Livio Berruti
Livio Berruti - (19 de mayu de 1939 en Turín, Italia). Atleta italianu especialista en pruebes de velocidá y campeón olímpicu de los 200 metros nos Xuegos de Roma 1960.
Livio Berruti | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| Vida | |||||||||||||||
| Nacimientu | Turín, 19 de mayu de 1939[1] (85 años) | ||||||||||||||
| Nacionalidá |
 Reinu d'Italia 18 xunu 1946) Italia (19 xunu 1946 - | ||||||||||||||
| Estudios | |||||||||||||||
| Llingües falaes | italianu | ||||||||||||||
| Oficiu | |||||||||||||||
| Oficiu | atleta, velocista | ||||||||||||||
| |||||||||||||||
| Pesu | 66 kg | ||||||||||||||
| Altor | 180 cm | ||||||||||||||
| Emplegadores |
Zegna (es)  Fiat (es) | ||||||||||||||
| Premios | |||||||||||||||
 | |||||||||||||||
| Medayes | |||
|---|---|---|---|
Livio Berruti | |||
| Atletismu Homes | |||
| Xuegos Olímpicos
| |||
| Oru | Roma 1960 | 200 metros | |
Berruti tenía 21 años y yera estudiante de química na Universidá de Padua cuando participó nos Xuegos Olímpicos de Roma, celebraos nel so propiu país. La so imaxe yera bastante llamativa, yá que siempres corría con gafes negres y calcetos blancos. Nun taba consideráu como unu de los favoritos nos 200 metros, y amás nesta prueba los atletes estauxunidenses apoderaren de forma ininterrumpida dende los Xuegos de Los Angeles 1932.
Sicasí, nes semifinales celebraes el 3 de setiembre, Berruti llogró igualar el récor mundial d'esta prueba con 20,5. Esi mesmu día tuvo llugar la final, y Berruti nuevemente consiguió la victoria, repitiendo la so marca de 20,5 y superando al estauxunidense Lester Carney (plata con 20,6) y al francés Abdoulaye Seye (bronce con 20,7).
Participó tamién na prueba de los relevos 4 x 100 metros, onde los italianos raspiaron la medaya, anque finalmente acabaron en cuarta posición.
La so victoria convirtió-y nuna de les grandes estrelles de los Xuegos de Roma, yá que foi l'únicu trunfu italianu nel atletismu, y amás llegó de forma inesperada. La prensa italiana de la dómina fixo ecu d'un posible romance mientres los Xuegos ente Berruti y la velocista americana ganadora de tres medayes d'oru Wilma Rudolph, anque nun ye daqué que tea confirmáu.
A pesar de la so mocedá, Berruti nunca volvería llograr un ésitu similar nel futuru. Participó n'en dos ediciones más de los Xuegos Olímpicos. Nos de Tokiu 1964 foi 5º clasificáu nos 200 metros y 7º nos relevos 4 x 100 metros, ente qu'en Méxicu 1968 foi esaniciáu en cuartos de final de los 200 metros y de nuevu 7º na prueba de relevos.
A parte d'esto tamién llogró catorce títulos de campeón d'Italia: seis nos 100 metros (1957-62) y ocho nos 200 metros (1957-62, 65 y 68).
Ver tamién
editarReferencies
editar- ↑ Afirmao en: World Athletics database. Identificador World Athletics: 250552. Apaez como: Livio Berruti.
Enllaces esternos
editar
Wikimedia Commons acueye conteníu multimedia sobre Livio Berruti.
| Predecesor: Bobby Joe Morrow |
Campeón Olímpicu de 200 metros Roma 1960 |
Socesor: Henry Carr |
Datos: Q8318- Multimedia: Livio Berruti
