Los Barruecos
Los Barruecos ye una paraxa natural declaráda monumentu natural pola Xunta d'Estremadura en febreru de 1996, una figura llegal que garantiza la proteición d'esti espaciu coles mires de caltenelo pa les xeneraciones futures.[1] Pa xustificar l'aplicación d'esti réxime de proteición n'esti entornu remanáronse numberoses razones de gran pesu, en rellación a la importancia de la xeoloxía, la fauna y la flora de la zona, lo mesmu que de los restos arqueolóxicos qu'atestigüen una siguida presencia humana na rexón. Esta reconocencia oficial débese en gran midida a la repercusión mediática que xeneró'l proyeutu del Muséu Vostell Malpartida nel añu 1976, que foi promovíu y allugáu nesos terrenes pol artista alemán afincáu n'Estremadura Wolf Vostell, pintor, escultor, pioneru de la Instalación y del Videoarte y una de les figures más destacaes del movimientu Fluxus.
| Los Barruecos | |
|---|---|
.jpg) | |
| Alministración | |
| País |  España |
| Autonomía |  Estremadura |
| Provincia |  Provincia de Cáceres |
| Conceyu | [[d:Special:EntityPage/Q946208|{{{2}}} |
| Tipu d'entidá | área protexida |
| Nome oficial | Los Barruecos (es) |
| Xeografía | |
| Coordenaes | 39°25′34″N 6°29′42″W / 39.4261°N 6.495°O |
| Superficie | 3.19 km² |
| Demografía | |
| Más información | |
| Fundación | 19 febreru 1996 y 1996 |
| malpartidadecaceres.es… | |
 | |
Los Barruecus atópanse a unos 14 quilómetros de Cáceres, nel términu municipal de Malpartida de Cáceres, aproximadamente tres quilómetros al sur del nucleu urbanu. S'accede dende Cáceres pela carretera N-521 hasta Malpartida de Cáceres, onde la esviadura escontra Los Barruecos ta yá señalizada.
Paisaxe
editar
El perfil y la configuración del paisaxe son singulares y evocadores. Les grandes mases de granitu degradáronse progresivamente a lo llargo de millones d'años p'aniciar unes formes monolítiques globulares conocíes como bolos, verdaderes escultures moldiaes pola mano de la naturaleza, que recibieron nomes como la Seta o les Peñes del Tesoru. El ríu Salor ye la principal arteria fluvial, yá que a él drenan los regueros que'l so represamiento en distintes dómines fixo posible la creación d'una serie de llamargues. Ente elles atopase la conocida como del Barruecu d'Abaxo, na so vera alcuéntrase l'antiguu Llavaderu de Llanes, que constitúi l'actual Muséu Vostell Malpartida.
El Rateru ye un edificiu construyíu nel sieglu XVIII p'allugar la industria lanar de la zona. Con esti fin aprovecháronse les estructures d'unos molinos fariñeros presistentes. En 1988 el conxuntu foi declaráu «Bien d'interés cultural y Sitiu históricu» pola Xunta d'Estremadura. Exemplu paradigmáticu de l'arqueoloxía preindustrial y citáu nel so momentu por estudiosos como Pascual Madoz, Antonio Ponz o Juan Agustín Ceán Bermúdez, esperimentó un procesu d'ampliación debíu a la puxanza de la industria a la que se dedicaba a lo llargo del sieglu XIX, pa sufrir darréu l'abandonu y la ruina mientres el sieglu XX. Constaba de dellos molinos, un batán, el llavaderu, oficines, dependencies, una pequeña ermita y la llamarga, esencial pal procesu de la llavadura de la llana. La so arquiteutura entámase partiendo del muru de la llamarga, dende u s'anicien una serie de naves o espacios abovedaos qu'anguaño caltienen los nomes de les antigües funciones a les que taben dedicaos, como'l esquileo, pesaxe, calderes... Estos espacios sofitánse por arquerías compuestes por panales rústicos de lladriyu, perteneciendo toos estes traces a l'arquiteutura popular de la rexón.
Fauna
editarLos malpartideños son miu aficionaos a pescar na llamarga llamada del Barruecu d'Abaxo, u se prinden unos pexes, les tenques, bien apreciaos pol so sabor y que s'utilicen como ingrediente principal de dalgunos de los platos más celebraos de la gastronomía llocal.
Les tenques nun son la única especie animal destacada de Los Barruecos. Podría considerase que la más señalada d'esti hábitat ye la cigüeña blanca, qu'estableció nél una de les colonies sobre roca más importantes a nivel Européu. Gracies a esti fechu Malpartida de Cáceres foi nomada pueblu européu de les cigüeñes en 1997 pol Fondu Patrimoniu Natural Européu. Estes aves constrúin los sos niales sobre los bolos graníticos, xenerando con ello la imaxe más emblemática d'esti paisaxe. Otros animales que pueblen la zona son llondres, llebres, llagartos ocelados (el mayor de los llagartos ibéricos), tritones, galápagos malatos y delles especies d'aves de presa como águila calzada y culiebrera, bilanu real y ñegru o aguilucho cenizo. Tocante a la flora, n'orixe más arbolada, derivó hacia otra formada na so mayoría por diverses especies de carbes (retames, codeso) por cuenta de les actividaes agraries y ganaderes nel ecosistema. Nes zones húmedes, observánse tamién delles especies de ranúnculos y orquídees.
- Panoramas
-
-
.jpg)
Arqueoloxía
editar
Son numberosos los restos arqueolóxicos esistentes en Los Barruecos. Nes Peñes del Tesoru alcuéntrase un importante xacimientu prehistóricu que toma delles de les etapes de la Prehistoria de la rexón. Cabe destacar que nesti sitiu topáronse les evidencies más antigües de producción agrícola d'Estremadura Archiváu 2007-09-27 en Wayback Machine fechaes hai unos 7000 años, nel Neolíticu. El sitiu foi habitáu n'etapes posteriores como'l Calcolítico o la Edá del Bronce. En rellación con esti asentamientu habría que citar un conxuntu de pintures y grabaos rupestres, que se conformen como unu de los nucleos d'arte rupestre postpaleolítico más interesantes d'Estremadura. Escontra'l sur alcuéntrase una importante necrópolis megalítica, la de Hijadilla.
De dómines más recién topáronse sillares con inscripciones y texas que daten de la dómina romana, y tamién son conocíos dellos enterramientos antropomorfos tallaos en roca del periodu altomedieval. Sumaos al antiguu Llavaderu, del sieglu XVIII, y a diversos molinos fariñeros, toos estos restos constitúin un interesante rexistru arqueolóxicu de la presencia y actividaes humanes na rexón.
Referencies
editarCategoría:Estremadura
Datos: Q9023897
Multimedia: Los Barruecos
