Lee Tracy
William Lee Tracy (14 d'abril de 1898, Atlanta – 18 d'ochobre de 1968, Santa Monica) foi un actor d'Estaos Xuníos.
Lee Tracy | |
|---|---|
 | |
| Vida | |
| Nacimientu | Atlanta, 14 d'abril de 1898[1] |
| Nacionalidá |
 Estaos Xuníos |
| Muerte | Santa Monica, 18 d'ochobre de 1968[1] (70 años) |
| Sepultura | Pennsylvania |
| Causa de la muerte | cáncer hepáticu |
| Estudios | |
| Estudios |
Union College (es)  Western Military Academy (en) |
| Oficiu | actor de teatru, actor de cine, actor de televisión, actor |
| Premios | |
| Nominaciones |
ver
|
| IMDb | nm0870543 |
 | |
Biografía
editarNacíu n'Atlanta, Georgia, estudió inxeniería llétrica nel Union College, y dempués sirvió como alférez na Primer Guerra Mundial. Nos entamos de la década de 1920 decidió trabayar como actor, aportando a una estrella del circuitu de Broadway gracies al so papel protagonista na obra de George Kelly representada en 1924 The Show-Off.
En 1929 llegó a Hollywood, onde fixo'l papel de periodista nun bon númberu de películes. Nel teatru fuera'l reporteru Hildy Johnson na versión orixinal de 1928 de The Front Page, y foi un columnista a semeyanza de Walter Winchell nel filme de 1932 Blessed Event. Tracy tamién foi periodista en Advice to the Lovelorn (1933), basada llibremente na novela Miss Lonelyhearts, escrita por Nathanael West.
Interpretó a Buzzard, el criminal que lleva a Liliom (Charles Farrell) a un robu fatal, na versión de 1930 de Liliom. Tamién foi'l frenético manager de Lupe Velez na película de Gregory LaCava The Half-Naked Truth (1932), y al añu siguiente encarnó al axente de John Barrymore en Dinner at Eight, cinta empobinada por George Cukor.
La so floreciente carrera viose temporalmente atayada en 1934 mientres filmaba en Méxicu Viva Villa!, película na que Wallace Beery encarnaba a Pancho Villa. Tracy mexó dende un balcón en Méxicu, D. F. mientres pasaba un desfile militar.[2] Darréu foi despidíu de la producción y reemplazáu por Stuart Erwin.
Mientres la Segunda Guerra Mundial Tracy volvió ponese l'uniforme, y na década de 1950 siguió trabayando nel cine y en series televisives, llegando a faer primeros papeles como en delles d'elles, como en New York Confidential, siendo unu de los actores qu'encarnó en televisión al detective Martin Kane. Tamién foi'l Presidente de los Estaos Xuníos nes versiones teatral y cinematográficu de The Best Man (1964), escrita por Gore Vidal. Pol so papel del Presidente Art Hockstader en dichu filme, Tracy recibió la so única nominación al Óscar al meyor actor de repartu.[3]
Lee Tracy finó en Santa Monica (California) por causa de un cáncer el 18 d'ochobre de 1968. Tenía 70 años d'edá. Foi soterráu nel Campusantu Evergreen de Shavertown (Pennsylvania).
Seleición de la so filmografía
editar- Big Time (1929)
- Born Reckless (El desacobardáu) (1930), como Bill O'Brien
- Love Is a Racket (1932)
- Doctor X (1932), como Lee Taylor
- Blessed Event (Prestosa compañía) (1932)
- The Half-Naked Truth (American Bluff) (1932)
- The Strange Love of Molly Louvain (¿Hai muyeres asina?) (1932)
- Washington Merry-Go-Round (1932)
- Night Mayor (1932)
- Turn Back the Clock (1933)
- Dinner at Eight (1933)
- Bombshell (Polvorilla) (1933)
- Advice to the Lovelorn (1933)
- The Nuisance (1933)
- The Lemon Drop Kid (1934)
- The Power of the Press (1943)
- Betrayal from the East (1945)
- The Best Man (1964), como'l Presidente Art Hockstader
Referencies
editar- ↑ 1,0 1,1 Afirmao en: Gemeinsame Normdatei. Data de consulta: 11 mayu 2014. Llingua de la obra o nome: alemán. Autor: Biblioteca Nacional d'Alemaña.
- ↑ A Book by Desi Arnaz
- ↑ Desi Arnaz A Book
Enllaces esternos
editar- Lee Tracy na Internet Movie Database (n'inglés)
- Lee Tracy na Internet Broadway Database (n'inglés)
- Moviefone: Lee Tracy (enllaz rotu disponible n'Internet Archive; ver l'historial y la última versión).
- «Lee Tracy». en Find a Grave. (n'inglés)
- Lee Tracy: A Motormouth, Ambulance Chasing, Four Flusher (TCM Movie Morlocks)
