Llingua artística
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Una llingua artística ye un idioma ficticiu, una llingua artificial, que ñació como actividá creativa d'un autor. Ye dicir, nun ye una llingua construyida creada pa sirvir como idioma auxiliar (l'esperantu) o pa esparcer dalguna rama del conocimientu humanu, son idiomes concebíos pa emplegase en llibros, películes, televisión, comics o videoxuegos.
Les llingües artístiques más espardíes son, ensin dulda, el garapiellu de.llingües de la Tierra Media y l'idioma klingon de Star Trek.
El klingon ye la gran llingua artística, que dio llugar a un ampliu mundu que va acullá de la ficción y llega a ún de los finxos de les llingües; sirvir de ferramienta identitaria y d'integración grupal.
La otra gran llingua artística ye’l qenya o élficu, creáu por J.R.R. Tolkien pal so imaxinariu épicu de la Tierra Media. Sicasí, nun foi l'únicu, Tolkien creó más de quince idiomes pal so mundu fantásticu, pero esti foi’l más espardíu. La llingua foi desendolcada a lo llargo de tola vida del autor, pero algamó’l so cumal cola redaición de “El Señor de los Aniellos”.
Habría munches más nel mundu lliterariu, como la neollingua, l'inglés simplificáu que nun permitía otres formes de pensamientu na novela “1984” de George Orwell, o'l liliputiense, l'idioma de los pequeños habitantes del mundu creáu pol irlandés Jonathan Swift.
Ente estos idiomes, ta garrando un gran puxu nos últimos tiempos la llingua de los Na’vi, llingua creada pa la película “Avatar”.
Referencies
editarEnllaces esternos
editar
Datos: Q1078597
