Abrir el menú principal

Luis Gómez Llorente

06-04-2019 13:00
Luis Gómez LlorentePicto infobox auteur.png
Luis Gomez Llorente y Pablo Castellano en 1983.jpg
Escudo de España (mazonado).svg
Diputáu nel Congresu de los Diputaos d'España

2 xunetu 1977 - 23 marzu 1979
Distritu: Asturies
Eleiciones: eleiciones xenerales d'España de 1977
Escudo de España (mazonado).svg
Diputáu nel Congresu de los Diputaos d'España

15 marzu 1979 - 18 payares 1982
Distritu: Asturies
Eleiciones: eleiciones xenerales d'España de 1979
Vida
Nacimientu Segovia29  de xineru de 1939
Nacionalidá Bandera d'España España
Fallecimientu

5  d'ochobre de 2012

(73 años)
Estudios
Estudios Universidá Complutense de Madrid
Llingües castellanu
Oficiu
Oficiu escritor y políticu
Llugares de trabayu Madrid
Miembru de Unión Xeneral de Trabayadores
Creencies
Partíu políticu Partíu Socialista Obreru Español
Cambiar los datos en Wikidata

Luis Gómez Llorente (29  de xineru de 1939Segovia - 5  d'ochobre de 2012) foi un historiador, filósofu, profesor y políticu español, históricu militante del socialismu d'izquierda. Foi Diputáu al Congresu de los Diputaos por Asturies na Transición española.

Actividá política na clandestinidáEditar

Luis Gómez Llorente estudió na antigua Facultá de Filosofía y Lletres de la Universidá Complutense de Madrid, onde se llicenció na especialidá de Filosofía Pura. Cursó tamién estudios de Derechu. Foi a lo llargo d'esos años de formación cuando entamó la so actividád política na Agrupación Socialista Universitaria, ingresando en 1958 nel Partíu Socialista Obreru Español, nel que llegó a ser Secretariu d'Educación y Formación y miembru de la Comisión Executiva; asina como na UXT.

Dedicáu a la docencia, impartió clases de Filosofía, nuna pequeña academia privada, na antigua Univeridá Llaboral d'Alcalá de Henares, depués nel Institutu de Bachilleratu "Severo Ochoa" y nel Institutu d'Educación Secundaria "Virgen de la Paloma" de Madrid. Como proyeición d'esta dedicación profesional, Gómez Llorente foi nomáu en 1974 Vicedecanu del Colexu Oficial de Doctores y Llicenciaos, formando parte de la candidatura progresista, nuna dómina histórica, la de la transición a la democracia n'España, en que los Colexos profesionales desempeñaron un papel importante como instrumentu y caxa de resonancia de la llucha escontra la dictadura de Francisco Franco.

Teóricu d'Izquierda SocialistaEditar

Nes Eleiciones xenerales del 15 de xunu de 1977 Luis Gómez Llorente foi elixíu diputáu por Asturies. Reelixíu en 1979 tamién foi Vicepresidente Primeru del Congresu de los Diputaos na I Llexislatura.

Persona más inclinada hacia un trabayu internu, el momentu de mayor proyeción pública de Gómez Llorente asocedió en 1979 a lo llargo del XXVIII Congresu del PSOE, nel que, xunto a Francisco Bustelo, Pablo Castellano y otros representantes del ala izquierda del partíu, opúnxose al pragmatismu socialdemócrata impulsáu por Felipe González, encabezando lo que sedría llueu'l nucleu alredor del que se formó la corriente Izquierda Socialista (IS).