Laacher See
El Laacher See ye'l llagu más grande de Renania-Palatináu, formáu na caldera del volcán Laacher tres la so última erupción, que data del 13.000 e.C., según investigaciones recientes. Asítiase nel este de Vulkaneifel, cerca de l'abadía de Maria Laach nel conceyu de Glees. La desgasificación que puede reparase nes emanaciones nel área sureste del llagu, signu del so vulcanismu en cursu.[2][3]
| Laacher See | |
|---|---|
| Laacher See (de) | |
 | |
| Situación | |
 | |
| País |  Alemaña |
| Estáu federáu | Renania-Palatináu |
| Landkreis | Ahrweiler (es)  |
| Verbandsgemeinde in Rhineland-Palatinate (en) | Brohltal (en) |
| Municipio sin derechos (es) | Glees |
| Tipu | Llagu de cráter |
| Parte de |
Laach volcano (en) |
| Coordenaes | 50°24′45″N 7°16′12″E / 50.4125°N 7.27°E |
  Laacher See Laacher See (Alemaña) | |
| Datos | |
| Altitú media | 275 m |
| Superficie | 3,33 km²[1] |
| Fusu horariu | UTC+01:00 y UTC+02:00 |
| Superficie de la conca | 12,2 km² |
| Llonxitú | 1,964 km |
| Fondura | 51 m |
 | |
Etimoloxía
editarLa palabra Laach provién del antiguu altu alemán lacha, ta rellacionada cola palabra actual Lache, el llatín lacus y l'inglés lake (llagu) y a cencielles significa llagu. El nome Laacher See ye, poro, una tautoloxía. Laach tamién pasó al llugar y al monesteriu. L'abadía pasó a llamase Maria Laach polos xesuítes en 1863.
Carauterístiques
editarCon una superficie d'alredor de 3,3 km² y una fondura de 51 m, el llagu tien forma ovalada y ye'l más grande de Renania-Palatináu.
Alcuéntrase en Vordereifel (área volcánica del este d'Eifel) cerca de les ciudaes d'Andernach (8 km), Bonn (37 km), Koblenz (24 km) y Mayen (11 km). Ye de bon accesu al traviés del encruz de l'autopista A 61, a 3 km al norte de Mendig.
El llagu ta dafechu arrodiáu per una paré de 125 m d'altura de media. Aliméntase principalmente d'agües soterrañes y nun tien salida natural. Güei atópase a 275 m sobre'l nivel del mar. La superficie de l'agua nel área orixinalmente variaba hasta 15 m, lo qu'enzancaba l'agricultura. Según Klaus Grewe, el túnel de 880 m de llongura construyóse escontra el sur, na Edá Media mientres el mandatu del abá Fulbert (1152 a 1177).
Esti túnel Fulbert taba destináu a protexer la propiedá del monesteriu. Según investigaciones más de recién, el túnel de Fulbert inclusive podría ser creáu na dómina romana.[ensin referencies]
Ente 1840 y 1845, les families Delius y von Ammon, entós propietaries de la finca y el llagu del monesteriu secularizáu, construyeron un túnel paralelu a unos 5 m per debaxo pa baxar el nivel de l'agua al nivel actual col fin de ganar tierres y camperes. El llagu perdió alredor d'un terciu de la so superficie d'agua al traviés de los dos socavones.
-
Laacher See en iviernu. -
Monasteriu Maria Laach. -
Monasteriu benedictinu de Maria Laach en 1832. -
Laacher See (2016).
Fauna
editarEl Laacher See ye un llagu oligotróficu (probe en nutrientes) que, a pesar de les emisiones de CO2, ye ricu n'oxíxenu y bien claro hasta grandes fondures. Nel llagu hai pesca, especialmente el pexe plateau (Coregonus arenicolus), trayíu dende'l llagu de Constanza polos monxos nel sieglu XIX, xuega un papel económicu, convirtiéndose nuna especie propia del llagu.
Cámbaros de moxón
editarEsamináronse en detalle los cámbaros moxones (ostrácodos) que viven na agua del llagu, según les conches fósiles d'estos pequeños cámbaros que sobrevivieron nos sedimentos del llagu sábese que son de les especies: Cytherissa lacustris, Darwinula stevensoni, Candona candida, Candona lindneri lindneri, Candona marchica, Candona fabaeformis, Candonopsis kingsleii, Cyclocypris ovum, Cypriaophtalmica, Notodromas monacha, Cypris pubera, Cypridopsis vidua vidua, Cypricercusobliquus y Herpetocypris reptans.
Referencies
editar- ↑ Afirmao en: GeoNames. Identificador GeoNames: 2882146. Llingua de la obra o nome: inglés. Data d'espublización: 2005.
- ↑ Oppenheimer, Clive (2011). Eruptions that Shook the World, páx. 216–217. ISBN 978-0-521-64112-8.
- ↑ de Klerk, Pim (2008). «Environmental impact of the Laacher See eruption at a large distance from the volcano: Integrated palaeoecological studies from Vorpommern (NE Germany)». Palaeogeography, Palaeoclimatology, Palaeoecology 270 (1–2): páxs. 196–214. doi:. Bibcode: 2008PPP...270..196D.
Enllaces esternos
editar- Martin Hensch, etal.: Deep low-frequency earthquakes reveal ongoing magmatic recharge beneath Laacher See Volcano (Eifel, Germany). Geophys. J. Int. (2019) 216, 2025–2036 doi:10.1093/gji/ggy532 (n'inglés)
- Michael W. Förster, Frank Sirocko: Volcanic activity in the Eifel during the last 500,000 years: The ELSA-Tephra-Stack .Global and Planetary Change (2016) (n'inglés) (PDF)
Wikimedia Commons acueye conteníu multimedia sobre Laacher See.
Datos: Q549267- Multimedia: Laacher See
