Lluanco

Lluanco (Luanco en castellanu y oficialmente Lluanco/Luanco) ye una parroquia del conceyu asturianu de Gozón. S'asitia na fastera nororiental del conceyu, y abarca'l tramu de costa que ta ente la punta L'Aguión y la playa la Rivera y les tierres d'alredor. Tien una estensión de 3,84 km², y una población (INE, 2009) de 5.872 habitantes. Amás de la villa homónima, capital del conceyu, pertenecen a ella delles aldees: L'Aramar, Balbín, Llegua, La Mazorra, Moniello, Peroño y Santana.

Lluanco
Alministración
País	España
Autonomía	Principáu d'Asturies
Provincia	provincia d'Asturies
Conceyu	Gozón
Partíu xudicial	Avilés
Tipu entidá	parroquia d'Asturies
Nome oficial	Lluanco / Luanco
Xeografía
Coordenaes	43°37′03″N 5°47′38″O
Lluanco Lluanco (Asturies)
Superficie	3,84 km²
Demografía
Población	5,872 hab. (2009)
Densidá	1529 hab/km²

Lluanco ye, tamién, el nome de la villa capital del conceyu. Tien una población de 5.351 habitantes, y ta allugada ente Candás y Avilés, a pocos quilómetros del Cabu Peñes, que constitúi'l puntu más septentrional d'Asturies. Foi villa principalmente pesquera, magar qu'anguaño tiende a desendolcase más el turismu. Nesta villa hai de solliñar como principales construcciones la Ilesia Parroquial de Santa María de la Anunciación, la Casa de los Menéndez de la Pola, el Muséu Marítimu d'Asturies, la Torre del Reló, y les capielles de San Xuan, la "Concepción", "Santa Ana" y la Islla del Carmen. Nel interior de la Ilesia Parroquial esisten 7 maraviyosos retablos barrocos. Nel altar mayor pue allabase la millagrosa imaxe del Cristu del Socorru, autor según la tradición de dellos milagros.

Ver tamién

• Marino de Luanco

Enllaces esternos

• Wikimedia Commons acueye conteníu multimedia sobre Lluanco.