Homarus gammarus
El bugre[1], llocántaru[2], llocantu[3] o llubricante[4] (Homarus gammarus) ye un crustaceu marín decápodu, asemayáu a la llagosta.
Homarus gammarus bugre  | ||
|---|---|---|
 | ||
| Clasificación científica | ||
| Reinu: | Animalia | |
| Filu: | Arthropoda | |
| Clas: | Crustacea | |
| Orde: | Decapoda | |
| Suborde: | Macrura Reptantia | |
| Superfamilia: | Nephropoidea | |
| Familia: | Nephropidae | |
| Subfamilia: | Nephropinae | |
| Xéneru: | Homarus | |
| Especie: |
H. gammarus Linnaeus 1758 | |
| Consultes | ||
| [editar datos en Wikidata] | ||
Estrémase d'ésta última en que ye mas oscuru y mas delgáu pero más grande, pudiendo llegar a algamar 75 cm. de llargo y un pesu d'hasta 4 kilos.
Los bugres tienen cinco pares de pates. Ocho d'elles, allugaes nel tórax, permiten-y movese, anque son bastante pequeñes en proporción al restu del cuerpu. En cambiu, el primer par de pates termina en dos pinces grandes; una, colos bordes afilaos, val-y pa cortar y la otra, con dientes fuertes, pa triturar. Tien tamién, saliendo de la cabeza, dos antenes llargues y otres cuatro muncho más curties.
Suelen vivir a media fondura abellugaos ente les roques, en llechos d'arena y grava. El so hábitat natural abarca práuticamente toles costes del Atlánticu norte.
Hai tamién una variedá americana del bugre, conocida col nome de (Homarus americanus) y que s'estrema de la especie europea pol color, negru azuláu con manches clares nel primer casu y acoloratáu nel segundu.
La especies europea ye muncho más escasa y sufre anguaño de la sobrepesca, polo que, en delles zones ta prohibío pescalos. Poro, la mayoría de los bugres que s'atopen nos mercaos ye d'orixe americanu.
El bugre ye un alimentu bastante apreciáu pol sabor delicáu de la so carne. Suelen concinase a la plancha o cocese n'agua salao, a poder ser salmoria. Tamién ye frecuente preparalu n'ensalada, con arroz y con fabes.
Nome común
editarEsta especie ye conocida nel dominiu llingüísticu asturlleonés colos siguientes nomes comunes: bugre[1], llocántaru[2], llocantu[3] y llubricante[4].
La pesca del bugre n'Asturies
editarLa estadística oficial de la pesca del bugre n'Asturies, sofitada na venta realizada nes rules ye la que vien darréu (fonte: Direición Xeneral de Pesca Marítima[5]):
| Estadística de la pesca de brugres | |||
|---|---|---|---|
| Añu | Pesu | Importe | Preciu Mediu |
| 2004 | 5.073,86 Kg | 112.906,54 € | 22,25 €/Kg |
| 2005 | 5.537,98 Kg | 127.112,09 € | 22,95 €/Kg |
| 2006 | 6.436,33 Kg | 155.825,37 € | 24,21 €/Kg |
| 2007 | 5.082,66 Kg | 123.133,92 € | 24.37 €/Kg |
| 2008 | 5.878,90 Kg | 132.133,92 € | 22,48 €/Kg |
| 2009 | 5.461,28 Kg | 122.047,56 € | 22,35 €/Kg |
| 2010 | 4.778,42 Kg | 102.573,83 € | 21,47 €/Kg |
| 2011 | 3.888,86 Kg | 74.605,47 € | 19,18 €/Kg |
| 2012 | 4.957,30 Kg | 90.432,86 € | 18,24 €/Kg |
| 2013 | 3.091,68 Kg | 68.760,96 € | 22,24 €/Kg |
| 2014 | 2.947,61 Kg | 59.769,96 € | 20,28 €/Kg |
| 2015 | 3.693,65 Kg | 85.075,31 € | 23,03 €/Kg |
| 2016 | 4.758,60 Kg | 110.536,65 € | 23,23 €/Kg |
| 2017 | 3.247,08 Kg | 82.504,13 € | 25,41 €/Kg |
| 2018 | 4.742,48 Kg | 107.754,45 € | 22,72 €/Kg |
| 2019 | 4.276,17 Kg | 98.666,55 € | 23,07 €/Kg |
| 2020 | 3.766,92 Kg | 82.724,19 € | 21,96 €/Kg |
| 2021 | 4.807,09 Kg | 129.701,59 € | 26,98 €/kg |
| 2022 | 5.885,05 Kg | 159.575,91 € | 27,12 €/Kg |
Imáxenes
editar-
Homarus gammarus -
Homarus americanus
Referencies
editar- ↑ 1,0 1,1 «Diccionariu de la Llingua Asturiana» (asturianu) (15 avientu 2000). Consultáu'l 2 xineru 2024.
- ↑ 2,0 2,1 «Diccionariu de la Llingua Asturiana» (asturianu) (15 avientu 2000). Consultáu'l 2 xineru 2024.
- ↑ 3,0 3,1 «Diccionariu de la Llingua Asturiana» (asturianu) (15 avientu 2000). Consultáu'l 2 xineru 2024.
- ↑ 4,0 4,1 «Diccionariu de la Llingua Asturiana» (asturianu) (15 avientu 2000). Consultáu'l 2 xineru 2024.
- ↑ Estadística Pesquera de la Direición Xeneral de Pesca Marítima del Principáu d'Asturies Archiváu 2015-10-18 en Wayback Machine consultao’l 06.02.2018
Enllaces esternos
editar
Wikimedia Commons acueye conteníu multimedia sobre Homarus gammarus.
| Wikispecies tien un artículu sobre Homarus gammarus. |
Datos: Q27690- Multimedia: Homarus gammarus
Especies: Homarus gammarus
