Llingua aUI
aUI ye una llingua artificial creada por John W. Weilgart a principios de la década de 1960. Pola so estructura entra dientro de les llingües filosófiques o llingües lóxiques.
 | |
|---|---|
| Estatus oficial | |
| Oficial en | Nengún país |
| Reguláu por | Nun ta reguláu |
| Códigos | |
| ISO 639-1 | nengún |
| ISO 639-2 | {{{iso2}}}
|
| ISO 639-3 | |
Historia
editar
L'aUI apaeció per primer vegada na publicación "aUI: The Language of Space: Pentecostal Logos of Love & Peace", 1962, siendo, según Weilgart, un idioma absolutamente lóxicu y racional.
John W. Weilgart, un psiquiatra d'Iowa d'orixe austriacu afirmó aprender l'idioma d'un ser del espaciu esterior. La pallabra "aUI" significa (en aUI) "espaciu-mente-soníu". Otros llibros posteriores del mesmu autor afondando sobre esta llingua van ser "aUI: The Language of Space: For the First Time Represented and Adapted to the Needs of This Planet", 1967 y "Cosmic Elements of Meaning: Symbols of the Spirit's Life: A Cosmology for Mankind's Survival in the Atomic Age of Space", 1975.
Carauterístiques
editaraUI utiliza 42 fonemes (incluyendo variaciones nasalizadas de les vocales pa los númberos), a cada unu de los cualos ta acomuñáu un significáu, siendo estos 42 conceutos básicos a partir de los que se constrúin el restu. Magar Weilgart proponía un xuegu propiu d'ideogrames de la so invención, de normal úsense los calteres del alfabetu llatín pa representar la escritura en aUI.
| Partícula | Significáu | Partícula | Significáu | Partícula | Significáu |
|---|---|---|---|---|---|
| a | Espaciu | o | Vida | I | Soníu |
| b | Xuntu | p | Antes | O | Sentimientu |
| c | Ser | q | Condición | U | Mente, espíritu |
| d | Al traviés de | r | Positivu | a* | Unu |
| e | Movimientu | s | Cosa | e* | Dos |
| f | Esto | t | Escontra (direición) | i* | Trés |
| g | Dientro | u | Humanu | o* | Cinco |
| h | Entruga | v | Activu | u* | Cuatro |
| i | Lluz | w | Enerxía | A* | Seis |
| j | Igual | x | Rellación | E* | Siete |
| k | Enriba, cimeru | y | Negativu | I* | Ocho |
| l | Círculu | z | Parte | O* | Diez |
| m | Calidá | A | Tiempu | U* | Nueve |
| n | Cantidá | E | Materia | y* | Cero |
* Nasalizaes.
Delles pallabres en aUI
editar- Dios: kU
- Diablu: yrkU
- Animal: vos
- Animal domésticu: bos
- Perru: waubos
- Gatu: bo*zvos
- Caballu: ukbos
- Páxaru: kEos
- Pescáu: jEos
- Árbol: tok
- Fruta: ot
- Agua: jEn
- Líquidu: jE
- Aire: kE
- Sol: a*ki
- Lluna: y*ki
- Avión: kEged
- Casa: uga
Referencies
editar- Alan Libert, A priori Artificial Languages. Lincom Europa, Munich, 2000. ISBN 3-89586-667-9
- John W. Weilgart, aUI, Language of Space: Logos of Love, Pentecostal Peace, and Health Thru Harmony, Creation and Truth. Cosmic Communication Co., 1979. ISBN 0-912038-08-X
- John W. Weilgart, aUI: The Language of Space: For the First Time Represented and Adapted to the Needs of This Planet. Cosmic Communication Co., 1967. ASIN B000P3RCG2
Referencies
editarEnllaces esternos
editar- The "Language of Space"
- Langmaker.com - aUI
- https://web.archive.org/web/20060324224031/http://home.pacifier.com/~patten/
Datos: Q2713618
Multimedia: AUI (constructed language)
