Lal Bihari

Lal Bihari
Vida
Nacimientu	Amilo, 6 de mayu de 1955 (68 años)
Nacionalidá	India
Estudios
Llingües falaes	Hindi
Oficiu	políticu, agricultor, activista
Premios	ver Premiu Ig Nobel (2003) ;
Miembru de	Asociación de Fallecidos de Uttar Pradesh (es)

Lal Bihari o Lal Bihari Mritak, लाल बिहारी “मृतक” (6 de mayu de 1955, Amilo) ye un granxeru d'Uttar Pradesh, India que foi declaráu oficialmente muertu ente 1976 y 1994. Fundó Mritak Sangh o Asociación de los muertos n'Uttar Pradesh. Lluchó escontra la burocracia gubernamental mientres 18 años pa demostrar que taba vivu.^[1]

Cuando Lal Bihari intentó consiguir un préstamu bancariu en 1976, afayó que taba oficialmente muertu: el so tíu sobornara a un oficial del gobiernu pa declaralu muertu, pa poder llograr la propiedá de la tierra de Bihari.

Bihari afayó a lo menos a otres 100 persones en situaciones asemeyaes, tando oficialmente muertes. Formó Mritak Sangh in el distritu d'Azamgarh. Él y otros miembros tuvieron en peligru de ser asesinaos por aquellos que s'apoderaron de les sos propiedaes. Anguaño l'asociación tien más de venti mil miembros en tola India. En 2004 yá llograra declarar oficialmente vivos a 4 de los sos miembros .

Mientres años Bihari intentó atraer l'atención de dellos medios. Entamó'l so propiu funeral y desixó la remuneración destinada a vilbes pa la so esposa. En 1980 amestó la pallabra mritak (muertu) a les sos cartes y roblábales como "difuntu Lal Bihari". Postulóse a eleiciones escontra Rajiv Gandhi en 1989 y perdió, pa probar que taba vivu. En 1994 llogró anuláron-y la so muerte depués d'una llarga llucha llegal.

En 2004 llogró un asientu nel parllamentu de Lal Ganj.^{[ensin referencies]}

Bihari sigue ayudando a otres persones en situaciones asemeyaes. En 2004 patrocinó al miembru de Mritak Sangh Shivdutt Yadav cuando disputó la eleición escontra'l primer ministru hindú Atal Behari Vajpayee.

El cineasta Satish Kaushik fizo una película sobre la so vida, "muerte", y vida. A Bihari concediéron-y'l Premiu Ig Nobel de la paz en 2003 poles sos considerables actividaes "postmórtem".^[2]

Referencies editar

↑ Plight of the Living Dead (n'inglés), Time magacín, 1999.
↑ "Mritak" recommended for Independence Day award (n'inglés), The Hindu, July 7, 2006].

[times-1] Plight of the Living Dead (n'inglés), Time magacín, 1999.

[hnet-2] "Mritak" recommended for Independence Day award (n'inglés), The Hindu, July 7, 2006].

[1]

[2]