogue, Cambridge University Press, 1986, ISBN 0894680935, p.32
  2. 2,0 2,1 2,2 Painting life: the art of Pieter Bruegel, the Elder, Robert L. Bonn, 2006, ISBN 1884092128, p.106
  3. 3,0 3,1 The Last Flowering of the Middle Ages, Baron Joseph Van Der Elst, Kessinger Publishing, 2005, ISBN 1419138065, p.114

Enllaces esternosEditar