Lucien Aimar

Lucien Aimar
Vida
Nacimientu	Hyères, 28 d'abril de 1941 (83 años)
Nacionalidá	Francia
Estudios
Llingües falaes	francés
Oficiu
Oficiu	ciclista
Trayeutoria
	Participante Tour de Francia ; Xuegos Olímpicos de Tokiu 1964 ; Super Prestige Pernod 1966 (es) (5.); Super Prestige Pernod 1967 (es) (7.) ;
Altor	170 cm
Premios	ver caballeru de la Lexón d'Honor (13 xunetu 2021) ;

Lucien Aimar (28 d'abril de 1941, Hyères) foi un ciclista francés, profesional ente los años 1965 y 1973, moteyáu L'astutu.

Carrera amateur

Aimar foi un brillante ciclista francés na categoría amateur, llegando a formar parte del equipu olímpicu qu'allegó a los Xuegos de Tokyo 1964.

Dos meses más tarde, terminó en 2ª posición nel Tour de l'Avenir, a 42 segundos del italianu Felice Gimondi, en sufriendo una penalización d'un minutu por una engarradiella con un corredor belxicanu.

Carrera profesional

Saltó a la profesionalidá en 1965 nes files del equipu Ford-Gitane, al cual pertenecía Jacques Anquetil y que taba dirixíu por Raphael Geminiani. Nel so debú nel Tour de Francia viose obligáu a abandonar de resultes d'una cayida.

En 1966, comienzó la temporada con dellos trunfos en carreres d'un día y una 2ª plaza na Flecha Valona, pero anguaño tuvo marcáu sobremanera pola so victoria nel Tour de Francia, gracies a dos escapaes nes etapes del Aubisque y Turín y a l'ayuda de Anquetil.

En 1967 participó nel Giro d'Italia como gregariu de Anquetil y remató na 7ª posición de la clasificación xeneral. Allegó al Tour de Francia como líder del equipu nacional francés, y en llogrando un trunfu d'etapa, terminó en 6ᵘ llugar de la xeneral. Tres el Tour, terminó 2ᵘ nel Campeonatu de Francia de fondu en carretera.

Al añu siguiente allegó a la Vuelta ciclista a España, na cual trunfó Gimondi y Aimar solo pudo ser 9ᵘ. Nun pudo repitir el trunfu d'etapa de la edición del añu anterior, algamando namái un segundu puestu d'etapa nel Tour y rematando en 7ᵘ llugar na xeneral. Aquel añu sí llogró vencer nel Campeonatu de Francia.

1969 foi un añu complicáu pa Aimar, nel cual abasnó una gran baxa forma mientres tola temporada, lo cual reflexóse nuna probe actuación nel Tour de Francia. Amás, foi suspendíu mientres un mes por dopaxe, lo cual torgó-y participar na Vuelta a España.

Tres una reestructuración del equipu Bic, cola llegada de Luis Ocaña ente otros, Aimar camudó d'equipu y recuperó parte de la so bona forma pasada, anque nun llegó a consiguir nengún trunfu destacáu. Terminó 2ᵘ na clásica Burdeos-París y 9ᵘ nel Tour de Francia, onde'l belga Lucien Van Impe foi'l que s'alzó como líder del equipu Sonolor Lejeune.

En 1971, yá ensin ser el xefe de files del equipu, Aimar volvió terminar 9ᵘ nel Tour gracies a una escapada. Mientres los dos últimos años de la so carrera nun llogró nengún ésitu de sonadía más pa la so palmarés, anque sí participó nes ediciones del Tour de Francia de 1972 y 1973, completando asina 9 participaciones en la ronda gala, nes que terminó la carrera en toes menos na edición de 1965.