Llagu Kurile
El llagu Kurile (en ruso: , Kurílskoye ózero[1] y Keuay ye un llagu de cráter asitiáu nuna gran caldera al sur de la península de Kamchatka en Rusia. La so superficie ye de 77 km² con una fondura media de 176 m, y una fondura máxima de 306 m. Ye una de les mayores zones de friega conocíes del salmón coloráu en Eurasia.
| Llagu Kurile | |
|---|---|
 | |
| Situación | |
| País |  Rusia |
| Krais | Krai de Kamchatka |
| Tipu | llagu |
| Coordenaes | 51°27′26″N 157°05′55″E / 51.4572°N 157.0986°E |
  Llagu Kurile Llagu Kurile (Rusia) | |
| Datos | |
| Altitú media | 81 m |
| Superficie | 77 km² |
| Superficie de la conca | 316 km² |
| Llonxitú | 12 km |
| Fondura | 306 m |
 | |
Xeoloxía
editarTrátase d'una caldera volcánica, la Placa del Pacíficu se subduce a un ritmu de 8 cm al añu debaxo de la Placa de Ojotsk y de la Placa de Eurasia, esta subducción ye responsable tantu de la Trinchera Kamchatka-Kuril y del vulcanismu en Kamchatka, el Llagu Kuril ta na Zona Oriental de Kamchatka a 200 km de la Trinchera.
Erupción
editarLa erupción formó la caldera del Llagu Kuril tamién conocida como K.O que asocedió nel periodu entendíu ente los años 6460-6414 a. C.
Empezó con una esplosión freática que xeneró depósitos de ceniza fina, con una espesura de 20 metros cerca del llagu, esta fase de la erupción asocedió al traviés del llagu, tamién se depositó ignimbrita de color mariellu con una espesura de 50 metros enllenando los ribayos que s'atopaben cerca del llagu, cuando'l respiraderu remaneció del llagu xenerando un conu que formó una columna eruptiva de 40 km d'altor que depositó ceniza sobremanera'l sur de Kamchatka,cuando'l conu enanchóse provocó'l colapsu de la columna eruptiva, nesti puntu depositóse la Ignimbrita del Llagu Kuril qu'abargana del llagu algama una espesura de 150 metros, esta ignimbrita enllenó valles, pandos y crestes llegando al Mar de Ojotsk cubriendo una superficie de 1800 km².
Les cenices de la erupción estendese por un área de 2.000.000 km² atopándose a grandes distancies de la caldera.
La erupción pudo alteriar el clima global siendo catalogada como VEI 7 y produciendo 140-170 km³ de ignimbrita riolítica.
Anguaño, les midíes por gravimetría indiquen qu'inda hai una cámara de magma debaxo del Llagu Kuril a una fondura de 4 km de 10 km d'anchor.
El 8 d'Agostu de 1996 en dalgún llugar de la mariña del LLagu Kurile, Michiu Hoshino, fotógrafu xaponés mundialmente conocíu, siendo su obra muy apreciada, especialista na vida selvaxe d'Alaska fue atacáu por un osu pardu, Ursus arctos beringianus, qu'acabó cola so vida. [2]
Envalórase que güei Kamchatka tien más de 25.000 osos, la densidá más alta del mundu. La so alimentación ye a base de yerba fresco y cogordes al salir de la envernía, una bona dieta de salmón mientres el branu y los frutos de los montes na seronda.
Referencies
editar- ↑ «Kuril’skoye Ozero: Rusia, Nombre Completo, mapa, coordenadas geográficas». Nombres Geográficos, GeografiaInfo.es. Consultáu'l 29 de marzo de 2011.
- ↑ Michio Hoshino Vida y portfolio. (n'inglés)
Enllaces esternos
editar
Wikimedia Commons acueye conteníu multimedia sobre Llagu Kurile.- Kurile lake, (n'inglés)
Datos: Q1471913- Multimedia: Kurilskoe Lake
