Llagu Tanganica
El llagu Tanganica (o Tanganyika) ye unu de los grandes llagos d'África que s'estiende de 3° 20' a 8° 48' Sur y de 29° 5' a 31° 15' Este. Calcúlase que ye'l segundu llagu más grande del mundiu en volume y el segundu más fondu dempués del llagu Baikal en Siberia.[1] El llagu ta dividíu ente cuatro países: la República Democrática d'El Congu, Tanzania, Burundi y Zambia, siendo Tanzania (46 %) y la República Democrática d'El Congu (40 %) los que tienen la mayor parte del llagu. L'agua flúi hacia'l ríu Congu y finalmente al océanu Atlánticu.
| Llagu Tanganica | |
|---|---|
 | |
| Situación | |
 | |
| Tipu | llagu |
| Parte de | Grandes Llagos d'África |
| Coordenaes | 6°06′S 29°30′E / 6.1°S 29.5°E |
  Llagu Tanganica Llagu Tanganica (Tanzania) | |
| Datos | |
| Altitú media | 773 m |
| Superficie | 32 900 km² |
| Conca hidrográfica |
cuenca hidrográfica del Congo (es)  |
| Superficie de la conca | 231 000 km² |
| Llonxitú | 673 km |
| Fondura |
1433 m (máximu) 570 m (media) |
 | |
Xeografía
editar
El llagu alcuéntrase nel Gran Valle del Rift, confináu ente montes. Ye'l segundu mayor llagu del continente en superficie, anque'l más profundu y voluminosu. Estiéndese a lo llargo de 673 km en direición norte-sur y tien, como permediu unos 50 km d'anchu. El llagu cubre 32.900 km², con una llinia de costa de 1.828 km y una fondura media de 570 m y máxima de 1.470 m . Contién unos 18.900 km³ d'agua. La temperatura media na superficie ye de 25 °C y la acidez permediu pH de 8,4.
La gran fondura y la situación tropical del llagu faen que les mases d'agua mézclense, ya que munches de les agües más profundes yeren lo que se denomen "agües fósiles" y yeren anóxiques (carecen d'oxíxenu). La zona d'influencia del llagu abarca 231.000 km², con dos ríos principales fluyendo en direición al llagu, xunto con numberosos pequeños ríos y arroyos que provienen de los pindios montes, siendo'l principal fluxu d'agua'l que provién del ríu Lukuga, que desemboca nel ríu Congu.
Los principales ríos yeren el Ruzizi, que desemboca nel norte del llagu dende'l llagu Kivu, y el Malagarasi, el segundu mayor ríu de Tanzania, que desemboca na oriella este del Tanganica. El Malagarasi esistía enantes que'l llagu Tanganica y anguaño formaba un cauce continuu col ríu Congu.
El llagu ta compartíu por cuatro países: Burundi, República Democrática d'El Congu (RDC), Zambia, y Tanzania que posee de la parte mayor (41%).
Industria
editarEl pescáu del llagu sirve como la principal fonte de proteínes de los habitantes llocales. Na actualidá, alredor de 45.000 trabayen nes pesqueríes qu'operen dende 800 puntos, con cerca d'un millón de persones dependiendo direutamente de la pesca, siendo'l pescáu del llagu Tanganica un productu d'esportación que pue atopase en tolos países del África Oriental. La pesca comercial entamó a mediaos de la década de 1950 y tuvo un importante impautu nes especies. En 1995 capturáronse un total de 180.000 tonelaes.
Tresporte
editarLa ciudá portuaria de Kigoma ye'l llugar d'onde entama'l ferrocarril hacia Dar es Salaam, en Tanzania.
De la ciudá portuaria de Kalemie parte la rede ferroviaria facia la República Democrática d'El Congu.
Historia
editarLos primeros europeos que vieron el llagu foron los esploradores Richard Francis Burton y John Speke el 1858. Atopáronlo demientres guetaben les fontes del ríu Nilu.
Referencies
editarEnllaces esternos
editar
Wikimedia Commons acueye conteníu multimedia sobre Llagu Tanganica.
Datos: Q5511- Multimedia: Lake Tanganyika
