Múrmansk

Múrmansk
Alministración
País	Rusia
Óblasts	Óblast de Múrmansk
Tipu d'entidá	ciudá/pueblu
Cabezaleru/a del gobiernu	Andrej Sysojev
Nome llocal	Мурманск (ru)
Códigu postal	183000
Xeografía
Coordenaes	68°58′00″N 33°05′00″E / 68.9667°N 33.0833°E
	Múrmansk Múrmansk (Rusia)
Superficie	168.14 km²
Altitú	50 m
Llenda con	Severomorsk Urban Okrug (en) y Raión de Kola (es)
Demografía
Población	267 422 hab. (2023)
Porcentaxe	40.74% de Óblast de Múrmansk
Densidá	1590,47 hab/km²
Más información
Fundación	4 ochobre 1916
Prefixu telefónicu	8152
Estaya horaria	UTC+03:00
Llocalidaes hermaniaes	Luleå, Jacksonville, Akureyri, Minsk, Tromsø, Vadsø, Groningen, Alanya, Cuxhaven, Douarnenez, Gómel, Harbin y Pärnu (es)
	citymurmansk.ru

Múrmansk (en rusu Му́рманск, y en sami kildin Мурман ланнҍ) ye una ciudá portuaria rusa, centru alministrativu del óblast homónimu, nel estremu más noroccidental de Rusia. Asiéntase nes dos orielles d'un pequeñu fiordu, la badea de Kola, una pequeña ría nel mar de Barents, al norte de la península de Kola. Asítiase a 108 km de la frontera con Noruega, y a 182 km de la frontera con Finlandia, y el so nome significa, en rusu antiguu, costa noruega. La so población, creciente dende la so fundación, nel contestu de les guerres mundiales, vien amenorgando seliquino dende finales de la guerra fría: tenía 468.039 habitantes nel censu de 1989, y namái 299.148 na estimación del censu de 2014.

Pese a la so llatitú (66°33'N), 2º perriba del círculu polar árticu, la Corriente del Atlánticu Norte fai que'l clima de la ciudá seya abondo más caldiu que'l d'otros puertos árticos como Iqaluit en Canadá o Dikson, en Siberia, asitiaos en llatitúes asemeyaes. Los iviernos son llargos y con bayura de nieve, pero como la corriente del Atlánticu caltién llibres de xelu les agües de la badea estes atemperen el clima. La ciudá tien bona comunicación, per autopista y ferrocarril, col restu'l país, y la rede de trolebuses urbanos más septentrional del mundu. Murmansk foi la cabera ciudá fundada nel Imperiu rusu. En 1915, les necesidaes derivaes de la Primer Guerra Mundial ficieron conveniente la construcción d'un ferrocarril dende Petrozavodsk a un llugar llibre de xelu na costa de Murman, nel Árticu rusu, pa que los aliaos de Rusia pudieran unviar ellí per barcu suministros militares. L'estremu de la llinia, la estación Murman, pronto agospió un puertu, una base naval y un asentamientu axacente, que bien ceo entamó a medrar enforma, sobrepasando desiguida la población de les cercanes ciudaes de Kola y Alexandrovsk.

Referencies

Enllaces esternos

Wikimedia Commons tien conteníu multimedia tocante a Múrmansk.