Legoland

Legoland (espublizáu con mayúscules, LEGOLAND) ye una cadena de parques temáticos de LEGO. Nun son propiedá total del Grupu Lego, sinón propiedá y operaos pola empresa Merlin Entertainments.

Legoland Billund abrió les sos puertes en Billund, Dinamarca, en 1968, siguíu por Legoland Windsor Resort, en Reinu Xuníu en 1996. Otros parque abrieron subsecuentemente en California, Alemaña, Malasia, Dubái y Xapón. Futuros parques van ser abiertos en Hong Kong y Corea del Sur. Entámase otru nel Condáu Orange, Nueva York.

Anguaño, esisten ocho parques Legoland, trés d'ellos n'Europa, trés n'Asia y dos n'Estaos Xuníos:

• Legoland Billund, Billund, Dinamarca.
• Legoland Windsor, Windsor, Reinu Xuníu.
• Legoland Deutschland, Gunzburgo, Alemaña.
• Legoland California, Carlsbad, Estaos Xuníos.
• Legoland Florida, Winter Haven, Florida, Estaos Xuníos.
• Legoland Malaysia, Nusajaya, Johor, Malasia.
• Legoland Japan, Nagoya, Xapón.
• Legoland Dubai Resort, Dubái, Emiratos Árabes Xuníos.

Cada parque ta estremáu n'árees temátiques, anque esisten delles que son comunes a toos ellos. Los parques tán dirixíos a families con neños pequeños, a pesar de lo cual, dalgunos d'ellos tienen montes rusos.

Caracterícense porque presenten reproducciones d'edificios carauterísticos o animales de LEGO y Duplu. Ente les reproducciones más importantes destaquen el Memorial nacional Monte Rushmore, la Estatua de la Llibertá, el Puertu de Copenḥague o'l Partenón d'Atenes.

Esisten tamién versiones amenorgaes del parque con atraiciones d'interior, los Legoland Discovery Centre.

Enllaces esternos

• Páxina Web Oficial de Legoland

• Datos: Q253302
• Multimedia: Legoland