Lucía Herrera

Lucía Herrera
Vida
Nacimientu	Xixón,
Nacionalidá	España
Estudios
Estudios	Universidá d'Uviéu ; Universidá Pompeu Fabra ; Universidá Abierta de Cataluña
Oficiu	realizadora de televisión, direutora de cine, xurista
IMDb	nm1891811

Lucía Herrera (¿?Xixón) ye una direutora, guionista y productora de cine asturiana. En 2023 ye direutora d'antena de la Radiotelevisión del Principáu d'Asturies^[1]

Datos biográficos

Lucía Herrera naz na ciudá de Xixón (Principáu d'Asturies). Llicenciada en Derechu y Ciencies del Trabayu, posgráu en Derechos de la Propiedá Intelectual pola Universidá Pompeu Fabra de Barcelona, llogra'l Premiu de fin de carrera nel añu 2002. Darréu, estudia la llicenciatura en Comunicación Audiovisual na Universidá Abierta de Cataluña. En collaborando en dellos proyeutos, asume la codirección de les siguientes películes de non ficción xunto a Juan Luis Ruiz: Lluvina (2002), Medrana (2004), El balagar (2005), Cinco deos (2006). L'escaezu Alcordances del 37 (2008), Los Fugáivos (2009) y Memories de les nueses güeles (2011). Dirixó Subir al cielo, la so primer película de ficción en solitariu.

Filmografía

Añu	Película	Xéneru
2012	Subir al cielo	llargumetraxe de ficción
2011	Memories de les nueses güeles	llargumetraxe documental
2009	Los Fugáivos. Hestories del silenciu	llargumetraxe documental
2008	Cinco deos nel desiertu	curtiumetraxe documental
2008	L'Escaezu. Alcordances del 37	llargumetraxe documental
2005	El Balagar	videopoema
2004	Medrana	llargumetraxe documental
2002	Lluvina	mediumetraxe documental

Premios

PREMIU AL DOCUMENTAL LLUVINA del II Festival Internacional INCUNA nel añu 2003 y Mención Especial pola so orixinalidá nel tratamientu visual del Patrimoniu Industrial
PREMIU AL DOCUMENTAL LLUVINA nel Festival de Cine Asturianu de Lluvina, añu 2006

Referencies

↑ «LUCÍA HERRERA CUEVA. Directora de Antena.» (castellanu). Consultáu'l 26 de febreru de 2023.

Enllaces esternos

[1] «LUCÍA HERRERA CUEVA. Directora de Antena.» (castellanu). Consultáu'l 26 de febreru de 2023.

[1]