Magnitú específica

En física, una magnitú específica, ye una magnitú referida a la unidá de masa. Ye, poro, el valor o intensidá de la magnitú considerada, correspondiente a cada unidá de masa nel SU ( sistema d'unidaes) utilizáu.

EXEMPLOS

Son denominaciones correutes:

Calor específico: Cantidá de calor necesario p'amontar en 1 K la temperatura de la unidá de masa d'un cuerpu. Esprésase en xulios por kelvin y por kilogramu.

Enerxía específica: Enerxía per unidá de masa. Esprésase en xulios per kilogramu.

Volume específico: Volume ocupáu pola unidá de masa d'una sustanza. Esprésase en metros cúbicos por kilogramu. El so valor representa l'inversu de la densidá.

Otros usos del términu específicu nun se dexen nel contestu del Sistema Internacional d'Unidaes y, arriendes d'ello, son reprobables.

Acordies cola normativa, ye reprobable el términu pesu específicu, yá que el so significáu sería pesu per unidá de masa, esto ye newtons por kilogramu; en cuantes que el qu'equivocadamente se-y asigna ye'l de pesu per unidá de volume, esto ye, newtons por metro cúbicu (densidá de pesu sería la so denominación correuta).


Enllaces esternosEditar

Bureau International des Poids et Mesures - The International System of Mesures

National Institute of Standards & Technology - Guide for the Use of the International System of Units (SI)