Luohan Quan

Luohan Quan (羅漢拳, lúohànquan), pronunciáu rakanken en xaponés, significa lliteralmente "Boxéu de los Arhat". La historia tradicional sobre la creación d'esti estilu chinu diz que foi creáu por monxos del Templu Shaolin, per aciu d'observar ya imitar les actitúes y espresiones que teníen les estatues de los Arhat (“siguidores illuminaos del Buda”) nel templu. Per mediu de la meditación y la práutica, crearon una forma llamada "dieciocho movimientos de manes de los Arhat", que consistía precisamente en dieciocho habilidaes y téuniques de combate. En resultes d'esto, crearon llueu venticuatro movimientos nuevos p'avanzar y retirase en combate.

El Boxéu de los Arhat o Luohan Quan tien en total 108 movimientos diferentes; d'ente ellos, hai seis formes diferentes de puñu, dos formes de palma y cuatro formes de torgar y garrar. Los movimientos del Boxéu de los Arhat son simples y direutos. Cada movimientu representa la cenciellez y guapura de les espresiones de les estatues de los Arhat (Luohan, Lohan). Los movimientos de les formes de Luohan Quan escuenden ataques potentes.

Luohan Quan Allegre, Luohan Quan Enfadosu

Nel usu actual, el Luohan ensamó en munches formes estremaes. Una d'eses formes llámase Xi Nu Luohan Quan, que lliteralmente significa Luohan Quan Enfadosu-Allegre.

Ver equí una cita sobre Xi Nu Luohan Quan:

Shi De Qian Archiváu 2010-11-05 en Wayback Machine del Templu Shaolin de Henan, en China, escribió la hestoria de Shaolin incluyendo'l Xi Nu Luohan Quan, Boxéu de Luohan Enfadosu-Allegre, na Enciclopedia Completa de les Artes Marciales del Templu Shaolin (Shaolinsi Wushu Baike Quanshu), volúmenes I y II. Solamente 18 de les 108 postures tán documentaes nel llibru.
Esperdigaes per esta y otres páxines hai munches semeyes de lo que que pa munchos son postures desavezaes y estrañes. Esto ye Xi Nu Luohan Quan, Boxéu de Luohan Enfadosu-Allegre. Dixéronme que Sek Koh Sum sabía que taba morriendo y ordenó qu'un fotógrafu sacara ensembre les 108 postures del so queríu Luohan Quan pa futuros discípulos de Shaolin.
Esti ye ún de los niveles cimeros del arte ya inclúi atributos d'emociones y soníos (d'ehí les espresiones faciales).
Dicen qu'esti arte foi prauticáu por solamente cuatro de los dieciocho discípulos orixinales (del Templu Shuanglin de Singapur); dizse qu'estudiantes ordinarios como los d'Indonesia o Malasia nun lu deprendieron. Anguaño solamente una persona lu conoz, darréu que'l restu desgraciadamente yá morrió.
En realidá la mayoría de los estudiantes nun deprendieron la tradición completa de Luohan porque Sek Koh Sum Archiváu 2011-07-06 en Wayback Machine enseñó diferentes habilidaes a diferentes estudiantes. Por eso más de trenta escueles de la tradición Shi Gao Can apaecieron en Singapur, Malasia ya Indonesia a traviés de los años.

Usu actual

El "Shaolinquan" emplega'l Luohanquan como parte del so entrenamientu.
El "Jingangbashi" ye una nueva forma que foi creada combinando Luohanquan y Bajiquan.
El "Xingyiquan" usa formes asemeyaes a les de Luohanquan.
"Honan Bei Shaolin Mei Hua Chuan" ye un estilu con un currículum muncho de Luohanquan.
– Kung Fu Lohan de Shaolin Sureñu
– L'Auténticu Institutu Shaolin, qu'inclúi Artes Marciales Luohan de Sek Koh Sum
–Huang Han Xun. Luohan Gong: Conxuntu d'Exercicios Internos de Shaolin

Videos de Youtube

Referencies

Enllaces esternos

Wikimedia Commons tien conteníu multimedia tocante a Luohan Quan.