Luis Vega Escandón
Luis Vega Escandón (11 de payares de 1928, Lluanco – 31 d'ochobre de 2014, Lluanco)[2] foi un abogáu y políticu asturianu que foi Diputáu al Congresu por Asturies.
.svg){kind=small}
Vega Escandón llicencióse en Derechu pola Universidá d'Uviéu y siempre tuvo cercanu a les polítiques democratacristianes, participando en divesos entamos dende los tiempos del franquismu. Nel añu 1962 integróse nel partíu Izquierda Demócrata Cristiana, fundando nel añu 1976 xunto con Fernando Álvarez de Miranda el Partido Democratacristiano, que más sero s'integraría na UCD, y col que sería elixíu Diputáu al Congresu por Asturies nes primeres eleiciones de la Transición (1977) y nes del añu 1979. Posteriormente, depués del francimientu de la UCD, ingresaría nel Partido Demócrata Popular col que participa nes eleiciones de 1982 en coalición con Alianza Popular, volviendo a ser elixíu Diputáu. Depués de la disolución del Partido Demócrata Popular ingresaría nel Partido Popular, formación qu'abandonaría nel añu 1996.
Tamién algamaría la condición d'Eurodiputáu. Igualmente participaría na redación del Estatutu d'Autonomía d'Asturies, siendo Vicepresidente del Conseyu Rexonal.
Referencies
editar- ↑ Afirmao en: Diccionario biográfico español. Identificador DBE: 85527/luis-vega-escandon. Apaez como: Luis Vega Escandón. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Fallece el político y abogado Luis Vega Escandón
Datos: Q13147731
